ಚಿಂತೆ ಬಿಟ್ಟರೆ ಮಾನಸಿಕ-ದೈಹಿಕ ಆರೋಗ್ಯ

ಚನ್ನಪಟ್ಟಣ: ಅತಿಯಾಗಿ ಚಿಂತಿಸದೇ ಇರುವುದರಲ್ಲೇ ತೃಪ್ತಿ ಪಟ್ಟುಕೊಂಡು ಮಾನಸಿಕ ಮತ್ತು ದೈಹಿಕ ಆರೋಗ್ಯ ಕಾಪಾಡಿಕೊಂಡಲ್ಲಿ ದೀರ್ಘಕಾಲ ನೆಮ್ಮದಿಯಾಗಿ ಜೀವನ ನಡೆಸಲು ಸಾಧ್ಯವಾಗುತ್ತದೆ ಎಂದು ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಮನೋವೈದ್ಯರಾದ ಡಾ. ಸಿ.ಆರ್.ಚಂದ್ರಶೇಖರ್ ತಿಳಿಸಿದರು.

ಹಿರಿಯರು ೭೫ ವರ್ಷದವರೆಗೆ ಬದುಕು ನಡೆಸಿದರೆ, ಯುವಕರು ೩೫ ವರ್ಷಕ್ಕೆ ಹೃದಯಾಘಾತದಿಂದ ನಿಧನರಾಗುತ್ತಿದ್ದಾರೆ. ಇದಕ್ಕೆ ಕಾರಣ ನಮ್ಮಲ್ಲಿ ಮಾನಸಿಕ ಖಿನ್ನತೆ ಹೆಚ್ಚಾದಂತೆ ನಮ್ಮ ಹೃದಯವೂ ಮೃದುವಾಗುತ್ತಾ ಹೋಗುತ್ತದೆ. ಜೊತೆಗೆ ಮಿತ ಆಹಾರ ಸೇವನೆ ಇಲ್ಲದೆ ಗೊಬ್ಬಿನ ಅಂಶಗಳಿಂದ ಹೃದಯ ಸ್ತಂಭನ ಹೆಚ್ಚಾಗುತ್ತಿದೆ. ಈ ನಿಟ್ಟಿನಲ್ಲಿ ನಾವು ಇರುವುದರಲ್ಲೇ ತೃಪ್ತಿ ಪಟ್ಟುಕೊಂಡು ಲಾಭ-ನಷ್ಠ, ಸೋಲು ಗೆಲುವನ್ನು ಸಮನಾಗಿ ಸ್ವೀಕಾರ ಮಾಡುವುದನ್ನು ರೂಢಿಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಅಯೋಧ್ಯೆಯ ಶ್ರೀ ರಾಮಲಲ್ಲ ವಿಗ್ರಹದ ಶಿಲ್ಪಿ ಅರುಣ್ ಯೋಗಿರಾಜ್ ಮಾತನಾಡಿ, ನಾವು ನಮ್ಮ ಕಲೆ, ಪರಂಪರೆಗೆ ಗೌರವ ಕೊಟ್ಟಾಗ ಯಶಸ್ಸಿನ ರೂಪದಲ್ಲೆ ನಮಗೆ ಅದು ಗೌರವ ತಂದುಕೊಡುತ್ತದೆ. ಪ್ರತಿಯೊಬ್ಬರು ತಮ್ಮ ವೃತ್ತಿಯನ್ನು ಗೌರವಿಸಿ ಶ್ರದ್ದೆಯಿಂದ ಕೆಲಸ ಮಾಡಿದರೆ ಅವರಿಗೆ ದೇವರೆ ಯಶಸ್ಸು ನೀಡುತ್ತಾನೆ ಎಂದರು.

ಶ್ರೀರಾಮಲಲ್ಲನ ವಿಗ್ರಹದ ಕೆತ್ತನೆಗೆ ಅವಕಾಶ ದೊರೆತಾಗ ಅಳುಕು ಮೂಡಿತು. ಇಡೀ ವಿಶ್ವವೇ ಮೆಚ್ಚುವಂತೆ ವಿಗ್ರಹ ಕೆತ್ತನೆ ಮಾಡುವುದು ಅಷ್ಟೊಂದು ಸುಲಭವಲ್ಲ. ಅಲ್ಲದೆ ಜನರು ತಮ್ಮದೇ ಕಲ್ಪನೆಯಲ್ಲಿ ದೇವರನ್ನು ಕಲ್ಪಿಸಿಕೊಂಡಿದ್ದು, ಅದಕ್ಕೆ ತಕ್ಕಂತೆ ವಿಗ್ರಹ ರೂಪಿಸಬೇಕಿತ್ತು. ವಿಗ್ರಹ ಕೆತ್ತನೆಗೆ ಮುನ್ನ ಶಿಲ್ಪಶಾಸ್ತ್ರದಲ್ಲಿ ಸಾಕಷ್ಟು ಅಧ್ಯಯನ ಮಾಡುವ ಜತೆಗೆ ೫ ಸಾವಿರಕ್ಕೂ ಹೆಚ್ಚು ರಾಮನ ಭಾವಚಿತ್ರಗಳನ್ನು ಸಂಗ್ರಹಿಸಿ ದೇವರನ್ನು ಮನಸ್ಸಿನಲ್ಲಿ ಕಲ್ಪಿಸಿಕೊಂಡು ಕಲ್ಲಿಗೆ ರಾಮಲಲ್ಲನ ರೂಪ ನೀಡುವ ಪ್ರಯತ್ನ ಮಾಡಿದ್ದು ನನ್ನ ಶ್ರದ್ಧೆ ಮತ್ತು ಪ್ರಯತ್ನಕ್ಕೆ ದೇವರು ಫಲ ನೀಡಿದ್ದಾನೆ ಎಂದು ತಮ್ಮ ಅನುಭವ ಸ್ಮರಿಸಿಕೊಂಡರು.

( ಬೇರೆಬೇರೆಯವರಿಗೆ ಸನ್ಮಾನ ಹಾಗಾಗಿ ಎರಡೂ ಫೋಟೋ ಬಳಸಿ ಒಂದೇ ಕ್ಯಾಪ್ಷನ್‌)