)
)
)
ಸಾರಾಂಶ
ಕನ್ನಡಪ್ರಭ ವಾರ್ತೆ ಕುಶಾಲನಗರಸಮೀಪದ ಬೈಲುಕೊಪ್ಪೆ ನಿರಾಶ್ರಿತ ಶಿಬಿರದ ಗೋಲ್ಡನ್ ಟೆಂಪಲ್ ಆವರಣದಲ್ಲಿ ವಿಶ್ವದ ಅತಿ ದೊಡ್ಡ ಪರದೆ ಎನ್ನುವ ಖ್ಯಾತಿ ಹೊಂದಿರುವ ಅಮಿತಾಯುಶ್ ಚಿತ್ರ ಪರದೆಯನ್ನು ಅರ್ಧ ಗಂಟೆಗಳ ಕಾಲ ಅನಾವರಣಗೊಳಿಸಲಾಯಿತು. ಟಿಬೆಟಿಯನ್ ನಾಗರಿಕರ ನೂತನ ವರ್ಷದ ಲೋಸಾರ್ ಅಂಗವಾಗಿ ಈ ವಿಶೇಷ ಚಿತ್ರಪಟ ಪ್ರದರ್ಶನ ವರ್ಷಂಪ್ರತಿ ನಡೆಯುತ್ತಿದ್ದು ಈ ಸಂದರ್ಭ ಸಾಂಪ್ರದಾಯಿಕವಾಗಿ ಪೂಜೆ ಸಲ್ಲಿಸಿದರು.
ಶನಿವಾರ ಬೆಳಗ್ಗೆ ಏಳು ಮೂವತ್ತರಿಂದ ಎಂಟು ಗಂಟೆ ತನಕ ಪ್ರದರ್ಶನಕ್ಕೆ ಇಡಲಾದ ಈ ಚಿತ್ರ ಪರದೆಗೆ ಸಾವಿರಾರು ಸಂಖ್ಯೆಯ ಟಿಬೆಟಿಯನ್ ಬೌದ್ಧ ಭಿಕ್ಷುಗಳು ಮತ್ತು ನಾಗರಿಕರು ಪೂಜೆ ಸಲ್ಲಿಸಿ ಪುನೀತ ಭಾವ ತಳೆದರು.ಸುಮಾರು 200 ಅಡಿ ಎತ್ತರ ಹಾಗೂ 170 ಅಗಲದ ಈ ಬೃಹತ್ ಚಿತ್ರಪರದೆಯನ್ನು ಆವರಣದಲ್ಲಿರುವ ಏಳು ಅಂತಸ್ತಿನ ಕಟ್ಟಡದ ಮೇಲೆ ಅಳವಡಿಸಿರುವ ಗೋಪುರದಲ್ಲಿ ಅಳವಡಿಸಿ ಪ್ರದರ್ಶನ ಮಾಡಲಾಯಿತು.
ಗೋಲ್ಡನ್ ಟೆಂಪಲ್ ನಿಂಗ್ಮಾಫ ದೇವಾಲಯದ ಧರ್ಮ ಗುರುಗಳ ನೇತೃತ್ವದಲ್ಲಿ ಪೂಜಾ ಕಾರ್ಯಕ್ರಮಗಳು ನಡೆದವು.ಬೈಲುಕೊಪ್ಪೆ ಸೇರಿದಂತೆ ವಿಶ್ವದ ಎಲ್ಲೆಡೆ ಇರುವ ಟಿಬೆಟಿಯನ್ ನಾಗರಿಕರು ಸೇರಿದಂತೆ ಸುಮಾರು 5 ಸಾವಿರಕ್ಕೂ ಅಧಿಕ ಮಂದಿ ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಟಿಬೆಟಿಯನ್ ನಾಗರಿಕರು ತಮ್ಮ ಸಾಂಪ್ರದಾಯಿಕ ಉಡುಗೆ ಕೊಡುಗೆ ಉಟ್ಟು ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಪೂಜೆ ಸಲ್ಲಿಸಿದರು.
ಈ ಬಾರಿ ಟಿಬೆಟ್ ನೂತನ ವರ್ಷ ಫೆ. 10 ರಿಂದ ಆರಂಭಗೊಂಡಿದ್ದು ಈ ನಡುವೆ ಪದ್ಮ ಶಾಂಭವ ಹಾಗೂ ಅಮಿತಾಯುಶ್ ಚಿತ್ರ ಪಟಗಳನ್ನು ಪ್ರದರ್ಶನ ಮಾಡಲಾಗುತ್ತದೆ.24 ವರ್ಷಗಳಿಂದ ಗೋಲ್ಡನ್ ಟೆಂಪಲ್ ಆವರಣದಲ್ಲಿ ಸಂರಕ್ಷಣೆ ಮಾಡಿ ಇರಿಸಲಾಗುವ ಈ ಬೃಹತ್ ಚಿತ್ರಪಟವನ್ನು ನೂರಾರು ಬೌದ್ಧ ಭಿಕ್ಷುಗಳು ಹೊತ್ತು ತಂದು
ಬೃಹತ್ ಗೋಪುರದಲ್ಲಿ ಅಳವಡಿಸಿ ಪೂಜೆ ಸಲ್ಲಿಸುವ ಸಂಪ್ರದಾಯ ನಿರಂತರವಾಗಿ ನಡೆಯುತ್ತಿದೆ.)
;Resize=(128,128))
)
;Resize=(128,128))
)