ಪ್ರತ್ಯೇಕ ಮತಗಟ್ಟೆಗಾಗಿ ಬಹಿಷ್ಕಾರ, ಮನವೊಲಿಕೆ ಬಳಿಕ ವಾಪಸ್‌

ಮುಂಡಗೋಡ: ಪ್ರತ್ಯೇಕ ಮತಗಟ್ಟೆ ತೆರೆಯುವುದು ಸೇರಿದಂತೆ ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿ ತಾಲೂಕಿನ ನಂದಿಕಟ್ಟಾ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬಸಾಪುರ ಗ್ರಾಮಸ್ಥರು ಮತದಾನ ಬಹಿಷ್ಕರಿಸಿ ಪ್ರತಿಭಟನೆ ನಡೆಸಿದ ಪ್ರಸಂಗ ಮಂಗಳವಾರ ನಡೆಯಿತು.

ಪಡಿತರ ಪಡೆಯಬೇಕೆಂದರೂ ೩ಕಿ.ಮೀ ದೂರ ಹೋಗಿ ತಲೆ ಮೇಲೆ ಹೊತ್ತು ತರಬೇಕಿದೆ. ಗ್ರಾಮದಲ್ಲಿ ಕುಡಿಯುವ ನೀರಿನ ಸಮಸ್ಯೆ ಸಾಕಷ್ಟಿದೆ. ಕನಿಷ್ಠ ಒಂದು ಟ್ಯಾಂಕರ್ ವ್ಯವಸ್ಥೆ ಕೂಡ ಮಾಡಿಲ್ಲ.

ಸಂಜೆ ೫ ಗಂಟೆ ವೇಳೆಗೆ ಉಪ ವಿಭಾಗಾಧಿಕಾರಿ ಆದೇಶದ ಮೇರೆಗೆ ಮುಂಡಗೋಡ ತಹಸೀಲ್ದಾರ್ ಶಂಕರ ಗೌಡಿ ಸ್ಥಳಕ್ಕೆ ಧಾವಿಸಿ ದೂರವಾಣಿ ಮೂಲಕ ಉಪವಿಭಾಗಾಧಿಕಾರಿಗಳೊಂದಿಗೆ ಮಾತನಾಡಿಸಿ, ನಾಳೆಯಿಂದಲೇ ಕಂದಾಯ ಗ್ರಾಮ ಬೇಡಿಕೆ ಹಾಗೂ ಮತಗಟ್ಟೆ ವಿಂಗಡಣೆ ಮಾಡುವ ಕ್ರಮ ಕೈಗೊಳ್ಳುವ ಭರವಸೆ ನೀಡಿದ ಬಳಿಕ ಬಹಿಷ್ಕಾರ ಕೈಬಿಟ್ಟು ಮತದಾನ ಮಾಡಲು ಒಪ್ಪಿಕೊಂಡರು. ೫ ಗಂಟೆಯ ನಂತರ ಗ್ರಾಮಸ್ಥರೆಲ್ಲ ಮತದಾನ ಮಾಡಲು ತೆರಳುತ್ತಿರುವುದು ಕಂಡು ಬಂತು.