ಅಂಬೇಡ್ಕರ್, ರಾಜ್‌ಕುಮಾರ್ ರಸ್ತೆ ಸರ್ವೇ ವರದಿ ನೀಡಿ

ಕನ್ನಡಪ್ರಭ ವಾರ್ತೆ ಕೊಳ್ಳೇಗಾಲ

ನಗರಸಭೆ ಸಭಾಂಗಣದಲ್ಲಿ ರಸ್ತೆ ಅಗಲೀಕರಣ ಸಂಬಂಧ ಮಂಗಳವಾರ ನಡೆದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡಿ, ಲೋಕೋಪಯೋಗಿ, ಕಂದಾಯ ಇಲಾಖೆ, ನಗರಸಭೆ, ಸರ್ವೇ ಇಲಾಖೆ ಜೊತೆ ಶೀಘ್ರ ಕಾರ್ಯಪ್ರಕ್ರಿಯೆಗಾಗಿ ತಾಂತ್ರಿಕ ತಜ್ಞ ಹರೀಶ್‌ರನ್ನು ನೇಮಿಸಲಾಗಿದೆ. ಈ ರಸ್ತೆಯಲ್ಲಿ ಬರುವ ಆಸ್ತಿಗಳು ಯಾರಿಗೆ ಸೇರಿದ್ದು ಎಂಬುದರ ಕುರಿತು ಅಧಿಕಾರಿಗಳು ಮೂಲ ದಾಖಲೆ ಪರಿಶೀಲಸಬೇಕು ಎಂದರು.ಸರ್ಕಾರಿ ಜಾಗ ಎಷ್ಟು, ತೆರವಾಗುವ ಖಾಸಗಿ ಮಾಲೀಕರ ಆಸ್ತಿ ವಿವರಗಳ ಪಟ್ಟಿ ಮಾಡಬೇಕು. ಉಪನೋಂದಣಾಧಿಕಾರಿಗಳು ನೀಡುವ ಸರ್ಕಾರಿ ದರದಂತೆ ಪರಿಹಾರ ನೀಡಲು ಪಟ್ಟಿ ತಯಾರಿಸಬೇಕು. ಸರ್ಕಾರಿ ಜಾಗ ಅತಿಕ್ರಮಿಸಿಕೊಂಡು ನಕಲಿ ದಾಖಲೆ ಸೃಷ್ಟಿಸಿಕೊಂಡಿರುವುದು ಕಂಡು ಬಂದರೆ ಪರಿಹಾರ ನೀಡಲ್ಲ. ಗೊಂದಲ ಉಂಟು ಮಾಡದೆ ಪಟ್ಟಣದ ಸಮಗ್ರ ಅಭಿವೃದ್ಧಿ ದೃಷ್ಠಿಯಿಂದ ಕೆಲಸ ಮಾಡಿ. ನೂರು ಅಡಿ ರಸ್ತೆ ವಿಸ್ತೀರ್ಣ ಬೇಡ. ಬದಲಿಗೆ 80 ಅಡಿ ರಸ್ತೆ ವಿಸ್ತೀರ್ಣಕ್ಕೆ ಮುಂದಾಗಿ ಅಂತಿಮ ವರದಿ ಸಲ್ಲಿಸಬೇಕು ಎಂದರು.

ಸರ್ಕಾರಿ ಜಾಗವನ್ನು ಕೆಲವು ಖಾಸಗಿ ವ್ಯಕ್ತಿಗಳಿಗೆ ಅಕ್ರಮವಾಗಿ ಖಾತೆ ಮಾಡಿಕೊಡಲಾಗಿದೆ ಎಂಬ ಆರೋಪವಿದ್ದು. ಎರಡು ರಸ್ತೆಗಳಲ್ಲಿ ಸರ್ಕಾರಿ ಜಾಗವನ್ನು ಯಾರಿಗೆ ನಿಯಮ ಮೀರಿ ಖಾತೆ ಮಾಡಿಕೊಟ್ಟಿದ್ದಾರೆ ಎಂಬ ಕುರಿತ ಸರ್ವೇ ವೇಳೆ ಸುದೀರ್ಘ ವರದಿ ನೀಡಬೇಕು. ತಪ್ಪಿತಸ್ಥರ ಮೇಲೆ ಕ್ರಮವಹಿಸಲಾಗುವುದು. ಸುಳ್ಳು ಖಾತೆ ಮಾಡಿಕೊಟ್ಟವರಿಗೆ ಶಿಕ್ಷೆಯಾಗಲಿ. ನಗರಸಭೆ ಹಳೇ ಆಸ್ತಿ ರೇಕಾರ್ಡ್ ಪರಿಶೀಲಿಸಬೇಕು ಎಂದರು.

