ಸಂತೋಷ, ಸಂತೃಪ್ತಿ, ಸತ್ಸಂಗ ರೂಢಿಸಿಕೊಳ್ಳಿ: ಸ್ವರ್ಣವಲ್ಲಿ ಸ್ವಾಮೀಜಿ

ಸಿದ್ದಾಪುರ: ಜೀವನ್ಮುಕ್ತಿ ಮತ್ತು ಜ್ಞಾನಯೋಗ ಇವೆರಡೂ ಬೇರೆ ಬೇರೆ. ಜ್ಞಾನಯೋಗದಿಂದ ಮುಂದೆ ಜೀವನ್ಮುಕ್ತಿ ಸಾಧ್ಯ. ತತ್ವಜ್ಞಾನ ಜೀವನ್ಮುಕ್ತಿಗೆ ನೇರ ಸಾಧನ ಎಂದು ಸ್ವರ್ಣವಲ್ಲಿ ಮಹಾಸಂಸ್ಥಾನದ ಗಂಗಾಧರೇಂದ್ರ ಸರಸ್ವತೀ ಸ್ವಾಮಿಗಳು ತಿಳಿಸಿದರು.ತಾಲೂಕಿನ ಶಿರಳಗಿಯ ಚೈತನ್ಯ ರಾಜಾರಾಮ ಕ್ಷೇತ್ರದಲ್ಲಿ ಸಂಘಟಿಸಿದ್ದ ಅಧ್ಯಾತ್ಮ ಚಿಂತನಾಮೃತ ಕಾರ್ಯಕ್ರಮದ ಸಮಾರೋಪ ಸಮಾರಂಭದ ಸಾನ್ನಿಧ್ಯ ವಹಿಸಿ ಉಪನ್ಯಾಸ ಮತ್ತು ಆಶೀರ್ವಚನ ನೀಡಿದರು.

ಸಾನ್ನಿಧ್ಯ ವಹಿಸಿದ್ದ ಶಿರಳಗಿಯ ಚೈತನ್ಯ ರಾಜಾರಾಮ ಕ್ಷೇತ್ರದ ಬ್ರಹ್ಮಾನಂದಭಾರತೀ ಸ್ವಾಮೀಜಿ ಆಶೀರ್ವಚನ ನೀಡಿದರು.

ಕಠೋಪನಿಷತ್ತಿನ ಹರಿಕಥಾ ರೂಪವನ್ನು ವಿ. ಶಂಕರ ಭಟ್ಟರು ಉಂಚಳ್ಳಿ ನಡೆಸಿಕೊಟ್ಟರು. ಬೆಂಗಳೂರಿನ ಶ್ರೀ ರಾಮನಾರಾಯಣ ಗುರುಕುಲದವರಿಂದ ಶಾಸ್ತ್ರೀಯ ಸಂಗೀತ ಸೇವೆ ನಡೆಯಿತು. ಕು. ಸಂಹಿತಾ ವಿ. ಅವಧಾನಿ ಗಾಯನ, ಅಭಿರಾಮ ಪಿಟೀಲು, ಬಿ.ಜೆ. ಶ್ರೀನಿವಾಸ ಮೃದಂಗವಾದನ ನಡೆಸಿಕೊಟ್ಟರು. ಅನಂತಪದ್ಮನಾಭ ಶಿರಸಿ ನಿರ್ವಹಿಸಿದರು. ಕೇಶವ ಕೂರ್ಸೆ ವಂದಿಸಿದರು.