ಬಸವಕಲ್ಯಾಣ ಉದ್ಯಮಿ ಸುಗುರೆ ಹೈದ್ರಾಬಾದ್‌ನಲ್ಲಿ ಪತ್ತೆ

ಹೈದ್ರಾಬಾದ್‌ನಿಂದ ಕರೆತಂದ ಪೊಲೀಸ್‌, ಮಾನಸಿಕವಾಗಿ ಬಳಲಿರುವ ಸುಗುರೆ

ಶಾಸಕ ಶರಣು ಸಲಗರ ಅಕ್ರಮ ವ್ಯವಹಾರಗಳ ಮಾಹಿತಿ ಪೆನ್‌ಡ್ರೈವ್‌ನಲ್ಲಿರುವುದಾಗಿ ಹೇಳಿಕೆ

ನಿರಾಳರಾದ ಪೊಲೀಸರು, ಶಾಸಕ ಸಲಗರ ವಿರುದ್ದದ ಪತ್ರ ಪೊಲೀಸರಿಗೆ ತಲುಪಿಲ್ಲಕನ್ನಡಪ್ರಭ ವಾರ್ತೆ, ಬೀದರ್‌

ಅ. 13ರ ಬೆಳಗಿನ ಜಾವ 4.05ರ ಸುಮಾರಿಗೆ ಮನೆಯಿಂದ ಹೊರಹೋಗುವ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು ತದನಂತರ ಮಧ್ಯಾಹ್ನದ ವರೆಗೆ ಹುಡುಕಾಟ ನಡೆಸಿದ ಕುಟುಂಬಸ್ಥರು ಹಾಗೂ ಸ್ನೇಹಿತರಿಗೆ ಅವರು ಪತ್ತೆಯಾಗದ ಕಾರಣ ಬಸವಕಲ್ಯಾಣ ನಗರ ಠಾಣೆಗೆ ತೆರಳಿ ಪುತ್ರ ಸಾಗರ ಸುಗುರೆ ನಾಪತ್ತೆಯಾಗಿರುವ ದೂರು ದಾಖಲಿಸಿ ಪತ್ತೆ ಮಾಡಿಕೊಡುವಂತೆ ಮನವಿ ಮಾಡಿದ್ದರು.

ಪತ್ರದಲ್ಲೇನಿದೆ :

ಶರಣು ಸಲಗರ ಅವರು ಬಸವಕಲ್ಯಾಣಕ್ಕೆ ಬಂದಾಗ ನನ್ನ ಮನೆಯ ವಿಳಾಸ ನೀಡಿಯೇ ಅವರಿಗೆ ವೋಟರ್‌ ಐಡಿ ಮಾಡಿಸಿಕೊಟ್ಟೆ. ಸ್ಥಳೀಯರನ್ನು ಎದುರು ಹಾಕಿಕೊಂಡು ಕ್ಷೇತ್ರದಾದ್ಯಂತ ತಿರುಗಾಡಿದೆ. ದುಡ್ಡು ಸಹ ಕೊಟ್ಟೆ, ಕಳೆದ 2023ರ ಚುನಾವಣೆಯನ್ನು ಗೆದ್ದಾಗ 15ಕೋಟಿ ರು. ಬಾಕಿ ಇತ್ತು. ಚುನವಣಾ ಪೂರ್ವದಲ್ಲಿ 6 ತಿಂಗಳಲ್ಲಿ ವಾಪಸ್‌ ಕೊಡುವದಾಗಿ ನನ್ನಿಂದ 6.5ಕೋಟಿ ರು. ಸಾಲ ಪಡೆದಿದ್ದರು. ಅದರಲ್ಲಿ 1ಕೋಟಿ ರುಪಾಯಿ ವಾಪಸ್‌ ನೀಡಿ ಇನ್ನುಳಿದ ಹಣ ವಾಪಸ್‌ ನೀಡುತ್ತಿಲ್ಲ. ಹಣ ಕೇಳಿದರೆ ಬೆದರಿಕೆ ಹಾಕುತ್ತಿದ್ದಾರೆ. ನನ್ನ ಕಾರನ್ನು ಹಿಂಬಾಲಿಸುತ್ತಿದ್ದಾರೆ. ಇದರಿಂದ ಮಾನಸಿಕವಾಗಿ ಜರ್ಝರಿತಗೊಂಡಿದ್ದೇನೆ. ನನ್ನ ಜೀವವಾಗಲಿ, ಕುಟುಂಬಸ್ಥರ ಜೀವಕ್ಕಾಗಲಿ ಏನಾದರೂ ಆದರೆ ಅದಕ್ಕೆ ಬಸವಕಲ್ಯಾಣ ಶಾಸಕ ಶರಣು ಸಲಗರ ಅವರೇ ನೇರ ಹೊಣೆ ಎಂದು ಸಲಗರ ಅವರ ಕೆಲ ಆಪ್ತರ ಹೆಸರನ್ನು ಪತ್ರದಲ್ಲಿ ಬರೆದಿದ್ದಾರೆ.

ಅಷ್ಟಕ್ಕೂ ಪಿಎಸ್‌ಐ ನಗರಠಾಣೆ ಅವರಿಗೆ ಬರೆದಿರುವ ಈ ಪತ್ರದ ಪ್ರತಿಯೊಂದು ಪುಟಕ್ಕೆ ನಾಪತ್ತೆಯಾಗಿದ್ದ ಸುಗುರೆ ಸಹಿ ಹಾಕಿದ್ದಾರಾದರೂ ಎಲ್ಲವೂ ಸರಿ ಹೋದಲ್ಲಿ, ಒಪ್ಪಂದ ಆದಲ್ಲಿ ಉಲ್ಟಾ ಹೊಡೆದು ಪತ್ರ ನನ್ನದಲ್ಲ, ನಾನು ಬರದಿಲ್ಲ ನನ್ನ ಸಹಿಯೂ ಅಲ್ಲ, ನನ್ನೊಂದಿಗೆ ಶಾಸಕ ಸಲಗರ ಅವರ ಹಾಗೂ ಇತರ ಆಪ್ತರ ಸಂಬಂಧ ಅನ್ಯೋನ್ಯವಾಗಿದೆ ಎಂದರೂ ಅಚ್ಚರಿಯಿಲ್ಲ ಎಂಬ ಮಾತುಗಳೂ ಕೇಳಿ ಬರುತ್ತಿವೆ.