ದೆಹಲಿಯಲ್ಲಿ ಬಜೆಪಿಗೆ ಅಧಿಕಾರ: ಶಿರಸಿಯಲ್ಲಿ ಸಂಭ್ರಮ

ಶಿರಸಿ: ದೆಹಲಿಯಲ್ಲಿ ೨೭ ವರ್ಷಗಳ ನಂತರ ಬಜೆಪಿ ಸ್ಪಷ್ಟ ಬಹುತಮತದೊಂದಿಗೆ ಅಧಿಕಾರಕ್ಕೆ ಬಂದ ಹಿನ್ನೆಲೆ ಶಿರಸಿ ಬಿಜೆಪಿ ನಗರ ಹಾಗೂ ಗ್ರಾಮೀಣ ಮಂಡಲದಿಂದ ನಗರದ ಅಂಚೆ ವೃತ್ತದ ಬಳಿ ಕಾರ್ಯಕರ್ತರು ಹಾಗೂ ಮುಖಂಡರು ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಾಚರಣೆ ನಡೆಸಿದರು.ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಗುರುಪ್ರಸಾದ ಹೆಗಡೆ ಹರ್ತೆಬೈಲ್ ಮಾತನಾಡಿ, ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಯು ೪೮ ಸ್ಥಾನಗಳನ್ನು ಗೆಲ್ಲುವ ಮೂಲಕ ಅಭೂತಪೂರ್ವ ವಿಜಯ ದಾಖಲಿಸಿದೆ. ಪ್ರಧಾನಿ ನರೇಂದ್ರ ಮೋದಿ ನಾಯಕತ್ವವನ್ನು ದೆಹಲಿಯ ಜನ ಬೆಂಬಲಿಸಿದ್ದಾರೆ. ನಮ್ಮೆಲ್ಲ ನಾಯಕರು ಹಾಗೂ ದೆಹಲಿ ಬಿಜೆಪಿಯ ಕಾರ್ಯಕರ್ತರ ಶ್ರಮದಿಂದ ಫಲಿತಾಂಶ ಬರಲು ಕಾರಣವಾಗಿದೆ.

ಮುಂಡಗೋಡ: ೨೭ ವರ್ಷದ ಬಳಿಕ ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಅಭೂತಪೂರ್ವ ಗೆಲುವು ಸಾಧಿಸಿದ ಹಿನ್ನೆಲೆ ತಾಲೂಕು ಬಿಜೆಪಿ ಕಾರ್ಯಕರ್ತರು ಶನಿವಾರ ಸಂಜೆ ಪಟ್ಟಣದ ಶಿವಾಜಿ ಸರ್ಕಲ್‌ನಲ್ಲಿ ಪಟಾಕಿ ಸಿಡಿಸಿ ಸಿಹಿ ಹಂಚುವ ಮೂಲಕ ವಿಜಯೋತ್ಸವ ಆಚರಿಸಿದರು.ಬಿಜೆಪಿ ತಾಲೂಕಾಧ್ಯಕ್ಷ ಮಂಜುನಾಥ ಪಾಟೀಲ, ಪಪಂ ಸದಸ್ಯ ಶ್ರೀಕಾಂತ ಸಾನು, ಬಿಜೆಪಿ ಯುವ ಘಟಕದ ಅಧ್ಯಕ್ಷ ಬಸವರಾಜ ಠಣಕೆದಾರ, ಮಂಜುನಾಥ ಶೇಟ್, ಉಮೇಶ ಗಾಣಿಗೇರ, ಪಿ.ಜಿ. ತಂಗಚ್ಚನ್, ಚಂದ್ರು ಗಾಣಿಗೇರ, ಪ್ರಕಾಶ ಬಡಿಗೇರ, ತಂಗಮ್ ಚಿನ್ನನ್, ಭರತರಾಜ ಹದಳಗಿ, ಬಾಬು ವಾಲ್ಮಿಕಿ, ಲೋಕೇಶ ಹುಲಿಹೊಂಡ, ಪರಶುರಾಮ ಕೆಂದಲಗೇರಿ, ಗುಡ್ಡಪ್ಪ ತಳವಾರ, ಮಂಜುನಾಥ ಲಮಾಣಿ, ನಾಗರಾಜ ಕಾಳಗನಕೊಪ್ಪ ಮುಂತಾದವರು ಉಪಸ್ಥಿತರಿದ್ದರು.