ಈ ಶಾಲೆಯಲ್ಲಿ ಮಕ್ಕಳಿಂದಲೇ ಬ್ಯಾಂಕ್ ನಿರ್ವಹಣೆ!

ಮಾರುತಿ ಶಿಡ್ಲಾಪೂರಕನ್ನಡಪ್ರಭ ವಾರ್ತೆ ಹಾನಗಲ್ಲ ಅತ್ಯಂತ ಪುಟ್ಟ ಊರು ಗಡೆಗುಂಡಿಯಲ್ಲಾಪುರ ಶಾಲೆ ನಿಸರ್ಗ ಪ್ರೀತಿ, ಅಂತರ್ಜಲ ಸಂರಕ್ಷಣೆ ಸಂಸ್ಕಾರ, ಸಾವಯವ ಶಿಕ್ಷಣವೂ ಒಳಗೊಂಡಂತೆ, ಶಾಲೆಯಲ್ಲಿಯೇ ಬ್ಯಾಂಕ್ ತೆರೆದು ಉಳಿತಾಯ ಹಾಗೂ ವ್ಯವಹಾರಗಳ ಶಿಕ್ಷಣ ನೀಡುತ್ತಿದೆ.ತಾಲೂಕಿನ ಗಡೆಗುಂಡಿಯಲ್ಲಪುರ ಕೇವಲ ೨೩೫ ಜನಸಂಖ್ಯೆಯ ಸಣ್ಣ ಹಳ್ಳಿ. ಈ ಶಾಲೆಯಲ್ಲಿ ೧ ರಿಂದ ೫ನೇ ತರಗತಿಯ ವರ್ಗಗಳು ಇವೆ. ೨೮ ವಿದ್ಯಾರ್ಥಿಗಳು ಇಲ್ಲಿದ್ದಾರೆ. ಮುಖ್ಯೋಪಾಧ್ಯಾಯ ಜಗದೀಶ ಗೂಳಿಯವರ ಹಾಗೂ ಸಹ ಶಿಕ್ಷಕ ರಫಿಉಲ್ಲಾ ಇಲ್ಲಿದ್ದಾರೆ. ಈ ಊರಿನಲ್ಲಿ ಶಾಲೆಯಿಂದ ಹೊರಗುಳಿದ ಒಂದು ಮಗುವೂ ಇಲ್ಲ.

ಹದಿನೈದು ವರ್ಷಗಳಿಂದ ಈ ಶಾಲೆಯಲ್ಲಿ ಶಿಕ್ಷಕನಾಗಿದ್ದೇನೆ. ನಾನು ಮಕ್ಕಳಿಗಾಗಿ ಹೊಸ ಯೋಚನೆ ಮಾಡಿದಾಗ ಇಲ್ಲಿನ ಜನರು ನೀಡಿದ ಸಹಕಾರಕ್ಕೆ ನಾನು ಸೋತಿದ್ದೇನೆ ಮುಖ್ಯೋಪಾಧ್ಯಾಯ ಜಗದೀಶ ಗೂಳಿಯವರ ಹೇಳಿದರು.