ರಾಜ್ಯದ 79 ಗ್ರಾಪಂಗಳಲ್ಲಿ ಮಕ್ಕಳ ಸಾಹಿತ್ಯ ಸಂಭ್ರಮ

ದೇವರಾಜು ಕಪ್ಪಸೋಗೆಕನ್ನಡಪ್ರಭ ವಾರ್ತೆ ಚಾಮರಾಜನಗರ

ಚಾಮರಾಜನಗರ ತಾಲೂಕಿನ ಮಂಗಲ ಗ್ರಾಪಂನಲ್ಲಿ ಫೆ.21 ರಿಂದ 23, ಕೊಳ್ಳೇಗಾಲ ತಾಲೂಕಿನ ಕುಣಗಳ್ಳಿಯಲ್ಲಿ ಫೆ.20 ರಿಂದ 22, ಯಳಂದೂರು ತಾಲೂಕಿನ ದುಗ್ಗಹಟ್ಟಿಯಲ್ಲಿ ಫೆ.21 ರಿಂದ 23 ಮತ್ತು ಹನೂರು ತಾಲೂಕಿನ ರಾಮಾಪುರ ಗ್ರಾಪಂನಲ್ಲಿ ಫೆ.20ರಿಂದ 22ರವರಗೆ ಮಕ್ಕಳ ಸಾಹಿತ್ಯ ಸಂಭ್ರಮ ಶಿಬಿರ ಆಯೋಜಿಸಲಾಗಿದೆ. ಮೂರು ದಿನಗಳ ಶಿಬಿರಕ್ಕೆ 100 ಮಕ್ಕಳನ್ನು ಆಯ್ಕೆ ಮಾಡಲಾಗುತ್ತಿದ್ದು, ಅದರಲ್ಲಿ ಶೇ. 50ರಷ್ಟು ಬಾಲಕಿಯರು ಇರಬೇಕು. ಎಲ್ಲಾ ಜನಸಮುದಾಯದ ಮಕ್ಕಳಿಗೂ ಅವಕಾಶ ಕಲ್ಪಿಸುವುದರ ಜೊತೆಗೆ ವಿಶೇಷ ಚೇತನ ಮಕ್ಕಳಿಗೂ ಆದ್ಯತೆ ನೀಡಬೇಕು. ಶಿಬಿರ ನಡೆಯುವ ಗ್ರಾಪಂ ಕೇಂದ್ರದ ಶಾಲೆಯಿಂದ 50 ಮತ್ತು ಸುತ್ತಮುತ್ತಲ ಗ್ರಾಪಂಗಳಿಂದ 50 ಮಕ್ಕಳಿಗೆ ಭಾಗವಹಿಸಲು ಅವಕಾಶ ಕಲ್ಪಿಸಲಾಗಿದೆ. ಶಿಬಿರದ ಚಟುವಟಿಕೆಗಳಿಗೆ ಬೇಕಾದ ಸಾಮಾಗ್ರಿಗಳ ಕಿಟ್‌, ಡ್ರಾಯಿಂಗ್‌ ಹಾಳೆಗಳು, ಸ್ಕೇಚ್‌ ಪೆನ್‌, ಮುಖವಾಡಗಳು, ಗೊಂಬೆಗಳು ಹಾಗೂ ಶಿಬಿರಕ್ಕೆ ಬೇಕಾಗುವ ಇತರೆ ಸಾಧನ ಸಲಕರಣೆಗಳನ್ನು ಗ್ರಾಪಂ ವತಿಯಿಂದ ಪೂರೈಕೆ ಮಾಡಲಾಗುತ್ತದೆ. ಶಿಬಿರದಲ್ಲಿ ವಿವಿಧ ಚಟುವಟಿಕೆಗಳ ಮೂಲಕ ಕಥೆ, ಕವಿತೆ, ನಾಟಕಗಳನ್ನು ಅಭಿನಯಿಸುವುದು ವಾಚನ ಮಾಡಲು ಬರೆಯಲು ಪ್ರೇರೆಪಿಸಲಾಗುವುದು. ಮಕ್ಕಳು ತಮ್ಮ ಅನುಭವಗಳನ್ನು ಕನಸುಗಳು-ಕಲ್ಪನೆಗಳನ್ನು ಅಭಿವ್ಯಕ್ತಪಡಿಸುವುದು ಮತ್ತು ಪ್ರಬಂಧ, ಚರ್ಚೆ, ನಾಟಕ ಹಾಗೂ ಬರಹ ರೂಪದಲ್ಲೂ ಪ್ರತಿಭೆಗಳನ್ನು ಅಭಿವ್ಯಕ್ತಗೊಳಿಸಲು ಈ ಶಿಬಿರದಲ್ಲಿ ಅವಕಾಶ ಕಲ್ಪಿಸಲಾಗುತ್ತದೆ. ಶಿಬಿರದಲ್ಲಿ ಮಕ್ಕಳು ಅಭಿವ್ಯಕ್ತಪಡಿಸುವ ಚಟುವಟಿಕೆಗಳನ್ನು ಶಿಬಿರದ ಕೊನೆಯ ದಿವಸ ವೇದಿಕೆಯಲ್ಲಿ ಪ್ರದರ್ಶಿಸುವುದು ದಾಖಲೀಕರಣ ಮಾಡಿ ರಾಜ್ಯ ಜಿಲ್ಲೆ, ತಾಲೂಕು ಹಾಗೂ ಗ್ರಾಮ ಪಂಚಾಯಿತಿ ಮಟ್ಟದಲ್ಲಿ ಪುಸ್ತಕ ರೂಪದಲ್ಲಿ ಹೊರತರುವುದು ಗ್ರಾಮ ಪಂಚಾಯಿತಿಗಳ ಗ್ರಂಥಾಲಯಗಳಲ್ಲಿ ಪ್ರದರ್ಶಿಸಲಾಗುವುದು. ಪ್ರತಿ ಶಿಬಿರದಿಂದ ಇಬ್ಬರ ಆಯ್ಕೆ:

ಮಕ್ಕಳಲ್ಲಿ ಕಥೆ, ಕವನ ರಚನೆ, ನಾಟಕ ರಚನೆ, ವರದಿಗಾರಿಕೆ, ಮತ್ತು ನಿರ್ದೇಶನ ಇತ್ಯಾದಿ ಸೃಜನಶೀಲತೆಯನ್ನು ಹೆಚ್ಚಿಸಲು ಇಂತಹ ಶಿಬಿರಗಳು ಅವಶ್ಯಕ. ಈ ನಿಟ್ಟಿನಲ್ಲಿ ಮಕ್ಕಳ ಸಾಹಿತ್ಯ ಸಂಭ್ರಮ ಹಮ್ಮಿಕೊಳ್ಳಲಾಗಿದೆ. ಕೆ. ಬಿ.ಪ್ರಭುಸ್ವಾಮಿ, ಜಿಪಂ ಮುಖ್ಯ ಯೋಜನಾಧಿಕಾರಿ, ಚಾಮರಾಜನಗರ.