ಅರಣ್ಯ ನಾಶದಿಂದ ಜೀವವೈವಿದ್ಯ ಮೇಲೆ ಪ್ರತಿಕೂಲ ಪರಿಣಾಮ

ಧಾರವಾಡ: ಅರಣ್ಯ ನಾಶದಿಂದ ಜೀವವೈವಿಧ್ಯ ನಷ್ಟ, ಪ್ರಾಣಿಗಳು ಮತ್ತು ಸಸ್ಯಗಳ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ ಎಂದು ಮಲಪ್ರಭಾ ನೀರು ಬಳಕೆದಾರರ ಸಹಕಾರ ಸಂಘಗಳ ಮಹಾಮಂಡಳದ ಅಧ್ಯಕ್ಷ ಸದಾಶಿವಗೌಡ ಪಾಟೀಲ ಹೇಳಿದರು.

ಜಾಗತಿಕ ಹವಾಮಾನದ ಬದಲಾವಣೆ ಪರಿಣಾಮದಿಂದ ಜಲಚಕ್ರದಲ್ಲಿ ವ್ಯತ್ಯಾಸ ಉಂಟಾಗುತ್ತಿರುವುದರಿಂದ ಪ್ರವಾಹ ಮತ್ತು ಬರಗಾಲದಂಥಹ ಪರಿಸ್ಥಿತಿಗಳನ್ನು ಎದುರಿಸುತ್ತಿದ್ದೇವೆ. ಏಕ ಬೆಳೆ ಪದ್ಧತಿ, ಕಬ್ಬು, ಭತ್ತ, ಗೋವಿನಜೋಳ ಮತ್ತು ಹತ್ತಿಯಂಥಹ ಬೆಳೆಗಳನ್ನು ನಿರಂತರವಾಗಿ ಬೆಳೆಯುವುದರಿಂದ ಸಸ್ಯಗಳಿಗೆ ಅವಶ್ಯಕ ಪೋಷಕಾಂಶಗಳು ದೊರೆಯದೇ ಮಣ್ಣಿನ ಫಲವತ್ತತೆ ಕುಂಠಿತವಾಗುತ್ತದೆ. ಇದರಿಂದ ಭೂಮಿಯ ಗಟ್ಟಿಯಾಗಿ ಪರಿಸರದ ತಾಪಮಾನ ಹೆಚ್ಚಾಗುತ್ತಿದೆ. ಜಾಗತಿಕ ತಾಪಮಾನ ಹೆಚ್ಚಳದಿಂದ ಮಳೆಯ ಅತಿವೃಷ್ಠಿ ಮತ್ತು ಅನಾವೃಷ್ಠಿ ಜತೆಗೆ ಜಾಗತಿಕ ಹವಾಮಾನ ವೈಪರಿತ್ಯ ಎದುರಿಸಬೇಕಾಗುತ್ತದೆ ಎಂದರು.

ಉಪಅರಣ್ಯ ಸಂರಕ್ಷಣಾಧಿಕಾರಿ ಶಿವಕುಮಾರ ಮಾತನಾಡಿ, ಜನಸಂಖ್ಯೆಯ ಹೆಚ್ಚಳದಿಂದ ಆಹಾರ ಮತ್ತು ಇತರ ಸಂಪನ್ಮೂಲಗಳ ಬೇಡಿಕೆ ಅನಿವಾರ್ಯವಾಗಿ ಹೆಚ್ಚಾಗುತ್ತಲಿದೆ. ಅರಣ್ಯಗಳು ಮಳೆಯನ್ನು ಆಕರ್ಷಿಸುತ್ತವೆ. ಮರಗಳು ನೀರಿನ ಸಂರಕ್ಷಕಗಳಾಗಿ ಕಾರ್ಯನಿರ್ವಹಿಸುತ್ತದೆ. ಅರಣ್ಯದ ನೀರು ಸಣ್ಣ ಕವಲುಗಳಾಗಿ ನಂತರ ನದಿಗಳಾಗಿ ಹರಿಯುತ್ತವೆ ಎಂದರು.

ವಾಲ್ಮಿ ಪ್ರಾಧ್ಯಾಪಕ ಬಿ.ವೈ. ಬಂಡಿವಡ್ಡರ, ಸುನಂದಾ ಸಿತೋಳೆ, ಸುಧೀಂದ್ರ ಕೆ.ಎಸ್, ಮಹೇಶ ಹಿರೇಮಠ ಇದ್ದರು.