ಹೇಮಾವತಿ ಯೋಜನೆಗೆ ದೇವೇಗೌಡರೇ ಮೂಲ ಕಾರಣ

ಕನ್ನಡ ಪ್ರಭ ವಾರ್ತೆ ಕುಣಿಗಲ್

ಪಟ್ಟಣದ ಜೆಡಿಎಸ್ ಕಚೇರಿಯಲ್ಲಿ ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ನಿಜವಾಗಲೂ ರೈತರ ಬಡವರ ಕಾಳಜಿ ಹೊಂದಿರುವ ಧೀಮಂತ ನಾಯಕ ದೇವೇಗೌಡರ ಬಗ್ಗೆ ಸಂಸದ ಡಿ ಕೆ ಸುರೇಶ್ ಕೆಲವು ಸಂದರ್ಭದಲ್ಲಿ ಲಘುವಾಗಿ ಮಾತನಾಡಿರುವುದು ಖಂಡನೀಯ. ದೇವೇಗೌಡರಿಗೆ ನೀರಾವರಿ ಕುರಿತು ಇರುವ ಕಾಳಜಿ ಬಗ್ಗೆ ಇಲ್ಲಿಯವರೆಗೂ ಯಾರು ಕೂಡ ಚಕಾರವೆತ್ತುವುದಿಲ್ಲ. ಕಾವೇರಿ, ಭದ್ರಾ, ಹೇಮಾವತಿ, ಕೃಷ್ಣ ಕೊಳ್ಳದ ಯೋಜನೆಗಳಿರಬಹುದು ಅಥವಾ ಇನ್ನಾವುದೇ ನೀರಾವರಿ ಯೋಜನೆಗಳ ಕುರಿತು ಯಾವುತ್ತೂ ಸಹ ರಾಜೀಯಾಗಿಲ್ಲ. ಹಿರಿಯ ಮುತ್ಸದ್ದಿ ರಾಜಕಾರಣಿಗೆ ಪಂಜಾಬ್‌ ರಾಜ್ಯದಲ್ಲಿ ಅವರ ಹೆಸರಿನ ತಳಿ ಇದ್ದು ಆ ರಾಜ್ಯದ ಜನರು ಅವರಿಗೆ ನೀಡಿರುವ ಗೌರವವಾಗಿದೆ. ಅವರ ಬಗ್ಗೆ ಮಾತನಾಡವಾಗ ಅವರ ಸಾಧನೆ ನೆನಪಿಸಿಕೊಳ್ಳಬೇಕು. ಕೇವಲ ರಾಜಕಾರಣಕ್ಕೆ ಮಾತ್ರವೇ ಸೀಮಿತ ಮಾಡಬಾರದು ಎಂದರು.

ಕುಣಿಗಲ್ ಗೆ ಪೈಪ್ ಲೈನ್ ಮುಖಾಂತರ ನೀರು ತರುವ ವಿಚಾರದಲ್ಲಿ ಡಿ 26 ನಾಲೆಯನ್ನು ಬೈಪಾಸ್ ಮಾಡಿದ್ದು ಎಡೆಯೂರು ಹೋಬಳಿಗೆ ನೀರಿನ ಲಭ್ಯತೆ ಆಗುವುದಿಲ್ಲ. ಈ ವಿಚಾರವಾಗಿ ನಾವು ಒತ್ತಡ ತಂದರೆ ತುರುವೇಕೆರೆ , ಗುಬ್ಬಿ ತಾಲೂಕಿಗೆ ಹೆಚ್ಚು ಅನುಕೂಲ ಆಗುತ್ತದೆಂದು ಹೇಳುವ ಶಾಸಕರಿಗೆ ದಾಖಲೆಯೊಂದನ್ನು ಪ್ರದರ್ಶಿಸಿ ಕುಣಿಗಲ್ ಭಾಗದ 4552 ಎಕ್ಟೇರ್ ಪ್ರದೇಶಕ್ಕೆ ನೀರಿನ ಲಭ್ಯತೆ ತೊಂದರೆಯಾಗುತ್ತದೆಂದರು. ರಾಜಕಾರಣ ಮಾಡುವ ವಿಚಾರಕ್ಕೆ ನೀರಿನ ಬಳಕೆಯನ್ನು ಬಿಟ್ಟು ನಿಸ್ವಾರ್ಥವಾಗಿ ಸೇವೆ ಸಲ್ಲಿಸಬೇಕು ಕುಣಿಗಲ್ ತಾಲೂಕಿನ ಬಹುತೇಕ ರೈತರಿಗೆ ತೊಂದರೆ ಆಗುವುದನ್ನು ತಪ್ಪಿಸಬೇಕೆಂದರು.