ಬೇಲೆಕೇರಿಯಲ್ಲಿ ಆತಂಕ ಹುಟ್ಟಿಸಿದ ಅಪ್ರಾಪ್ತರ ಬೈಕ್ ಸವಾರಿ

ರಾಘು ಕಾಕರಮಠ

ತಾಲೂಕು ಕೇಂದ್ರದಿಂದ 8 ಕಿಮೀ ಅಂತರದಲ್ಲಿರುವ ಬೇಲೆಕೇರಿ ರಸ್ತೆಯಲ್ಲಿ ನೀವು ಓಡಾಡಬೇಕೆಂದರೆ ನಿಮಗೆ ಡಬಲ್ ಗುಂಡಿಗೆ ಇರಬೇಕು. ಏಕೆಂದರೆ ಧೂಮ್ ಚಲನಚಿತ್ರದ ಶೈಲಿಯಲ್ಲಿ ವಿಕೃತ ಕೇಶ ವಿನ್ಯಾಸ, ಉಡುಗೆ ತೊಡುಗೆಗಳೊಂದಿಗೆ ಇಲ್ಲಿನ ಪಡ್ಡೆ ಹೈಕಳು ಅಸಂಬದ್ಧವಾಗಿ ಕೇಕೆ ಹಾಕುತ್ತ, ಕರ್ಕಶ ಸೈಲೆನ್ಸರ್ ಅಳವಡಿಸಿಕೊಂಡು, ಅತಿ ವೇಗದಲ್ಲಿ ಬೈಕ್ ಚಲಾಯಿಸುತ್ತ, ಎದುರಿಗೆ ಬರುವ ಸವಾರರ ಎದೆ ನಡುಗುವಂತೆ ಮಾಡುತ್ತಾರೆ. ಪೊಲೀಸ್ ಇಲಾಖೆಗೂ ಇದು ತಲೆನೋವಾಗಿ ಪರಿಣಮಿಸಿದೆ.

ಈ ಕುರಿತು ಪ್ರಕಟಣೆ ಹೊರಡಿಸಿರುವ ಪೊಲೀಸ್ ಇಲಾಖೆ, ಬೇಲೇಕೇರಿ ವ್ಯಾಪ್ತಿಯಲ್ಲಿ ಅಪ್ರಾಪ್ತರು ದ್ವಿಚಕ್ರ ವಾಹನಗಳ ಚಾಲನೆ ಮಾಡುತ್ತಿರುವುದು ಹೆಚ್ಚಾಗಿ ಕಂಡು ಬರುತ್ತಿದೆ. ಮಕ್ಕಳಿಗೆ ವಾಹನಗಳನ್ನು ಚಾಲನೆ ಮಾಡಲು ಕೊಡುತ್ತಿರುವ ವಾಹನ ಮಾಲೀಕರ ಮೇಲೆ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುತ್ತದೆ. ಪ್ರಜ್ಞಾವಂತ ನಾಗರಿಕರು ವಾಹನ ಚಾಲನೆ ಮಾಡುವ ಮಕ್ಕಳ, ವಾಹನ ಸಹಿತ ನಂಬರ್ ಕಾಣುವ ರೀತಿಯಲ್ಲಿ ಫೋಟೋ ಅಥವಾ ವಿಡಿಯೋ ಮಾಡಿ 7259831070 ಅಥವಾ 8277988366 ನಂಬರಿಗೆ ಕಳುಹಿಸುವಂತೆ ವಿನಂತಿಸಿದೆ. ಜನರಿಗೂ ಅಪಾಯ...

ಕೈಜೋಡಿಸಿ: ಬೇಲೆಕೇರಿಯ ವ್ಯಾಪ್ತಿಯಲ್ಲಿ ಅಪ್ರಾಪ್ತ ಯುವಕರು ಬೈಕ್ ಅತಿ ವೇಗದಲ್ಲಿ ಬೈಕ್ ಚಲಾಯಿಸುತ್ತಿರುವ ಸಾಕಷ್ಟು ದೂರುಗಳು ಬಂದಿದೆ. ಯಾವುದೇ ಕಾರಣಕ್ಕೂ ತಮ್ಮ ಅಪ್ರಾಪ್ತ ಮಕ್ಕಳ ಕೈಗೆ ಬೈಕ್‌ನ್ನು ಪಾಲಕರು ನೀಡಬಾರದು. ಪೊಲೀಸ್ ಇಲಾಖೆಯ ಕಣ್ಣು ತಪ್ಪಿಸಿಕೊಂಡು ಬೈಕ್ ಚಾಲನೆ ಮಾಡುತ್ತಿರುವುದು ಕೂಡ ಗಮನಕ್ಕೆ ಇದೆ. ಈ ಬಗ್ಗೆ ನಾಗರಿಕರು ಸಹಕರಿಸಿ ಅವರ ಬೈಕ್ ನಂಬರ್‌ ಕಾಣುವಂತೆ ಫೋಟೋ ಅಥವಾ ವಿಡಿಯೋ ಮಾಡಿ ಕಳುಹಿಸಿ ಇಲಾಖೆಯ ಕರ್ತವ್ಯಕ್ಕೆ ಕೈಜೋಡಿಸಬೇಕು ಎಂದು ಪಿಎಸ್‌ಐ ಸುನೀಲ ಹುಳ್ಳೋಳ್ಳಿ ತಿಳಿಸಿದರು.