ಅರ್ಹರಿಗೆ ಹಕ್ಕುಪತ್ರ ವಿತರಣೆಗೆ ಸಿಪಿಐಎಂ ಆಗ್ರಹ

ಕನ್ನಡಪ್ರಭ ವಾರ್ತೆ ತುರ್ವಿಹಾಳ

ಇಲ್ಲಿನ ಪಪಂ ಕಚೇರಿ ಮುಂದೆ ಸೇರಿದ ಪಕ್ಷದ ಮುಖಂಡರು, ನಿವಾಸಿಗಳು ಬೇಡಿಕೆಗಳನ್ನು ಈಡೇರಿಸಬೇಕು ಎಂದು ಘೋಷಣೆ ಕೂಗಿದರು. ಈ ವೇಳೆ ಮಾತನಾಡಿದ ಸಿಪಿಐಎಂ ಜಿಲ್ಲಾ ಸಂಚಾಲಕ ಬಸವಂತ ರಾಯಗೌಡ ,ಪಟ್ಟಣದ ವಾರ್ಡ ನಂ.10ರ ಸೂಗಪ್ಪನ ಹೊಲದಲ್ಲಿನ ನಿವಾಸಿಗಳಿಗೆ ಪಟ್ಟಾ (ಹಕ್ಕು ಪತ್ರ) ನಿಡುವಂತೆ ಹಾಗೂ ವಾರ್ಡ ನಂ.11ರಲ್ಲಿನ ಲೇಔಟ್‌ನಲ್ಲಿ ಶೌಚಾಲಯ, ಚರಂಡಿ, ಮುಖ್ಯರಸ್ತೆ ಸೇರಿದಂತೆ ವಿವಿಧ ಬೇಡಿಕೆಗಳ ಈಡೇರಿಸಬೇಕು ಎಂದು ಒತ್ತಾಯಿಸಿದರು.

ಕಟ್ಟಡ ಕಾರ್ಮಿಕ ಸಂಘದ ಅಧ್ಯಕ್ಷ ಅನ್ವರ್ ಪಾಷಾ ಮಾತನಾಡಿ, ಈ ಸಮಸ್ಯೆಗೆ ಅಧಿಕಾರಿಗಳು ಮುಖ್ಯಾಧಿಕಾರಿಗಳು, ಶಾಸಕರು, ತಹಸೀಲ್ದಾರರು ಕಿವಿಗೊಡದಂತೆ ಕುಳಿತಿರುವುದು ವಿಪರ್ಯಾಸ ಸಂಗತಿಯಾಗಿದೆ. ನಿತ್ಯ ನಾವೆಲ್ಲರೂ ದಿನಗೂಲಿಯನ್ನು ಬಿಟ್ಟ ಸರ್ಕಾರಿ ಕಚೇರಿಗಳಿಗೆ ಅಲಿದಾಡು ವಂತಾಗಿದೆ. ನಮ್ಮ ಸಮಸ್ಯೆಗೆ ಸ್ಪಂದಿಸಬೇಕಾದ ಅಧಿಕಾರಿಗಳು ಕಣ್ಣು ಮುಚ್ಚಿ ಕುಳಿತಿದ್ದಾರೆ. ನಾವು ಕೇಳುತಿರುವುದು ಯಾರಪ್ಪನ ಆಸ್ತಿಯಲ್ಲ, ನಮಗೆ ನಮ್ಮ ಹಕ್ಕು ಪತ್ರ ಬೇಕು. ಇಲ್ಲದಿದ್ದಲ್ಲಿ ನಾವು ಉಗ್ರ ಹೋರಾಟವನ್ನು ಹಮ್ಮಿಕೊಳ್ಳಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು. ಧರಣಿಯಲ್ಲಿ ಮುಖಂಡರಾದ ಮುನಿಸ್ವಾಮಿ ಕಟ್ಟಿಮನಿ, ಎಂ.ಗೋಪಾಲ ಕೃಷ್ಣ, ಜನವಾದಿ ಘಟಕದ ಅಧ್ಯಕ್ಷೆ ಗಿರಿಜಾ ಕಿಲ್ಲೆದ್, ಯಂಕಪ್ಪ ಕೆಂಗಲ್, ಹೊನ್ನುರಪ್ಪ ಕುಂಬಾರ, ಭಂಡಾರೇಪ್ಪಮಳ್ಳಿ, ವಿರೇಶ ನಾಯಕ್, ಹನುಮಂತ ಕಾರ್ಯದರ್ಶಿಗಳಾದ ಇಬ್ರಾಹಿಂ ಸಾಬ್, ಮರಿಯಪ್ಪ ಕುಂಬಾರ, ವಿರೇಶ ಚೆಂಚರ ನಾಗರತ್ನ ನಾಯಕಿ ಮೌಲಾಸಾಬ್, ನೂರಾರು ಮಹಿಳೆಯರು ಇದ್ದರು.