ಕಡೂರಿಗೆ 2ನೇ ಅಗ್ನಿಶಾಮಕ ಠಾಣೆ ಮಂಜೂರಾತಿಗೆ ಪ್ರಯತ್ನ: ಕೆ.ಎಸ್.ಆನಂದ್

ಕಡೂರು: ನೂತನ ಅಗ್ನಿಶಾಮಕ ವಾಹನ ಲೋಕಾರ್ಪಣೆಕನ್ನಡಪ್ರಭ ವಾರ್ತೆ, ಕಡೂರು

ಸೋಮವಾರ ಪಟ್ಟಣದ ಶಾಸಕರ ಕಚೇರಿ ಮುಂಭಾಗದಲ್ಲಿ ಕಡೂರು ಅಗ್ನಿಶಾಮಕ ಠಾಣೆಗೆ ಮಂಜೂರಾಗಿ ಬಂದ ಅಗ್ನಿಶಾಮಕ ವಾಹನದ ಸೇವೆಗೆ ಹಸಿರು ನಿಶಾನೆ ತೋರಿ ಮಾತನಾಡಿದರು. ಬಯಲು ಸೀಮೆಯ ಭಾಗವಾಗಿರುವ ಕಡೂರು ತಾಲೂಕಿನಲ್ಲಿ ವಾರ್ಷಿಕ ಸರಾಸರಿ 150ಕ್ಕೂ ಹೆಚ್ಚು ಅಗ್ನಿ ಅವಘಡಗಳು ಸಂಭವಿಸಿವೆ. ಕಡೂರು ಅಗ್ನಿಶಾಮಕ ಠಾಣೆಯಲ್ಲಿ ಇದ್ದ 2 ವಾಹನಗಳಲ್ಲಿ ಒಂದು ವಾಹನ ಹಳೆಯದಾಗಿದ್ದು ಅದನ್ನು ಇಲಾಖೆ ವಾಪಸ್ ಪಡೆದಿತ್ತು. ಇದ್ದ ವಾಹನವೂ ಹಳೆಯದಾಗಿದ್ದು ಅದರ ಸಾಮರ್ಥ್ಯ ಕಡಿಮೆ ಇತ್ತು. ಈ ವಿಷಯವಾಗಿ ಸದನದಲ್ಲಿ ಪ್ರಸ್ತಾಪಿಸಿ ಗೃಹ ಸಚಿವರಲ್ಲಿ ಮನವಿ ಮಾಡಲಾಗಿದೆ. ಕೋರಿಕೆಗೆ ಸ್ಪಂದಿಸಿರುವ ಸರ್ಕಾರ ಹೊಸದಾಗಿ ಖರೀದಿಸಿದ್ದ 15 ವಾಹನ ಗಳಲ್ಲಿ ಒಂದು ವಾಹನವನ್ನು ತಾಲೂಕಿಗೆ ಮಂಜೂರು ಮಾಡಲಾಗಿದೆ. ಈ ಹೊಸ ವಾಹನದ ಸಾಮರ್ಥ್ಯ 6.5 ಸಾವಿರ ಲೀ. ಇದ್ದು ತಾಲೂಕಿನ ಜನರಿಗೆ ನೆರವಾಗಲಿದೆ ಎಂದು ಹೇಳಿದರು.

ಕಡೂರು ಪಟ್ಟಣದ ಶಾಸಕರ ಕಚೇರಿ ಮುಂಭಾಗದಲ್ಲಿ ಸೋಮವಾರ ತಾಲೂಕಿಗೆ ಮಂಜೂರಾದ ನೂತನ ಅಗ್ನಿಶಾಮಕ ವಾಹನಕ್ಕೆ ಶಾಸಕ ಕೆ.ಎಸ್.ಆನಂದ್ ಹಸಿರು ನಿಶಾನೆ ತೋರಿಸಿದರು. ಅಗ್ನಿಶಾಮಕ ಠಾಣಾಧಿಕಾರಿ ಶಿವಾನಂದಯ್ಯ ಮತ್ತು ಸಿಬ್ಬಂದಿ ಹಾಗೂ ನಾಗರಿಕರು ಇದ್ದರು.