ಗಂಗಾವಳಿ ಶಾಲೆ ಹತ್ತಿರ ತ್ಯಾಜ್ಯ ನೀರು-ಕ್ರಮಕ್ಕೆ ಆಗ್ರಹ

ಗೋಕರ್ಣ: ಗಂಗಾವಳಿಯ ಸರ್ಕಾರಿ ಉರ್ದು ಶಾಲೆಯ ಪಕ್ಕದಲ್ಲಿ ತ್ಯಾಜ್ಯ ನೀರಿನಿಂದ ತೊಂದರೆಯಾಗುತ್ತಿದ್ದು, ಗ್ರಾಪಂ ಅಧಿಕಾರಿಗಳು ಕ್ರಮ ತಗೆದುಕೊಳ್ಳಬೇಕು ಎಂದು ಪಾಲಕರು ಹಾಗೂ ಶಾಲಾ ಅಭಿವೃದ್ಧಿ ಸಮಿತಿಯರು ಪಟ್ಟು ಹಿಡಿದ ಘಟನೆ ಸೋಮವಾರ ನಡೆಯಿತು.

ಗ್ರಾಪಂ ಅಧ್ಯಕ್ಷ ಈಶ್ವರ ಗೌಡ ಹಾಗೂ ಪಿಡಿಒ ವಿನಾಯಕ ನಾಯ್ಕ ಸ್ಥಳಕ್ಕೆ ಭೇಟಿ ನೀಡಿ, ತ್ಯಾಜ್ಯ ನೀರನ್ನು ಸೂಕ್ತ ರೀತಿಯಲ್ಲಿ ವಿಲೇವಾರಿ ಮಾಡುವಂತೆ ಶಾಲೆ ಹತ್ತಿರವಿರುವ ಮನೆಯವರಿಗೆ ತಿಳಿಸಿ, ಒಂದು ದಿನದೊಳಗೆ ಸರಿಪಡಿಸದಿದ್ದರೆ ಕಾನೂನು ಕ್ರಮ ಜರಗಿಸುವ ಎಚ್ಚರಿಕೆ ನೀಡಿದರು.

ಪಾಲಕ ಹಸನ್ ಸಾಬ್ ಮಾತನಾಡಿ, ಪ್ರತಿ ಬಾರಿ ಅಧಿಕಾರಿಗಳನ್ನು ಕರೆಸಿದಾಗ ಸರಿಪಡಿಸುತ್ತೇವೆ ಎನ್ನುತ್ತಾರೆ. ಆನಂತರ ಪೈಪ್ ತೆಗೆದು ನೀರು ಬಿಡುತ್ತಾರೆ. ಈ ಬಗ್ಗೆ ಕಠಿಣ ಕ್ರಮ ತೆಗೆದುಕೊಳ್ಳಬೇಕು. ಮತ್ತೆ ಇದೇ ರೀತಿ ಮಾಡಿದರೆ ಮಕ್ಕಳನ್ನು ಶಾಲಾ ಆವಾರದಲ್ಲಿ ತಂದು ಪಾಠ ಮಾಡಲು ಕೋರುತ್ತೇವೆ. ಮಕ್ಕಳಿಗೆ ರೋಗರುಜಿನ ಹರಡಿದರೆ ಸಂಬಂಧಿಸಿದ ಇಲಾಖೆಯ ಅಧಿಕಾರಿಗಳೆ ಹೊಣೆ ಎಂದರು.

ಈ ವೇಳೆ ಜುಬೇರ ಅಲಿ ಸಾಬ್, ಹ್ಯಾರಿಸ್, ಇರ್ಷಾದ ಜಲಿಲ್, ರಜಾಕ್ ಉಪಸ್ಥಿತರಿದ್ದರು.