ಸರ್ಕಾರಕ್ಕೆ ಹೊರೆಯಾದರೂ ಶಿಕ್ಷಕರ ಬೇಡಿಕೆ ಈಡೇರಿಕೆ

ಕನ್ನಡಪ್ರಭವಾರ್ತೆ ಮಧುಗಿರಿ

ಶನಿವಾರ ಇಲ್ಲಿನ ಮಾಲಿಮರಿಯಪ್ಪ ರಂಗಮಂದಿರದಲ್ಲಿ ನಡೆದ ಡಾ.ಸರ್ವಪಲ್ಲಿ ರಾಧಕೃಷ್ಣನ್‌ ಅವರ 137ನೇ ಜಯಂತಿ ಹಾಗೂ ಶಿಕ್ಷಕರ ದಿನಾಚರಣೆ ಸಮಾರಂಭ ಉದ್ಘಾಟಿಸಿ ಮಾತನಾಡಿದರು.

ಶಾಲೆಗಳಲ್ಲಿ ಶೌಚಾಲಯ ,ಕುಡಿವ ನೀರು ಸೇರಿ ಅಗತ್ಯ ಮೂಲಭೂತ ಸೌಲಭ್ಯಗಳನ್ನು ಸಿಎಸ್‌ಆರ್‌ ಫಂಡ್‌ ನಲ್ಲಿ ಒದಗಿಸಲು ಬದ್ಧ, ಶಿಕ್ಷಕ ಮನಸ್ಸು ಮಾಡಿದರೆ ರಾಷ್ಠ್ರದ ಉನ್ನತ ಹುದ್ದೆ ಅಲಂಕರಿಸಿ ದೇಶ ಸೇವೆ ಮಾಡಬಹುದು ಎಂಬುದನ್ನು ರಾಧಕೃಷ್ಣನ್‌ ತೋರಿಸಿದ್ದರೆ ಇತ್ತ ದಿಪತ್ರಿಕೆಗಳನ್ನು ವಿತರಿಸುವ ನಿಟ್ಟಿನಲ್ಲಿ ಹಣ ಸಂಪಾದಿಸಿ ಈ ದೇಶದ ರಾಷ್ಟ್ರಪತಿ ಸ್ಥಾನಕ್ಕೇರಿದ ಅಬ್ದುಲ್‌ ಕಲಾಂ ನಮಗೆ ಮಾದರಿ. ಅವರ ಆದರ್ಶ ತತ್ವಗಳನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಇಂದಿನ ಪೀಳಿಗೆಗೆ ಶಿಕ್ಷಕರು ಗುಣ ಮಟ್ಟದ ಶಿಕ್ಷಣ ನೀಡುವ ಮೂಲಕ ಸತ್ಪ್ರಜೆಗಳನ್ನಾಗಿ ರೂಪಿಸಬೇಕಿದೆ ಎಂದರು.

ಕಾರ್ಯಕ್ರಮದಲ್ಲಿ ಎಸಿ ಗೋಟೂರು ಶಿವಪ್ಪ, ಡಿಡಿಪಿಐ ಗಿರಿಜಾ, ಬಿಇಒ ಕೆ.ಎನ್‌.ಹನುಮಂತರಾಯಪ್ಪ, ಶಿಕ್ಷಣಾಧಿಕಾರಿ ರಾಜಣ್ಣ , ಇಒ ಲಕ್ಷ್ಮಣ್‌, ಪುರಸಭೆ ಅಧ್ಯಕ್ಷ ಲಾಲಪೇಟೆ ಮಂಜುನಾಥ್‌, ಉಪಾಧ್ಯಕ್ಷೆ ಸುಜಾತ, ವೆಂಕಟರಂಗಾರೆಡ್ಡಿ, ಸಂಜಯ್ ,ಎಂ.ಕೆನಂಜುಂಡರಾಜು, ನಾ .ಮಹಾಲಿಂಗೇಶ್‌ ಸೇರಿದಂತ ಶಿಕ್ಷಕರು ಇದ್ದರು.

ನನ್ನ ರಾಜಕೀಯ ಜೀವನದಲ್ಲಿ ನನಗೆ ನೆಮ್ಮದಿಯಿದೆ. ನನಗೆ ಓಟು ಮುಖ್ಯವಲ್ಲ, ಗೆದ್ದರೆ ಕ್ಷೇತ್ರಕ್ಕಾಗಿ ದುಡಿಯುತ್ತೇನೆ, ಈ ಹಿಂದೆ ವಕ್ಕಲಿಗ ಸಮುದಾಯವರನ್ನು ಪುರಸಭೆಗೆ ಅಧ್ಯಕ್ಷರನ್ನಾಗಿ ಮಾಡುವ ಅವಕಾಶ ಅನಿತಾ ಕುಮಾರಸ್ವಾಮಿ ಮತ್ತು ವೀರಭದ್ರಯ್ಯ ಅವರಿಗಿತ್ತು. ಆದರೆ ಅವರು ಮಾಡಲಿಲ್ಲ, ಎಲ್ಲ ಜನಾಂಗಕ್ಕೂ ರಾಜಕೀಯ ಪ್ರಾತಿನಿದ್ಯ ಸಿಗಬೇಕು ಎಂಬುದು ನನ್ನ ಉದ್ದೇಶ, ಪ್ರಸ್ತುತ ಪುರಸಭೆಗೆ ಅಧ್ಯಕ್ಷರಾಗಿರುವ ಲಾಲಪೇಟೆ ಮಂಜುನಾಥ್‌ ಜೆಡಿಎಸ್‌ನಿಂದ ಗೆದ್ದು ನಮ್ಮಲ್ಲಿ ಗುರುತಿಸಿಕೊಂಡವರು. ಮಂಜುನಾಥ್‌ಗೆ ಸ್ವಂತ ಕೆಲಸ ಮಾಡಿಸಿಕೊಳ್ಳುವ ಅವಕಾಶವಿದ್ದರೂ ಸಹ ಕ್ಷೇತ್ರದ ಜನರ ಕೆಲಸ ಮಾಡಿಸುವಲ್ಲಿ ನನ್ನ ಮನಸ್ಸು ಮಂಜು ಕಡೇ ವಾಲಿತು. ಹಾಗಾಗಿ ಎಲ್ಲ ಸದಸ್ಯರ ಸಹಕಾರದಿಂದ ಅವರಿಗೆ ಅಧ್ಯಕ್ಷ ಸ್ಥಾನ ದೊರೆತಿದೆ. ಈ ಹಿಂದೆ ಮಧುಗಿರಿ ಪುರಸಭೆಗೆ ವಕ್ಕಲಿಗ ಸಮುದಾಯದವರು ಯಾರು ಅಧ್ಯಕ್ಷರಾಗಿಲ್ಲ, ಈಗ ಮಂಜುನಾಥ್‌ ಅಧ್ಯಕ್ಷರಾಗಿ ಇತಿಹಾಸ ಸೃಷ್ಠಿಸಿದೆ ಎಂದು ಸಚಿವ ರಾಜಣ್ಣ ತಿಳಿಸಿದರು.