ಜಾತೀಯತೆ ನಿರ್ಮೂಲನೆಗೆ ಶ್ರಮಿಸಿದ ಬಸವಣ್ಣ: ಕೇಬಲ್ ನಾಗೇಶ

ಯಲ್ಲಾಪುರ: ಜಗಜ್ಯೋತಿ ಬಸವಣ್ಣ ಮತ್ತು ಶಿವಶರಣೆ ಹೇಮರಡ್ಡಿ ಮಲ್ಲಮ್ಮನವರ ಜಯಂತಿಯನ್ನು ಮೇ ೧೦ರಂದು ಪಟ್ಟಣದ ತಹಸೀಲ್ದಾರ್‌ ಕಚೇರಿಯ ಸಭಾಭವನದಲ್ಲಿ ಸರಳವಾಗಿ ಆಚರಿಸಲಾಯಿತು.

ಗ್ರಾಮ ಲೆಕ್ಕಾಧಿಕಾರಿ ಶ್ರೀಧರ ಮಡಿವಾಳ ಸ್ವಾಗತಿಸಿ, ವಂದಿಸಿದರು. ಪಿಎಸ್‌ಐ ಸಿದ್ದಪ್ಪ ಗುಡಿ, ಬಸವೇಶ್ವರ ದೇವಾಲಯದ ಅಧ್ಯಕ್ಷ ಮಹೇಶ ಗೌಳಿ, ಗ್ರಂಥಪಾಲಕ ಎಫ್.ಎಚ್. ಬಾಸೂರಕರ, ಸಮಾಜ ಕಲ್ಯಾಣ ಇಲಾಖೆಯ ನಾಗೇಶ ಮಲಮೇತ್ರಿ, ಪಪಂ ಸಿಬ್ಬಂದಿ ವೆಂಕಟ್ರಮಣ ಶೇಟ್, ಮೋಜಣಿ ಇಲಾಖೆಯ ಭರತಕುಮಾರ, ತಾಪಂ ಸಿಬ್ಬಂದಿ ಗಣಪತಿ ಭಾಗ್ವತ, ಕಂದಾಯ ಇಲಾಖೆಯ ಸಿಬ್ಬಂದಿಗಳಾದ ಕುಮಾರ ಪಾಟಣಕರ, ಅಕ್ರಮ, ಆದಂ ಶೇಖ ಮುಂತಾದವರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.ದಾಂಡೇಲಿಯಲ್ಲಿ ಸಂಭ್ರಮದ ಬಸವ ಜಯಂತಿ

ಬಸವೇಶ್ವರ ಮೂರ್ತಿ ಪ್ರತಿಷ್ಠಾಪನಾ ಸಮಿತಿಯ ಆಶ್ರಯದಡಿ ಪಟೇಲ್‌ ವೃತ್ತದಲ್ಲಿರುವ ಬಸವೇಶ್ವರ ಮೂರ್ತಿಗೆ ಆರತಿ ಬೆಳಗಿ ಪೂಜೆಯನ್ನು ಸಲ್ಲಿಸಲಾಯಿತು. ಸಮಿತಿಯ ಅಧ್ಯಕ್ಷ ಯು.ಎಸ್. ಪಾಟೀಲ, ಪ್ರಮುಖರಾದ ನಿಂಗನಗೌಡ ಪಾಟೀಲ, ಮಲ್ಲಿಕಾರ್ಜುನ ತೊರಗಲ್, ಮಹಾಂತೇಶ ಬಾದಾಮಿ, ಮಲ್ಲಿಕಾರ್ಜುನ ಇಟಗಿ, ಕಸ್ತೂರಿ ಜಿ. ರಜಪೂತ, ನಾಗಪ್ಪ ಮೊದಲಾದವರು ಇದ್ದರು.ದಾಂಡೇಲಿಯ ಶ್ರೀ ವೀರಶೈವ ಸೇವಾ ಸಂಘದ ವತಿಯಿಂದ ಬಸವ ಜಯಂತಿಯನ್ನು ಆಚರಿಸಲಾಯಿತು. ಮೃತ್ಯುಂಜಯ ಮಠದ ಆವರಣದಿಂದ ಆರಂಭಗೊಂಡ ಬಸವೇಶ್ವರ ಭಾವಚಿತ್ರದ ಭವ್ಯ ಮೆರವಣಿಗೆಯು ನಗರದ ಪ್ರಮುಖ ರಸ್ತೆಗಳಲ್ಲಿ ಸಂಚರಿಸಿ ಕೊನೆಯಲ್ಲಿ ಪಟೇಲ್‌ ವೃತ್ತದಲ್ಲಿರುವ ಬಸವೇಶ್ವರ ಮೂರ್ತಿ ಮುಂಭಾಗದಲ್ಲಿ ಸಂಪನ್ನಗೊಂಡಿತು. ಈ ಸಂದರ್ಭದಲ್ಲಿ ಶ್ರೀ ವೀರಶೈವ ಸೇವಾ ಸಂಘದ ಗೌರವಾಧ್ಯಕ್ಷ ಕೆ.ಬಿ. ನಂಜುಂಡಪ್ಪ, ಅಧ್ಯಕ್ಷ ಬಸವರಾಜ ಕಲಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಚಂದ್ರು ಮಾಳಿ, ಮಧುಕೇಶ್ವರ ಹಿರೇಮಠ, ಲಿಂಗಯ್ಯ ಪುಜಾರ, ಸಂಜಯ ಕಲ್ಯಾಣಿ, ಬಸವರಾಜ ಹೊರಪೇಟಿ, ಎಸ್.ಎಂ. ಪಾಟೀಲ, ಗುರು ಮಠಪತಿ, ಚನ್ನಬಸಪ್ಪ ಮುರಗೋಡ, ಗಂಗಯ್ಯ ರುದ್ರಯ್ಯ ಹಿರೇಮಠ, ಸಂಗಪ್ಪ ಗೌಡರ ಹಾಗೂ ವೀರಶೈವ ಸಮಾಜದರು ಉಪಸ್ಥಿತರಿದ್ದರು.