ನಾಡದೋಣಿ ಮೀನುಗಾರಿಕೆ: ಆಗ ತೂಫಾನ್‌ ಹೊಡೆತ, ಈಗ ಮೀನುಗಳ ಬರ!

ಆತ್ಮಭೂಷಣ್‌

ವರ್ಷಂಪ್ರತಿ ಜೂನ್‌ನಿಂದ ಸೆಪ್ಟೆಂಬರ್‌ ವರೆಗೆ ನಾಡದೋಣಿ ಮೀನುಗಾರರ ಬೇಟೆಯ ಅವಧಿ. ಈ ಬಾರಿ ಜೂನ್‌ ತಿಂಗಳು ಪೂರ್ತಿ ಕಡಲಿಗೆ ಇಳಿಯಲು ಸಮುದ್ರದಲ್ಲಿ ತಲೆದೋರಿದ ಸೈಕ್ಲೋನ್‌, ತೂಫಾನ್‌ ಅಡ್ಡಿಯಾಗಿದೆ. ಕೊನೆಗೂ ಒಂದು ತಿಂಗಳ ಬಳಿಕ ಈಗ ಜುಲೈನಲ್ಲಿ ನಾಡದೋಣಿಗಳು ಕಡಲಿಗೆ ಇಳಿಯುತ್ತಿವೆ. ಮಂಗಳೂರಿನ ನವ ಮಂಗಳೂರು ಬಂದರು(ಎನ್‌ಎಂಪಿಎ) ಮೂಲಕ ಸೋಮೇಶ್ವರ ಹಾಗೂ ಮಲ್ಪೆ ವರೆಗೆ ತೆರಳಿ ನಾಡದೋಣಿ ಮೀನುಗಾರಿಕೆ ನಡೆಸುತ್ತಿದ್ದಾರೆ. ಒಂದೆರಡು ನಾಡದೋಣಿ ಮೀನುಗಾರರು ಸೋಮವಾರದಿಂದಲೇ ಮೀನುಗಾರಿಕೆಗೆ ತೆರಳಿದ್ದರು. ಆದರೆ ನಿರೀಕ್ಷಿತ ಪ್ರಮಾಣದಲ್ಲಿ ಮೀನುಗಳು ಸಮುದ್ರ ತೀರಕ್ಕೆ ಇನ್ನೂ ಬಂದಿಲ್ಲ. ಹೀಗಾಗಿ ನಾಡದೋಣಿ ಗಾಳಕ್ಕೆ ಮೀನುಗಳೇ ಸಿಗುತ್ತಿಲ್ಲ. ಮಂಗಳೂರಲ್ಲಿ ಸುಮಾರು 250 ನಾಡದೋಣಿಗಳಿದ್ದು, ಮೊದಲ ದಿನವೇ ಶೇ.50 ರಷ್ಟು ನಾಡದೋಣಿಗಳು ಮೀನು ಸಿಗದೆ ದಡ ಸೇರಿವೆ. ಇದು ನಾಡದೋಣಿ ಮೀನುಗಾರರನ್ನು ಕಂಗೆಡುವಂತೆ ಮಾಡಿದೆ. ಮಂಗಳೂರು ಸಮುದ್ರ ತೀರದ ಒಂದೂವರೆ ಕಿ.ಮೀ. ವ್ಯಾಪ್ತಿಯಲ್ಲಿ ನಾಡದೋಣಿ ಮೀನುಗಾರಿಕೆ ನಡೆಯುತ್ತಿದೆ. ಮಳೆಗಾಲದಲ್ಲಿ ಮುಂಜಾಗ್ರತಾ ಕ್ರಮವಾಗಿ ಅವಘಡಗಳ ಸಂದರ್ಭ ಸಹಕಾರಿಯಾಗುವ ದಿಶೆಯಲ್ಲಿ ನಾಡದೋಣಿಗಳು ಎನ್‌ಎಂಪಿಎ ಮೂಲಕ ತೆರಳಿ ಮೀನುಗಾರಿಕೆ ನಡೆಸುತ್ತಿವೆ. ಪ್ರತಿ ಬಾರಿ ಎನ್‌ಎಂಪಿಎ ತನ್ನ ಸರಹದ್ದು ಪ್ರವೇಶ ಹಾಗೂ ನಿರ್ಗಮನ ಗುರುತಿಗೆ ನಾಡದೋಣಿ ಮೀನುಗಾರರಿಗೆ ಗುರುತಿನ ಚೀಟಿ ನೀಡುತ್ತದೆ. ಈ ಬಾರಿ ಜೂನ್‌ ಪ್ರಥಮ ಬದಲು ಜೂನ್‌ ಕೊನೆಗೆ ಗುರುತಿನ ಚೀಟಿ ವಿತರಿಸಿದೆ. ಸಮುದ್ರ ಪ್ರಕ್ಷುಬ್ಧ ಸಂದರ್ಭಗಳಲ್ಲಿ ನಾಡದೋಣಿ ಮೀನುಗಾರಿಕೆಯನ್ನು ನಿರ್ಬಂಧಿಸಲಾಗುತ್ತದೆ. ನಾಡದೋಣಿ ನಿಲುಗಡೆಗೆ ಜಾಗದ ಕೊರತೆ

-ವಸಂತ ಸುವರ್ಣ, ಅಧ್ಯಕ್ಷರು, ಕರಾವಳಿ ಸಾಂಪ್ರದಾಯಿಕ ನಾಡದೋಣಿ ಮೀನುಗಾರರ ಸಂಘ, ಮಂಗಳೂರು