ರಕ್ತದಾನದಿಂದ ಪ್ರಾಣರಕ್ಷಣೆ ಸಾಧ್ಯ: ಡಾ.ಕರುಂಬಯ್ಯ

ಕನ್ನಡಪ್ರಭ ವಾರ್ತೆ ಕುಶಾಲನಗರ

ಭಾರತೀಯ ರೆಡ್ ಕ್ರಾಸ್ ತಾಲೂಕು ಘಟಕ ಮತ್ತು ರೋಟರಿ ಸಂಸ್ಥೆ ಕುಶಾಲನಗರ ಹಾಗೂ ಮಡಿಕೇರಿ ರಕ್ತನಿಧಿ ಕೇಂದ್ರದ ಸಂಯುಕ್ತ ಆಶ್ರಯದಲ್ಲಿ ರೋಟರಿ ಸಭಾಂಗಣದಲ್ಲಿ ಏರ್ಪಡಿಸಿದ್ದ ರಕ್ತದಾನ ಶಿಬಿರ ಹಾಗೂ ಕಣ್ಣು ಮತ್ತು ಅಂಗಾಂಗ ದಾನದ ಮಾಹಿತಿ ಶಿಬಿರದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.

ಸಮಯಕ್ಕೆ ಸರಿಯಾಗಿ ರಕ್ತ ಸಿಗದೆ ವಿವಿಧ ಕಾಯಿಲೆಗಳಿಂದ ಬಳಲುತ್ತಿರುವ ರೋಗಿಗಳು, ಅಪಘಾತದ ಗಾಯಾಳುಗಳು ಅಸಹಾಯಕರಾಗುವುದನ್ನು ತಪ್ಪಿಸಬೇಕು. ಅಮೂಲ್ಯವಾದ ಜೀವಗಳನ್ನು ಉಳಿಸಲು ರಕ್ತದಾನ ಮಾಡುವುದು ಅತಿ ಅಗತ್ಯವಾಗಿದೆ ಎಂದರು.

ನೇತ್ರ ಮತ್ತು ಅಂಗಾಂಶ ದಾನದ ಮೂಲಕ, ಒಬ್ಬ ಅಂಗಾಂಗ ದಾನಿ ಏಳು ಜೀವಗಳನ್ನು ಉಳಿಸಬಹುದು. ದಾನಿಗಳು ಮತ್ತು ಅವರ ಕುಟುಂಬಗಳು ಸಾವಿನ ನಂತರ ತಮ್ಮ ಅಂಗಗಳು ಮತ್ತು ಅಂಗಾಂಶಗಳನ್ನು ದಾನ ಮಾಡಲು ಒಪ್ಪಿಗೆ ನೀಡಬೇಕು ಎಂದು ಮಾಹಿತಿ ಒದಗಿಸಿದರು.

ಕುಶಾಲನಗರ ರೋಟರಿ ಸಂಸ್ಥೆ ಅಧ್ಯಕ್ಷ ಹರೀಶ್ ಅಧ್ಯಕ್ಷತೆ ವಹಿಸಿದ್ದರು. ಮಡಿಕೇರಿ ರಕ್ತ ನಿಧಿಯ ಡಾ ಕರುಂಬಯ್ಯ ಅವರನ್ನು ಗೌರವಿಸಲಾಯಿತು

ರೆಡ್ ಕ್ರಾಸ್ ಉಪಾಧ್ಯಕ್ಷ ಎಂ.ಡಿ.ರಂಗಸ್ವಾಮಿ, ಪುರಸಭೆ ಸದಸ್ಯ ಬಿ.ಅಮೃತ ರಾಜ್, ರೆಡ್ ಕ್ರಾಸ್‌ ಕಾರ್ಯಕರ್ತರಾದ ಚಂದ್ರು, ನಂಜುಂಡಸ್ವಾಮಿ, ದೇವರಾಜು, ಕೋದಂಡರಾಮ, ಎನ್.ಕೆ.ಮೋಹನ್ ಕುಮಾರ್, ಬಿ.ಅಮೃತ್ ರಾಜ್, ಕೂರನ ಪ್ರಕಾಶ್, ಮಡಿಕೇರಿ ‌ಆಸ್ಪತ್ರೆಯ ಡಾ.ಚೇತನ್ ಕುಮಾರ್ ಇದ್ದರು. ಮಡಿಕೇರಿ ರಕ್ತನಿಧಿ ಕೇಂದ್ರ ತಂಡದವರು ರಕ್ತ ಸಂಗ್ರಹಣೆ ಕಾರ್ಯ ನೆರವೇರಿಸಿದರು.