ಮೇಲ್ಸೇತುವೆ ನಿರ್ಮಾಣಕ್ಕೆ ಒತ್ತಾಯಿಸಿ ರೈತರಿಂದ ಮನವಿ

ಕುಷ್ಟಗಿ: ತಾಲೂಕಿನ ನೆರೆಬೆಂಚಿ ಗ್ರಾಮದ ರೈತರು ರೈಲ್ವೆ ಕಾಮಗಾರಿ ನಡೆಯುವ ಜಾಗದಲ್ಲಿ ಮೇಲ್ಸೇತುವೆ ನಿರ್ಮಾಣ ಮಾಡಿಕೊಡುವಂತೆ ರೈಲ್ವೆ ಅಧಿಕಾರಿ ಹಾಗೂ ತಹಸೀಲ್ದಾರಗೆ ಒತ್ತಾಯಿಸಿದ ಘಟನೆ ನಡೆಯಿತು.

ಈ ವೇಳೆ ತಹಸೀಲ್ದಾರ್‌ ಹಾಗೂ ರೈಲ್ವೆ ಅಧಿಕಾರಿಗಳು, ಪೊಲೀಸ್‌ ಅಧಿಕಾರಿಗಳು ಸ್ಥಳಕ್ಕೆ ಬಂದು ಸಮಸ್ಯೆ ಆಲಿಸಿದರು.

ರೈಲ್ವೆ ಇಲಾಖೆಯ ಚಿಫ್ ಎಂಜಿನೀಯರ್ ಟಿ.ವೆಂಕಟೇಶರಾವ್ ಮಾತನಾಡಿ, ಈಗ ಓಡಾಡಲು ಪರ್ಯಾಯ ಮಾರ್ಗವನ್ನು ಅಂಡರ್ ಬ್ರಿಜ್ ಮಾಡಲಾಗಿದೆ. ನೀವು ಕೇಳಿದಂತೆ ಎಲ್ ಸಿ (ನೆಲದ ಮೇಲೆ ಗೇಟ್ ) ನಿರ್ಮಾಣ ಮಾಡಲು ಸುರಕ್ಷತೆ ದೃಷ್ಠಿಯಿಂದ ಸಾಧ್ಯವಾಗುವುದಿಲ್ಲ. ಓವರ್ ಹೆಡ್ ಬ್ರಿಜ್ ನಿರ್ಮಾಣ ಮಾಡಲು ಕಾಲಾವಕಾಶಬೇಕು. ಹೊಸದಾಗಿ ಕ್ರೀಯಾಯೋಜನೆ ಮಾಡಿ, ಭೂ ಖರೀದಿ ಮಾಡಬೇಕು. ಆದಾದ ನಂತರ ಟೆಂಡರ್ ಕರೆದು ಒವರ್ ಹೆಡ್ ಬ್ರಿಜ್ ನಿರ್ಮಾಣ ಮಾಡಬೇಕಾಗುತ್ತದೆ. ಇದಕ್ಕೆ ನಿಮ್ಮ ಸಹಕಾರ ಹಾಗೂ ಕಾಲಾವಕಾಶಬೇಕು ನಾವುಗಳು ಜಿಲ್ಲಾಧಿಕಾರಿಗಳ ಮೂಲಕ ಪ್ರಪೋಸಲ್ ಕಳುಹಿಸುತ್ತೇವೆ ಆದಷ್ಟು ಶೀಘ್ರದಲ್ಲಿ ಮೇಲ್ಸೇತುವೆಯ ಕೆಲಸ ಮಾಡಿಕೊಡಲಾಗುತ್ತದೆ ಎಂದರು.

ರೈಲ್ವೆ ಅಧಿಕಾರಿಗಳು ಮೇಲ್ಸೇತುವೆಯ ನಿರ್ಮಾಣದ ಕುರಿತು ಒಪ್ಪಿಗೆ ಪತ್ರವನ್ನು ರೈತರಿಗೆ ನೀಡಿದರು. ರೈತರು ಮೇಲ್ಸೇತುವೆಯ ನಿರ್ಮಾಣಕ್ಕೆ ಮನವಿ ಸಲ್ಲಿಸಿದರು.