ಡಾ.ಮೊಹಸಿನ್ ಖಾನ್ ಸಿತಾರ್‌ಗೆ ಮನಸೋತ ಕಲಾಭಿಮಾನಿಗಳು

ಕನ್ನಡಪ್ರಭ ವಾರ್ತೆ ಚಾಮರಾಜನಗರ

ಡಾ.ರಾಜಕುಮಾರ್ ಜಿಲ್ಲಾ ರಂಗಮಂದಿರದಲ್ಲಿ ನಗರ ಶಾಂತಲಾ ಕಲಾವಿದರ ಸಂಸ್ಥೆಗೆ ೫೦ ವಸಂತಗಳು ಮತ್ತು ಬೆಂಗಳೂರಿನ ರಂಗಶಂಕರಕ್ಕೆ ೨೦ ವರ್ಷ ಪೂರೈಸಿರುವ ಸಂದರ್ಭದಲ್ಲಿ ಎರಡೂ ಸಂಸ್ಥೆಗಳ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ನಾಟಕೋತ್ಸವ, ರಂಗ ಕಲಿಕಾ ಕಾರ್ಯಾಗಾರ, ಛಾಯಾಚಿತ್ರ ಪ್ರದರ್ಶನ, ಸಾಂಸ್ಕೃತಿಕ ಹಾಗೂ ಜನಪದ ಉತ್ಸವದ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಶೃತಿ, ಲಯ, ತಾಳ ತಪ್ಪದ ಸಿತಾರ್, ವಯಲಿನ್, ತಬಲ ಜುಗಲ್ ಬಂಧಿಯಲ್ಲಿ ಭಾಗ್ಯದ ಲಕ್ಷ್ಮಿ ಬಾರಮ್ಮ, ಪುಟ್ಟರಾಜ ಗವಾಯಿಗಳ ವಚನ ಇತರ ಹಾಡುಗಳು ಸಿತಾರ್‌ನಲ್ಲಿ ಮೂಡಿಸಿ ಸಂಗೀತ ಲೋಕದಲ್ಲಿ ತೇಲುವಂತೆ ಮಾಡಿತು.

ನಾಟಕೋತ್ಸವದ ಕೊನೆಯ ದಿನ ಬೆಂಗಳೂರಿನ ಜಂಗಮ ಕಲೆಕ್ಟಿವ್ ತಂಡದ ಕೆ.ಪಿ.ಲಕ್ಷ್ಮಣ್ ರಚನೆ ಹಾಗೂ ನಿರ್ದೇಶನದ ಬಾಬ್ ಮಾರ್ಲಿ ಪ್ರಂ ಕೋಡಿಹಳ್ಳಿ ನಾಟಕಕ್ಕೆ ರಂಗಾಸಕ್ತರಿಂದ ಉತ್ತಮ ಸ್ಪಂದನ ವ್ಯಕ್ತವಾಯಿತು. ಮೊದಲ ದಿನ ನಾದಸ್ವರದಿಂದ ಆರಂಭಗೊಂಡು ಮೂಡಪಾಯ ಹಾಡುಗಳು, ಕ್ರಮವಾಗಿ ಯಕ್ಷಗಾನದ ಮಾದೇಶ್ವರ, ಮಂಟೇಸ್ವಾಮಿ, ಬಿಳಿಗಿರಿರಂಗನ ಜನಪದ ಕಾವ್ಯ ಗಾಯನ, ಡೊಳ್ಳುಕುಣಿತ, ಬೀಸು ಕಂಸಾಳೆ ಕಣ್ಮನ ಸೆಳೆಯಿತು. ಅಶ್ವಘೋಷ, ಸುಡುಗಾಡು ಸಂಘ, ಬೆತ್ತಲಾಟ, ಡೋರ್ ನಂ-೮, ಬಹುಮುಖಿ ನಾಟಕಗಳಿಗೆ ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಯಿತು. ಜ.೪ ರಿಂದ ೮ರವರೆಗೆ ನಗರದ ಜೆಎಸ್‌ಸ್ ಮಹಿಳಾ ಕಾಲೇಜಿನ ಸಭಾಂಗಣದಲ್ಲಿ ರಂಗ ಕಲಿಕಾ ಶಿಬಿರ ನಡೆಯಿತು.