ಶೋಭ ಟಾಕೀಸ್ ಜಾಗ ಈ ಹಿಂದೆಯೆ ಸರ್ಕಾರದಿಂದ ನಿಯಮಾನುಸಾರ ಹಣ ನೀಡಿ ಖರೀದಿಸಿದ ದಾಖಲೆಗಳು ಲಭ್ಯವಾಗಿದೆ. ದಾಖಲೆಗಳಲ್ಲಿ ಇನ್ನು ಸರ್ಕಾರಿ ಎಂಬ ಮಾಹಿತಿ ಇದ್ದು ಹಲವು ಗೊಂದಲಗಳಿದ್ದು ಈ ಕುರಿತು ಸರ್ಕಾರಿ ಜಾಗದ ದಾಖಲೆ ಪರಿಶೀಲನೆಯಾಗಬೇಕು. ಮಾಲೀಕರಿಗೆ ಯಾವ ರೀತಿ ಈ ಜಾಗ ಬಂತು ಎಂಬುದರ ಕುರಿತ ಮೂಲ ದಾಖಲೆ ಪರಿಶೀಲಿಸಬೇಕು.

ನಗರಸಭಾಧ್ಯಕ್ಷೆ ರೇಖಾ ರಮೇಶ್, ಆಯುಕ್ತ ರಮೇಶ್, ಉಪಾಧ್ಯಕ್ಷ ಎ. ಪಿ. ಶಂಕರ್, ಸ್ಥಾಯಿ ಸಮಿತಿ ಅಧ್ಯಕ್ಷ ಜಿ ಎಂ ಸುರೇಶ್, ಎಂಜಿನಿಯರ್ ಗಳಾದ ಪುರುಷೋತ್ತಮ್, ನಟರಾಜು, ನಾಗೇಂದ್ರ, ಆರೋಗ್ಯ ನಿರೀಕ್ಷಕ ಚೇತನ್. ಕಂದಾಯಾಧಿಕಾರಿ ರಾಘವೇಂದ್ರ, ರವಿಶಂಕರ್ ಇನ್ನಿತರಿದ್ದರು.

ರವಿಶಂಕರ್ ಪ್ರತಿಕ್ರಿಯಿಸಿ, ಇಲ್ಲ ನಾನು ಆರೀತಿ ಮಾತನಾಡಿಲ್ಲ. ದೂರುದಾರರು ಗೊಂದಲ ಸೖಷ್ಟಿಸಿದ್ದಾರೆ ಎಂದರು.

ಈ ವೇಳೆ ಶಾಸಕರು ಹಾಗಾದರೆ ಆ ದೂರಾದರ ನನಗೆ ಕಾಲ್ ಮಾಡಲಿ ಈ ರೀತಿ ಗೊಂದಲ ಸುಳ್ಳನ್ನೇಕೆ ಹೇಳ್ತಿರಾ ಅಂತ ಕೇಳುವೆ. ಆದರೆ ರವಿಶಂಕರ್ ನೀವು ಗಂಭೀರವಾಗಿ ಕೆಲಸ ಮಾಡಿ. ಸಾರ್ವಜನಿಕ ದೂರಿಗೆ ಸ್ಪಂದಿಸಿ ಎಂದು ಶಾಸಕರು ತಾಕೀತು ಮಾಡಿದರು.

ಶಿವಮಲ್ಲು ನಗರಸಭೆ ಸದಸ್ಯ