ವಿಷಕಾರಿ ಕಂಪನಿಗಳ ಅನುಮತಿ ರದ್ದತಿಗೆ ನಿರ್ಣಯ ?

ಯಾದಗಿರಿ: ಕಡೇಚೂರು ಬಾಡಿಯಾಳ ಕೈಗಾರಿಕಾ ಪ್ರದೇಶದಲ್ಲಿನ ಅಪಾಯಕಾರಿ ಕೆಮಿಕಲ್‌ ತ್ಯಾಜ್ಯ ಕಂಪನಿಗಳಿಂದಾಗುತ್ತಿರುವ ದುಷ್ಪರಿಣಾಮ ಕುರಿತು ಗ್ರಾಮಗಳಲ್ಲಿ ಈಗ ಜಾಗೃತಭಾವ ಮೂಡತೊಡಗಿದೆ. ಕಾನೂನುರೀತ್ಯ ಗ್ರಾಮ-ಸಭೆಗಳ ಮೂಲಕ ಅನುಮತಿ ರದ್ದಿಗೆ ನಿರ್ಣಯ ಕೈಗೊಳ್ಳಲು ಹೋರಾಟಗಳು ಜನಮಾನಸದಲ್ಲಿ ಚಿಗುರೊಡೆಯುತ್ತಿವೆ. ಗ್ರಾಮ ಪಂಚಾಯಿತಿ ಅಧ್ಯಕ್ಷರು, ಸದಸ್ಯರಾದಿಯಾಗಿ ಠರಾವು ಪಾಸ್ ಮಾಡಲು ಒಲವು ತೋರುತ್ತಿದ್ದಾರೆ. ಗಲ್ಲಿಗಲ್ಲಿಗಳಲ್ಲಿ ಮನಸ್ಸುಗಳು ಜಾಗೃತಗೊಳ್ಳುತ್ತಿವೆ. ಜನವಿರೋಧಕ್ಕೆ ಬೆವೆತಿರುವ ಕೆಲವು ಕಂಪನಿ ಮಾಲೀಕರು ಈಗ ಬಂದು ನೀಡುತ್ತಿರುವ ಭರವಸೆಗಳಿಗೆ, ಆಸೆ ಆಮಿಷಗಳ ಬಿಟ್ಟಾಕಿ ಅವರ ವಾಪಸ್‌ ಕಳುಹಿಸುತ್ತಿದ್ದಾರೆ. ಒಂದೊಂದಾಗಿ ಒಂದಿಷ್ಟು ಬೆಳವಣಿಗೆಗಳು ಚಿಗುರತೊಡಗಿವೆ.ಕಳೆದ ಸತತ 38 ದಿನಗಳಿಂದ "ಕನ್ನಡಪ್ರಭ "ದಲ್ಲಿ ಪ್ರಕಟಗೊಳ್ಳುತ್ತಿರುವ ಸರಣಿ ವರದಿಗಳ ಮುಂದುವರೆದ ಭಾಗದ ಪೈಕಿ, ಈಗ ಈ ಕುರಿತು ಅಲ್ಲಿನ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಜನಪ್ರತಿನಿಧಿಗಳ, ಸಂಘಟನೆಗಳ, ಸಾಮಾನ್ಯರ ಅಭಿಪ್ರಾಯಗಳನ್ನು ಕಟ್ಟಿಕೊಡುವ ನಿಟ್ಟಿನಲ್ಲಿ ಪ್ರಯತ್ನ ನಡೆಸಿದೆ. ಅಲ್ಲಿನ ಜನ ಏನಂತಾರೆ ? ಏನಾಗಬೇಕು ? ಸದ್ಯಕ್ಕೆ ಏನಾಗುತ್ತಿದೆ ಎಂಬ ಬಗ್ಗೆ ವಿವಿಧರ ಅಭಿಪ್ರಾಯಗಳು ಹೀಗಿವೆ...

ಕಡೇಚೂರು-ಬಾಡಿಯಾಳ ಕೈಗಾರಿಕಾ ಪ್ರದೇಶದಲ್ಲಿನ ರಾಸಾಯನಿಕ ಕೈಗಾರಿಕೆಗಳು ಸೇರಿದಂತೆ ಇತರ ಕೈಗಾರಿಕೆಗಳು ಕಾನೂನುಬಾಹಿರವಾಗಿ ಪರಿಸರಕ್ಕೆ ಹಾನಿಯಗುವ ವಿಷಾನಿಲವನ್ನು ಹೊರಹಾಕುತ್ತಿರುವ ಪರಿಣಾಮದಿಂದ ಸೈದಾಪುರ ಪಟ್ಟಣ ಸೇರಿದಂತೆ ಪಂಚಾಯತಿ ವ್ಯಾಪ್ತಿಯ ಶೆಟ್ಟಿಹಳ್ಳಿ, ರಾಚನಹಳ್ಳಿ, ಇಂದಿರನಗರ, ಕ್ಯಾತನಾಳದ ಗ್ರಾಮಗಳ ಜನರು ಮೂಗು ಮುಚಿಕೊಂಡು ತಿರುಗಾಡುವ ಪರಿಸ್ಥಿತಿ ಎದುರಾಗಿದೆ. ಈ ಕುರಿತು ಗ್ರಾಮ ಸಭೆಯಲ್ಲಿ ಇವುಗಳ ಕಂಪನಿಗಳನ್ನು ಬಂದ್ ಮಾಡುವ ಕುರಿತು ಠರಾವು ಪಾಸ್ ಮಾಡುವಂತೆ ವಿನಂತಿ ಮಾಡಿದ್ದೇವೆ.

