ಕಾಂಗ್ರೆಸ್ ಜಿಲ್ಲಾಧ್ಯಕ್ಷರ ವಿರುದ್ಧ ಹಣ ವಂಚನೆ ಆರೋಪ!

ಚನ್ನಪಟ್ಟಣ: ನಿರಂತರ ಜ್ಯೋತಿ ಕಾಮಗಾರಿಯ ಉಪಗುತ್ತಿಗೆ ಪಡೆದು ಕೆಲಸ ಮುಗಿಸಿ ಮೂರು ವರ್ಷ ಕಳೆದಿದ್ದರೂ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಎಸ್.ಗಂಗಾಧರ್ ಕಾಮಗಾರಿ ಹಣ ನೀಡದೇ ವಂಚಿಸಿದ್ದು, ಹಣ ಕೇಳಿದ್ದಕ್ಕೆ ಬೆಂಬಲಿಗರಿಂದ ಬೆದರಿಕೆ ಹಾಕಿಸಿದ್ದಾರೆ ಎಂದು ಗುತ್ತಿಗೆದಾರ ಸುರೇಶ್ ಬಾಬು ಗಂಭೀರ ಆರೋಪ ಮಾಡಿದರು.

49 ಲಕ್ಷ ವಂಚನೆ!: ಹುಬ್ಬಳ್ಳಿ-ಧಾರವಾಡ, ಹೊಸಕೋಟೆ, ಚಿತ್ರದುರ್ಗ ಸೇರಿದಂತೆ ಹಲವು ಕಡೆ ಕಂಪನಿ ಕಾಮಗಾರಿ ನಡೆಸಿದ್ದು, ಅವರ ಕಂಪನಿ ಪೋಲ್ ಸಿಮೆಂಟ್ ಕಾಂಕ್ರೀಟ್ ಕಾಮಗಾರಿಯನ್ನು ನನಗೆ ಉಪಗುತ್ತಿಗೆ ನೀಡಿತ್ತು. ಒಂದು ಪೋಲ್‌ಗೆ 2,863 ರು.ಗಳಂತೆ ನನಗೆ ಕಾಮಗಾರಿ ನೀಡಲಾಗಿತ್ತು. ಕಾಮಗಾರಿ ನಡೆಸಿದ ನಾನು ಹಂತಹಂತವಾಗಿ ಬಿಲ್ ಸಲ್ಲಿಸಿದ್ದೆ, ಅವರು ಸಹ ಒಂದು ಲಕ್ಷ, ಒಂದೂವರೆ ಲಕ್ಷದಂತೆ ಹಂತಹಂತವಾಗಿ ಹಣ ಸಂದಾಯ ಮಾಡಿದರು. ನನಗೆ ಒಟ್ಟಾರೆ 20 ಲಕ್ಷ ಹಣ ನೀಡಲಾಗಿದೆ ಎಂದು ಅವರು ಹೇಳುತ್ತಾರೆ. ಆದರೆ, ಬೇರೆಯವರಿಗೆ ನೀಡುವಂತೆ ನನಗೆ ನೀಡಿದ್ದ 3.16 ಲಕ್ಷ ರು. ಹಣ ಸಹ ನನ್ನ ಲೆಕ್ಕಕ್ಕೆ ಸೇರಿಸಲಾಗಿದೆ ಎಂದರು.

ಫೈನಲ್ ಬಿಲ್ ನೀಡಿದ ನಂತರ ಹಣಕ್ಕಾಗಿ ಅವರ ಬಳಿ ಎಷ್ಟೋ ಬಾರಿ ಎಡೆತಾಕಿದ್ದೇನೆ. ಹೋದಾಗಲೆಲ್ಲ ಮುಂದಿನ ಬಿಲ್‌ನಲ್ಲಿ ಹಣ ಸಂದಾಯ ಮಾಡುವುದಾಗಿ ಸಬೂಬು ಹೇಳುತ್ತಿದ್ದರು. ಕೊನೆಗೆ ಕಡೆಯ ಬಿಲ್‌ನಲ್ಲಿ ಹಣ ನೀಡುವುದಾಗಿ ತಿಳಿಸಿದರು. ಆದರೆ, ಅವರು 100% ಹಣ ಗುತ್ತಿಗೆ ಪಡೆದಿದ್ದರೂ ಸಹ ನನಗೆ ಹಣ ನೀಡಲಿಲ್ಲ. ಕೊನೆಗೆ ನೀನು ಸರಿಯಾಗಿ ಕೆಲಸ ಮಾಡಿಲ್ಲ ಆದ ಕಾರಣ ಕೇವಲ ಅರ್ಧ ಹಣ ಮಾತ್ರ ಪಾವತಿಸುತ್ತೇನೆ, ಏನು ಬೇಕಾದರೂ ಮಾಡಿಕೋ ಎಂದರು ಎಂದು ಅಳಲು ತೋಡಿಕೊಂಡರು.

ಅತ್ಮಹತ್ಯೆಯೊಂದೇ ದಾರಿಬ್ಯಾಂಕ್‌ಗಳಿಂದ ಹಣ ಕಟ್ಟುವಂತೆ ನೋಟಿಸ್ ಬರುತ್ತಿದೆ. ಈ ಹಂತದಲ್ಲೂ ನನಗೆ ಬರಬೇಕಾದ ಹಣ ಬರದಿದ್ದರೆ, ಆತ್ಮಹತ್ಯೆ ಬಿಟ್ಟು ನನಗೆ ಬೇರೆ ದಾರಿಯೇ ಉಳಿದಿಲ್ಲ. ಆತ್ಮಹತ್ಯೆ ಮಾಡಿಕೊಳ್ಳವ ಉದ್ದೇಶದಿಂದ ಈಗಾಗಲೇ ಸುಸೈಡ್ ಲೆಟರ್ ಅನ್ನು ಸಿದ್ದಪಡಿಸಿದ್ದೇನೆ ಎಂದು ಸುಸೈಡ್ ಲೆಟರ್ ಪ್ರದರ್ಶಿಸಿದರು.