ಕಲೆ, ಸಂಸ್ಕೃತಿ ಭಾರತದ ಅಸ್ಮಿತೆ: ಡಾ. ಶಶಿಧರ ನರೇಂದ್ರ

ಧಾರವಾಡ:

ಸಂಸ್ಕಾರ ಭಾರತಿ ನಗರದ ಆದರ್ಶ ಬಾಲಿಕಾ ಪ್ರೌಢಶಾಲೆಯ ಶಿಶುಮಂದಿರ ಸಭಾಂಗಣದಲ್ಲಿ ಏರ್ಪಡಿಸಿದ್ದ ಪದಾಧಿಕಾರಿಗಳ ಪದ ಸ್ವೀಕಾರದಲ್ಲಿ ಮಾತನಾಡಿದ ಅವರು, ಭಾರತೀಯ ಕಲೆ ಮತ್ತು ಸಂಸ್ಕೃತಿಗಳು ಸಂಸ್ಕಾರದ ಬಲದಿಂದ ಜಗತ್ತಿನಲ್ಲಿಯೇ ಶ್ರೇಷ್ಠವಾಗಿವೆ. ತೊಟ್ಟಿಲಿನ ಜೋಗುಳದಿಂದ ಹಿಡಿದು ಚಟ್ಟದಲ್ಲಿ ಹೋಗುವಾಗ ಹಾಡುವ ಭಜನೆ ವರೆಗೆ.. ಹೀಗೆ ಕುಟುಂಬ ಪದ್ಧತಿಯಲ್ಲಿ ಹುಟ್ಟಿನಿಂದ ಸಾವಿನ ವರೆಗೆ ಅನೇಕ ಬಗೆಯ ಲಲಿತ ಕಲೆಗಳು ಹಾಸುಹೊಕ್ಕಾಗಿವೆ. ಆದರೆ, ಸಾವಿರಾರು ವರ್ಷಗಳಿಂದ ವಿದೇಶಿ ಆಕ್ರಮಣಕಾರರು ಭಾರತೀಯ ಸಂಸ್ಕೃತಿ, ಪರಂಪರೆ ನಾಶಮಾಡಲು ಪ್ರಯತ್ನಿಸುತ್ತಲೇ ಇದ್ದಾರೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ಖ್ಯಾತ ಸ್ತ್ರೀರೋಗ ತಜ್ಞೆ ಡಾ. ಸೌಭಾಗ್ಯ ಕುಲಕರ್ಣಿ, ಭಾರತೀಯ ಸಂಸ್ಕೃತಿ ಯಶಸ್ವಿ ಜೀವನಕ್ಕೆ ಅತ್ಯಗತ್ಯವಾಗಿದೆ. ಸಂಗೀತದ ಥೆರಪಿಯಿಂದ ನಮ್ಮ ಯಾವುದೇ ಕಾಯಿಲೆಯ ಗುಣಪಡಿಸುವ ಶಕ್ತಿ ಹೊಂದಿದೆ ಎಂದರು.

ಸಂಸ್ಕಾರ ಭಾರತಿ ಧಾರವಾಡ ಮಹಾನಗರದ ಅಧ್ಯಕ್ಷೆ ಡಾ. ಸೌಭಾಗ್ಯ ಕುಲಕರ್ಣಿ, ಉಪಾಧ್ಯಕ್ಷರಾಗಿ ಡಾ. ಶ್ರೀಧರ ಕುಲಕರ್ಣಿ, ಡಾ. ವಿಜಯ ತ್ರಾಸದ, ಅಶೋಕ ಮೊಕಾಶಿ, ಕುಮಾರ ಮರಡೂರ, ಸಂಘಟನಾ ಕಾರ್ಯದರ್ಶಿ ಪ್ರಸಾದ ಮಡಿವಾಳರ, ಸಹಕಾರ್ಯದರ್ಶಿಯಾಗಿ ವೈಶಾಲಿ ರಸಾಳಕರ, ಶಿಲ್ಪಾ ಪಾಂಡೆ, ಪ್ರಕಾಶ ಬಾಳಿಕಾಯಿ, ಕೋಶ ಪ್ರಮುಖರಾಗಿ ವೈಭವ ಮುತಾಲಿಕ, ಪ್ರಚಾರ ಪ್ರಮುಖ ವಿಜಯ ಸುತಾರ, ಸಹ ಪ್ರಚಾರ ಪ್ರಮುಖ ಅಶೋಕ ಕೋರಿ, ಕಾರ್ಯಕಾರಿಣಿ ಸದಸ್ಯರಾಗಿ ರವಿ ರಸಾಳಕರ, ಶರಭೇಂದ್ರಸ್ವಾಮಿ, ಚೇತನ ಕಣವಿ, ಮಲ್ಲೇಶ ಹೂಗಾರ, ಪ್ರದರ್ಶನ ಕಲೆ ವೀರಣ್ಣ ಪತ್ತಾರ, ದೃಶ್ಯಕಲೆ ಶಶಿಧರ ಲೋಹಾರ, ಸಾಹಿತ್ಯ ಪ್ರಮುಖ ನಾಗೇಂದ್ರ ದೊಡ್ಡಮನಿ, ಲೋಕಕಲೆ ಸಂಯೋಜಕ ವಿನಾಯಕ ಭಟ್ಟ ಶೇಡಿಮನೆ, ಪ್ರಾಚ್ಯಕಲೆ ಪ್ರಮುಖರಾಗಿ ಎಸ್.ಕೆ. ಪತ್ತಾರ ಪದ ಸ್ವೀಕಾರ ಮಾಡಿದರು.