- ವೀರೇಶ ಸಜ್ಜನ್, ವಲಯ ಅಧ್ಯಕ್ಷ, ಜಯ ಕರ್ನಾಟಕ ರಕ್ಷಣಾ ಸೇನೆ ಸೈದಾಪುರ . (16ವೈಡಿಆರ್‌3)

ಕಂಪನಿಗಳು ನಿಯಮಗಳನ್ನು ಗಾಳಿಗೆ ತೂರಿ ತ್ಯಾಜ್ಯ, ವಿಷಗಾಳಿ ರಾತ್ರಿಯ ಸಮಯದಲ್ಲಿ ಯಥೇಚ್ಚವಾಗಿ ಹೊರ ಬಿಡುತ್ತಿರುವುದರಿಂದ ಮನೆಗಳಲ್ಲಿನ ಕಿಟಕಿ-ಬಾಗಿಲುಗಳನ್ನು ಮುಚ್ಚಿ ಬಾಯಿ-ಮೂಗಿಗೆ ಬಟ್ಟೆ ಕಟ್ಟಿಕೊಂಡು ಮಲಗಿದರೂ ರಾಸಾಯನಿಕ ತ್ಯಾಜ್ಯ ವಾಸನೆ ತಡೆಯಲು ಆಗುತ್ತಿಲ್ಲ. ಕಂಪನಿಗಳ ತ್ಯಾಜ ದ್ರವವನ್ನು ನಿಯಮಬಾಹಿರವಾಗಿ ಹಳ್ಳ-ಕೊಳ್ಳಗಳಿಗೆ ನೇರವಾಗಿ ಬಿಡುತ್ತಿರುವ ಕುರಿತು ಅನೇಕ ಗ್ರಾಮಸ್ಥರು ದೂರು ನೀಡಿದ್ದಾರೆ. ಇವುಗಳ ವಿರುದ್ಧ ಗ್ರಾಮ ಸಭೆಯಲ್ಲಿ ಚರ್ಚಿಸಿ ಕಂಪನಿಗಳ ಅನುಮತಿಯನ್ನು ರದ್ದು ಮಾಡುವಂತೆ ನಿರ್ಣಾಯವನ್ನು ಕೈಗೊಳ್ಳುತ್ತೇವೆ.

- ಸುಮಲತಾ ಮರಿಗೌಡ ಪಾಟೀಲ್, ಸದಸ್ಯರು ಗ್ರಾಪಂ ಬಾಡಿಯಾಳ. (16ವೈಡಿಆರ್‌5)

ಈ ಪ್ರದೇಶದಲ್ಲಿ ಗಾಳಿ ಗುಣಮಟ್ಟದ ಸೂಚ್ಯಂಕ ಗಮನಿಸಿದಾಗ ಈ ಪ್ರದೇಶದಲ್ಲಿ ಜನರು ವಾಸಿಸುವುದಕ್ಕೆ ಪೂರವಾಗಿಲ್ಲ. ಆಕಾಸ್ಮಾತ್‌ ಇದೇ ರೀತಿ ಮುಂದುವರೆದರೆ ನಾವು ದುಡಿದ ಹಣವನ್ನು ಆಸ್ಪತ್ರೆಗೆ ಇಡುವುದರ ಜತೆ ಅನಾರೋಗ್ಯದಿಂದ ಸಾಯುವ ಆತಂಕ ಹೆಚ್ಚಾಗಿದೆ ಎಂದು ಕೂಡಲೂರು, ಗೌಡಗೇರಾ ಮತ್ತು ನೀಲಹಳ್ಳಿಯ ಗ್ರಾಮಸ್ಥರು ದೂರು ನೀಡಿದ್ದಾರೆ. ಗ್ರಾಮ ಸಭೆಯಲ್ಲಿ ನಮ್ಮ ಸದಸ್ಯರು ಮತ್ತು ಗ್ರಾಮಸ್ಥರೊಂದಿಗೆ ಈ ಕಾರ್ಖಾನೆಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳುವಂತೆ ಸರ್ಕಾರಕ್ಕೆ ಪತ್ರ ಬರೆಯುತ್ತೇವೆ.

- ಕಮಲಮ್ಮ ವೆಂಕಟೇಶ ದುಪಲ್ಲಿ, ಅಧ್ಯಕ್ಷರು ಗ್ರಾ.ಪಂ ಕಡೇಚೂರು. (16ವೈಡಿಆರ್‌7)

(ENVIRONMENT CLEARENCE) EC ಕೈಗಾರಿಕೆಗಳಿಗೆ ನೀಡಿರುವ ಪರಿಸರ ವಿಮೋಚನಾ

- ಕಾಶೀನಾಥ್‌, ಸಾಮಾಜಿಕ ಕಾರ್ಯಕರ್ತ, ಶೆಟ್ಟಿಹಳ್ಳಿ