ಸಾಧನೆ ಮಾಡಿ ಸಮಾಜಕ್ಕೆ ಕೊಡುಗೆ ನೀಡಿ: ಹೆಗ್ಡೆ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ನಗರದ ಬಿ.ಎಂ.ಶ್ರೀ ಸಭಾಂಗಣದಲ್ಲಿ ಭಾನುವಾರ ಕೆ.ಪಿ. ಪಬ್ಲಿಕೇಷನ್ಸ್ ಪ್ರಕಟಣೆಯ ‘ಸಾಧನೆಯ ಶಿಖರ ಡಾ.ಸುಧಾ ಮೂರ್ತಿ’ ಪುಸ್ತಕ ಬಿಡುಗಡೆಗೊಳಿಸಿ ಮಾತನಾಡಿದ ಅವರು, ಎಲ್ಲರಿಗೂ ಸಹಾಯಹಸ್ತ ಚಾಚುವ ವಿಶಾಲ ಮನಸ್ಸು ಮತ್ತು ಗುಣವನ್ನು ಸುಧಾ ಮೂರ್ತಿ ಬೆಳೆಸಿಕೊಂಡಿದ್ದಾರೆ. ತಾವು ಎಲ್ಲಾದರೂ ಹೋದಾಗ ಕೊರತೆ ಕಾಣಿಸಿದರೆ ಅದನ್ನು ತಮ್ಮ ವ್ಯಾಪ್ತಿಯಲ್ಲಿ ಕೊರತೆ ನೀಗಿಸಲು ಪ್ರಯತ್ನಿಸುತ್ತಾರೆ. ದಾರಿ ಹೋಕನಿಗೆ ಸಣ್ಣ ನೆರವು ನೀಡುವುದರಿಂದ ಹಿಡಿದು ದೊಡ್ಡ ಯೋಜನೆ, ಮಹತ್ವದ ಉದ್ದೇಶಗಳಿಗೆ ನೆರವು, ಸಹಾಯ ಮಾಡುತ್ತಾರೆ. ಉನ್ನತ ಹುದ್ದೆಗೇರಿ ಸಮಾಜಕ್ಕೆ ಕೊಡುಗೆ ನೀಡುವ ಇಂತಹ ವ್ಯಕ್ತಿಗಳೇ ಸಮಾಜಕ್ಕೆ ಮಾದರಿ ಎಂದರು.

ಕಾರ್ಯಕ್ರಮದಲ್ಲಿ ಸಾಹಿತಿ ಹಂಪ ನಾಗರಾಜಯ್ಯ, ಪುಸ್ತಕದ ಲೇಖಕರಾದ ಡಾ.ಎಚ್.ಎಸ್.ಎಂ ಪ್ರಕಾಶ ಮತ್ತು ಡಾ. ಕೆ.ಎನ್. ಕೇಶವ ಮೂರ್ತಿ ಇದ್ದರು.