ಕಲಬುರಗಿ: ಡೋಣಗಾಂವ ಗ್ರಾಪಂ ಅವ್ಯವಹಾರ ತನಿಖೆಗೆ ಒತ್ತಾಯ

ಕನ್ನಡಪ್ರಭ ವಾರ್ತೆ ಚಿತ್ತಾಪುರ

ಕೋಡ್ಲಾದಿಂದ ಡೋಣಗಾಂವ ಗ್ರಾಮಕ್ಕೆ ಕೂಡುವ ಡಾಂಬರೀಕರಣ ರಸ್ತೆ ಕಾಮಗಾರಿ ಅರ್ಧ ಪ್ರಮಾಣದಲ್ಲಿ ಮಾಡುತ್ತಿರುವುದರಿಂದ ಸದರಿ ಕಾಮಗಾರಿ ಡೋಣಗಾಂವ ಸೀಮೆವರೆಗೆ ಪೂರ್ಣಗೊಳಿಸಿ ಮತ್ತು ಮೂಲತ ಡಾಂಬರೀಕರಣ ರಸ್ತೆಯನ್ನು ಯಾವುದೇ ಕಾರಣಕ್ಕೂ ಬದಲಾವಣೆ ಮಾಡಬಾರದು ಎಂದು ೨೯ ಜುಲೈ ೨೦೧೯ರಂದು ಕಲಬುರಗಿಯ ಪಂಚಾಯತ್ ರಾಜ್ಯ ಇಲಾಖೆಯ ಕಾರ್ಯನಿರ್ವಾಹಕ ಅಭಿಯಂತರರಿಗೆ ದೂರು ನೀಡಿಲಾಗಿತ್ತು. ಆದರೆ ಪಿಡಿಓ ಮಾತ್ರ ಕಂಪನಿಯವರೊಂದಿಗೆ ಒಳ ಒಪ್ಪಂದ ಮಾಡಿಕೊಂಡು ನಿಯಮಗಳ ಉಲ್ಲಂಘಸಿ ಪರವಾನಗಿ ನೀಡಿ ಸಾಕಷ್ಟು ಭ್ರಷ್ಟಾಚಾರವೆಸಗಿದ್ದಾರೆ. ಈ ಕುರಿತು ಸಮಗ್ರ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದ್ದಾರೆ.

---ಕೋಡ್ಲಾದ ಶ್ರೀ ಸಿಮೆಂಟ್ ಕಂಪನಿಯಿಂದ ಡೋಣಗಾಂವ ಗ್ರಾಮಕ್ಕೆ ಸಂಪರ್ಕ ಇರುವ ಸಾರ್ವಜನಿಕ ರಸ್ತೆಯನ್ನು ಕಲ್ಲುಗಳಿಂದ ಕಂಪನಿಯವರು ಮುಚ್ಚಿರುವುದರಿಂದ ಗ್ರಾಮಸ್ಥರು ಸಂಚಾರಕ್ಕೆ ಪರದಾಡುವಂತಾಗಿದೆ. ಸಾರ್ವಜನಿಕರ ಹಿತವನ್ನು ನಿರ್ಲಕ್ಷ್ಯಿಸಿ ತಮ್ಮ ಅನುಕೂಲಕ್ಕಾಗಿ ರಸ್ತೆ ನಿರ್ಮಿಸಿಕೊಂಡಿರುವ ಕಂಪನಿಯವರ ನಡೆ ಖಂಡನೀಯ - ನಾಗರತ್ನ ತಳವಾರ, ಗ್ರಾಪಂ ಸದಸ್ಯೆ ಚಿತ್ತಾಪುರ