ಪುಟಾಣಿ ಮಕ್ಕಳ ಕೈಲಿ ಮೂಡಿ ಬಂದ ಚಿತ್ತಾರ

ಕನ್ನಡಪ್ರಭ ವಾರ್ತೆ ಹಾಸನ

ಇನ್ನೂ ಹಾಸನದ ಇಪ್ಪತ್ತನಾಲ್ಕು ಮಂದಿ ಕಲಾವಿದರಿಂದ ಸಮೂಹ ಚಿತ್ರಕಲಾ ಪ್ರದರ್ಶನವು ನಡೆಯಿತು. ಈ ಕಲಾ ಪ್ರದರ್ಶನದಲ್ಲಿ ಕಲಾವಿದರಾದ ರಂಜಿತಾ ಎಚ್.ಯು, ಕಮಲ ಜೈನ್, ಅಕ್ಷತಾ. ಯು.ಎಂ, ಭವಾನಿ, ಕಿರಣ್ .ಟಿ.ಆರ್, ಸೌಮ್ಯ. ಎಸ್, ಪುನೀತ್ ನಾಯಕ್, ವೃತ್ತಿಕ್, ಹೇಮಲತಾ, ಪ್ರೇಮ, ಬಬಿತಾ ಸಿ.ಎಸ್. ಲತಾ.ಎಲ್ .ಜಿ.ಅಸ್ಮತರ, ಬಸವರಾಜ್.ಸಿ.ಎಸ್. ಕೆ.ಜೆ.ಶಿವಶಂಕರ್ , ಆರ್ .ಶಿವಕುಮಾರ್, ನಂದಿನಿ, ಚಂದ್ರಕಾಂತ್ ನಯ್ಯರ್, ಯೋಗನಂದ. ಹೆಚ್.ಎನ್, ನಿಜಾಮುದ್ದಿನ್, ಮಂಜುಳ, ವಿಮಲ, ಸಿ.ಎನ್. ಶೋಭಾ, ಲಕ್ಷ್ಮಿ ತಮ್ಮ ಕಲೆಯನ್ನು ಪ್ರದರ್ಶಿಸಿದ್ದು, ತೈಲವರ್ಣ, ಜಲವರ್ಣ, ಪೆನ್ಸಿಲ್ ಡ್ರಾಯಿಂಗ್ ನಲ್ಲಿ ಗಣೇಶ, ಲಾಟೀನ್ , ಪುಸ್ತಕ ಚಕ್ರ , ಜಗ್ಗು , ಹುಡುಗಿಯರು, ಬುದ್ಧ, ಕಡವೆ, ಮಳೆಯಲ್ಲಿ ನೆನೆಯುತ್ತಿರುವ ಹುಡುಗಿ, ಕುಂಬಳ ಹೀಗೆ ಪೋಟ್ರೈಟ್ , ಸ್ಟಿಲ್‌ಲೈಪ್, ಲ್ಯಾಂಡ್‌ಸ್ಕೇಪ್‌ನಲ್ಲಿ ಚಿತ್ತಾರದ ಚಿತ್ರಾಕರ್ಷಕವಾಗಿ ಕಲೆಗಳನ್ನು ಕಲಾವಿದರು ತಮ್ಮ ಅಂತರಂಗದ ಭಾವನೆಗಳಲ್ಲಿ ಅಭಿವ್ಯಕ್ತಿಯಲ್ಲಿ ಅರಳಿದ ಕಲೆಗಳಾಗಿದ್ದು ದೇಶಿತನವನ್ನು ಬಿಂಬಿಸಲಾಗಿತ್ತು.

ಕಲೆಗಳು ಹೆಚ್ಚು ವಾಸ್ತವವಾದ ಹೆಚ್ಚು ಸಂಗತವಾಗಿದ್ದು ಒಂದು ಪರಿಸರದಿಂದ ಅವಿರ್ಭವಿಸಿದ ಶೈಲಿಯಲ್ಲಿ ಮಾತ್ರ ಯಥಾರ್ಥವಾದ ಚಿತ್ರಣವಾಗಿದ್ದು ಹೆಚ್ಚು ಜನರನ್ನು ತಲುಪುತ್ತದೆ. ಏಕೆಂದರೆ ಕಲೆಯ ಬಗ್ಗೆ ಅರಿವಿಲ್ಲದವನ್ನು ತನ್ನ ರೂಪವನ್ನೇ ಹೋಲುವ ಬಿಂಬಗಳನ್ನು ಹೆಚ್ಚು ಇಷ್ಟಪಡುತ್ತಾನೆ. ಸ್ಥಳೀಯತೆಯಲ್ಲೇ ಬೇರೂರಿದ್ದರೂ ತನ್ನ ಸ್ಥಳೀಯ ಪರಿಮಳವನ್ನು ಸಾರ್ವತ್ರಿಕಗೊಳಿಸುವ ಸಾಮರ್ಥ್ಯ ಪಡೆದಿದ್ದರೆ ಅಂಥ ಶೈಲಿ ಈಗ ಜಗತ್ತಿನ ಕಲಾಕ್ಷೇತ್ರದಲ್ಲಿ ಗರಿಗಟ್ಟಿಕೊಳ್ಳುತ್ತಿರುವ ವಾಸ್ತವ ಶೈಲಿಯ ಪುನಶ್ಚೇತನ ಪ್ರಕ್ರಿಯೆಯ ಭಾಗವಾಗಬಹುದು. ಉದಯೋನ್ಮಖ ಕಲಾವಿದರು ಹಿರಿಯ ಕಲಾವಿದರ ಕಲೆಗಳನ್ನು ಹೆಚ್ಚು ವೀಕ್ಷಿಸಿ ಅವರ ಶೈಲಿ ಮೀಮಾಂಸೆ, ಸೃಜನಶೀಲತೆಯನ್ನು ಗಮನಿಸಿದರೆ ತಮ್ಮದೇ ಆದ ಹೊಸ ಮೀಮಾಂಸೆಯಲ್ಲಿ ಕಲೆಗಳನ್ನು ರಚಿಸಲು ಸಾಧ್ಯವಾಗುವುದರಲ್ಲಿ ಎರಡು ಮಾತಿಲ್ಲ.

ಇದಾದ ನಂತರ ಮಾಧ್ಯಮದೊಂದಿಗೆ ಮಕ್ಕಳ ಪೋಷಕರು ಕೂಡ ಮಾತನಾಡಿ, ನಮ್ಮ ಮಕ್ಕಳು ಓದುವುದರ ಜೊತೆಯಲ್ಲಿ ಚಿತ್ರಕಲೆಯಲ್ಲೂ ಕೂಡ ಆಸಕ್ತಿ ತೋರಿಸಿದ್ದು, ಅದಕ್ಕೆ ಪ್ರೋತ್ಸಾಹಿಸುವ ಕೆಲಸ ಮಾಡಲಾಗುತ್ತಿದೆ. ಕೇವಲ ಓದುವಿಗೆ ಮಾತ್ರ ಸೀಮಿತ ಮಾಡಿರುವುದಿಲ್ಲ. ಅವರ ಅಭಿಲಾಷೆ ಗುರುತಿಸಿ ಅದಕ್ಕೆ ಸೇತುವೆ ಆಗುತ್ತಿದ್ದೇವೆ ಎಂದು ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡರು.