ಸುರೇಶ್ ಸೋಲಿಸಬೇಕೆಂದು ಬಾಲಕೃಷ್ಣ

ಕನ್ನಡಪ್ರಭ ವಾರ್ತೆ ಮಾಗಡಿ

ಪಟ್ಟಣದಲ್ಲಿ ಬೆಂಗಳೂರು ಗ್ರಾಮಾಂತರ ಲೋಕಸಭೆ ಕ್ಷೇತ್ರದ ಎನ್‌ಡಿಎ ಅಭ್ಯರ್ಥಿ ಡಾ.ಮಂಜುನಾಥ್ ಪರ ಮತಯಾಚಿಸಿ ಮಾತನಾಡಿ, ಡಿ.ಕೆ.ಸುರೇಶ್ ದುರಹಂಕಾರ ಹೆಚ್ಚಾಗಿದ್ದು, ಈ ಬಾರಿ ಚುನಾವಣೆಯಲ್ಲಿ 600 ಕೋಟಿ ಹಣವಿದೆ ಎಂದು ಷೋಷಣೆ ಮಾಡಿಕೊಂಡಿದ್ದಾರೆ. ಅವರ ಬಳಿ ಆರು ಸಾವಿರ ಕೋಟಿ ಲೆಕ್ಕವಿಲ್ಲದ ಹಣವಿದೆ. ಹಣದ ಮೂಲಕ ಚುನಾವಣೆ ಗೆಲ್ಲುತ್ತೇವೆ ಎಂಬ ಭ್ರಮೆಯಲ್ಲಿ ಅಣ್ಣ-ತಮ್ಮಂದಿರಿದ್ದು ಈ ಬಾರಿ ನಾನು, ಮುನಿರತ್ನ, ಎಚ್ ಡಿ ಕುಮಾರಸ್ವಾಮಿ, ಮಂಜುನಾಥ್ ಸೇರಿ ಸಂಸದರನ್ನು ಸೋಲಿಸಿಯೇ ತೀರುತ್ತೇವೆ ಎಂದು ಸಿ.ಪಿ.ಯೋಗೇಶ್ವರ್ ಸವಾಲೆಸೆದರು.

ಮಾಜಿ ಶಾಸಕ ಎ.ಮಂಜುನಾಥ್ ಮಾತನಾಡಿ, ಐದು ವರ್ಷದಲ್ಲಿ ತಮ್ಮ ಸಂಪತ್ತು ಎರಡು ಪಟ್ಟು ಏರಿಕೆಯಾಗುತ್ತದೆ ಎಂದರೆ ಯಾವ ರೀತಿ ಬಿಸಿನೆಸ್ ಮಾಡುತ್ತಿದ್ದಾರೆ ಎಂಬುದನ್ನು ನಮ್ಮ ಜನತೆಗೆ ತಿಳಿಸಿದರೆ ನಾವು ಕೂಡ ಅದೇ ಬಿಸಿನೆಸ್ ಮಾಡುತ್ತೇವೆ. 600 ಕೋಟಿ ಹಣವಿದೆಯೆಂದು ಘೋಷಣೆ ಮಾಡಿದ್ದಾರೆ. ಕಳೆದ ಲೋಕಸಭಾ ಚುನಾವಣೆಯಲ್ಲಿ 300 ಕೋಟಿ ಹಣವಿದೆ ಎಂದು ಘೋಷಣೆ ಮಾಡಿದ್ದರು. ಐದು ವರ್ಷ ಸರ್ಕಾರವಿಲ್ಲದಿದ್ದರೂ ಕೇವಲ ರಾಜ್ಯದಲ್ಲಿ ಒಂದು ವರ್ಷ ಕಾಂಗ್ರೆಸ್ ಸರ್ಕಾರ ಇದ್ದಾಗ ಇವರ ಹಣ ದುಪ್ಪಟ್ಟಾಗಿದೆ ಎಂದು ಸಂಸದ ಡಿಕೆ ಸುರೇಶ್ ವಿರುದ್ಧ ವಾಗ್ದಾಳಿ ನಡೆಸಿದರು.