ಯುವಪೀಳಿಗೆ ಬಸವಣ್ಣನವರ ಆದರ್ಶಗಳನ್ನು ಅಳವಡಿಸಿಕೊಳ್ಳಿ

ಕನ್ನಡಪ್ರಭ ವಾರ್ತೆ ಚಿಕ್ಕೋಡಿ

ಚಿಕ್ಕೋಡಿ ಸಂಪಾದನಾ ಚರಮೂರ್ತಿ ಮಠದ ಸಂಪಾದನಾ ಸ್ವಾಮಿಗಳು ಸಾನ್ನಿಧ್ಯ ವಹಿಸಿ ಮಾತನಾಡಿ, 12ನೇ ಶತಮಾನದ ಬಹುದೊಡ್ಡ ಸಮಾಜ ಸುಧಾರಕರು ಅವರ ಸಾರಥ್ಯದಲ್ಲಿ ನಡೆದ ಸುಧಾರಣೆಯ ಪ್ರಯತ್ನ ಒಂದು ಸಾಮಾಜಿಕ ಚಳವಳಿಯಾಗಿ ರೂಪುಗೊಂಡಿತ್ತು. ಇವರ ತತ್ವ, ಆದರ್ಶಗಳು, ಚಿಂತನೆಗಳು ಇಂದಿಗೂ ಪ್ರಸ್ತುತ. ವಿಶ್ವಗುರು ಬಸವಣ್ಣನವರು ಹಾಕಿಕೊಟ್ಟ ದಾರಿಯಲ್ಲಿ ಸಾಗಿದರೇ ಜೀವನ ಸುಖಮಯ, ಸಮಾಜವೂ ಸುಂದರ. ಕಾಯಕವೇ ಕೈಲಾಸ ಎಂದು ಕಲಿಸಿಕೊಟ್ಟವರು ಬಸವಣ್ಣನವರು ಎಂದು ಬಣ್ಣಿಸಿದರು.ಕಾಯಕ, ದಾಸೋಹ ತತ್ವಗಳ ಮೂಲಕ ಸಮಾನತೆಯನ್ನು ಸಾರುತ್ತ ಸಕಲಜೀವರಾಶಿಗಳಿಗೂ ಲೇಸನ್ನು ಬಯಸಿದ ಮಹಾನ ಮಾನವತಾವಾದಿ ಅಣ್ಣ ಬಸವಣ್ಣನವರ ವಚನಗಳ ತತ್ವ, ಆದರ್ಶಗಳನ್ನು ನಿತ್ಯ ಜೀವನದಲ್ಲಿ ಅಳವಡಿಸಿಕೊಳ್ಳೋಣ ಎಂದು ಮನವಿ ಮಾಡಿದರು.ಗಣ್ಯ ವ್ಯಾಪಾರಸ್ಥರಾದ ಸುಭಾಸ ಕವಲಾಪೂರೆ ಹಾಗೂ ಸಂಪಾದನಾ ಸ್ವಾಮೀಜಿ ಮೆರವಣಿಗೆಗೆ ಚಾಲನೆ ನೀಡಿದರು. ಮಠದಲ್ಲಿ ಬಸವ ಜಯಂತಿಯ ಅಂಗವಾಗಿ ಬಸವೇಶ್ವರ ನಾಮಕರಣ ಹಾಗೂ ತಾಯಂದಿರಗೆ ಉಡಿತುಂಬುವ ಕಾರ್ಯಕ್ರಮ ಹಾಗೂ ಬಸವೇಶ್ವರರ ಭಾವಚಿತ್ರ ಮೆರವಣಿಗೆಯು ಸಕಲ ವಾದ್ಯ ವೈಭವದಿಂದ ಚಿಕ್ಕೋಡಿ ಮಹಾನಗರದ ಪ್ರಮುಖ ಬೀದಿಗಳಲ್ಲಿ ನಡೆಯಿತು. ಸಂಜಯ ಹಿರೇಮಠ, ಶೇಖರ ಚಿತ್ತವಾಡಗಿ, ಮಲ್ಲಿಕಾರ್ಜುನ (ಅಜಯ) ಕವಟಗಿಮಠ, ಸೋಮು ಗವನಾಳೆ, ಕಾಕಾ ಹಿರೇಮಠ, ಬಾಬು ಮಿರ್ಜಿ, ಸುರೇಶ ಕಾಳಿಂಗೆ, ನೀಲಕಂಠ ವಂಟಮುತ್ತೆ, ಮಹಾಂತೇಶ ಕವಲಾಪುರೆ, ಮಂಜುನಾಥ ರೊಟ್ಟಿ, ಜಗದೀಶ್ ಖಿನ್ನವರ, ಶಿವು ಮಿರ್ಜೆ, ಸದಾಶಿವ ಮಾಳಿ, ಮಹಾದೇವ ಹುದ್ದಾರ, ನಾಗರಾಜ ಮೇದಾರ, ವೀಣಾ ಕವಟಗಿಮಠ, ಮಹಾದೇವಿ ಡೋನವಾಡೆ, ಉಮಾ ಮಠದ ಇದ್ದರು.