ಪರಿಸರ ಮನುಕುಲದ ಜೀವನಾಡಿ ಎಂಎಲ್‌ಸಿ ಆರ್‌.ರಾಜೇಂದ್ರ

ಕನ್ನಡಪ್ರಭ ವಾರ್ತೆ ಮಧುಗಿರಿ

ಪಟ್ಟಣದಲ್ಲಿ ನಡೆದ ವಿಶ್ವ ಪರಿಸರ ದಿನಾಚರಣೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಆರೋಗ್ಯಕರ ಸಮಾಜ ರೂಪಗೊಳ್ಳಲು ಸ್ವಚ್ಛ ಪರಿಸರ ಅತ್ಯವಶ್ಯ, ಪ್ಲಾಸ್ಟಿಕ್ ಮುಕ್ತ ಪರಿಸರ ನಿರ್ಮಾಣಕ್ಕೆ ಎಲ್ಲರೂ ಕೈ ಜೋಡಿಸಬೇಕು.ಹಂತ ಹಂತವಾಗಿ ಸಾಧ್ಯವಾದಷ್ಟು ಪ್ಲಾಸ್ಟಿಕ್‌ ವಸ್ತುಗಳ ಬಳಕೆ ನಿಲ್ಲಿಸಬೇಕು. ಪ್ಲಾಸ್ಟಿಕ್‌ ತ್ಯಜಿಸಿ ದೇಶದ ಸ್ವಚ್ಛತೆ ರೂಪಿಸಿ,ಇದು ಉತ್ತಮ ಪರಿಸರ ನಿರ್ಮಾಣಕ್ಕೆ ಮೊದಲ ಹೆಜ್ಜೆಯಾಗಲಿ.ಇಂದಿನ ಮಕ್ಕಳಿಗೆ ಅರಣ್ಯದ ಮಹತ್ವವನ್ನು ತಿಳಿಸಲು ನಮ್ಮಲ್ಲಿರುವ ತಿಮ್ಲಾಪುರ ಅರಣ್ಯದ ಕರಡಿಧಾಮ ,ಮೈದನಹಳ್ಳಿ ಕೃಷ್ಣಮೃಗ ಅರಣ್ಯಧಾಮಕ್ಕೆ ಮಕ್ಕಳನ್ನು ಕರೆದ್ಯೊಯ್ಯುವುದು ಪರಿಸರದ ಬಗ್ಗೆ ಜಾಗೃತಿ ಮೂಡಿಸಬೇಕು .ಇದರಿಂದ ಮಕ್ಕಳ ಅರಣ್ಯದ ಮಹತ್ವ ಅರಿತು ಆರೋಗ್ಯವಂತ ಸಮಾಜ ಕಟ್ಟಹಬಹುದು .ನಮ್ಮ ತಾಲೂಕಿನ ಮಕ್ಕಳು ವಿದ್ಯಾವಂತರಾಗಬೇಕು.ಅದಕ್ಕಾಗಿ ಸಹಕಾರ ಸಚಿವರಾದ ಕೆ.ಎನ್.ರಾಜಣ್ಣ ತುಂಬಾ ಕಾಳಾಜಿ ವಹಿಸಿದ್ದು,ಎಲ್ಲ ಸರ್ಕಾರಿ ಶಾಲಾ ಮಕ್ಕಳಿಗೆ ಉಚಿತವಾಗಿ ನೋಟ್‌ ಪುಸ್ತಕ ವಿತರಿಸಿದ್ದು,ಉಳಿದಂತ ಶಿಕ್ಷಣಕ್ಕೆ ಪೂರಕ ವಾತವರಣ ನಿರ್ಮಿಸುವ ಜೊತೆಗೆ ಶಾಲಾ- ಕಾಲೇಜುಗಳ ಬಗ್ಗೆ ಯಾವುದೇ ಸಮಸ್ಯೆಗಳು ಇದ್ದರೂ ನಮ್ಮ ಗಮನಕ್ಕೆ ತನ್ನಿ ಎಂದರು.

ತಹಸೀಲ್ದಾರ್ ಶಿರಿನ್ ತಾಜ್ ಮಾತನಾಡಿ, ಶೇ.33 ಇರಬೇಕಾದ ಅರಣ್ಯ ತಾಲೂಕಿನಲ್ಲಿ ಶೇ.19ರಷ್ಟಿದೆ. ಹಸಿರು ಉಳಿದರೆ ಮಾತ್ರ ಮನುಕುಲದ ಉಸಿರು ಉಳಿಯಲಿದೆ. ಯುವ ಜನತೆ ಸರ್ಕಾರದ ಜೊತೆ ಕೈ ಜೋಡಿಸಬೇಕು ಎಂದರು.

ಉಪ ಅರಣ್ಯ ಸಂರಕ್ಷಣಾಧಿಕಾರಿ ಮಲ್ಲಿಕಾರ್ಜುನ್‌ ಪ್ರಾಸ್ತಾವಿಕ ಭಾಷಣ ಮಾಡುತ್ತಾ, ಮಾತನಾಡಿ,1973ರಿಂದ ವಿಶ್ವ ಸಂಸ್ಥೆ ಹಾಗೂ ರಾಷ್ಟ್ರೀಯ ಅರಣ್ಯ ನೀತಿ ಪ್ರಕಾರ ಜೂ.5ರಂದು ವಿಶ್ವ ಪರಿಸರ ದಿನಾಚರಣೆ ಆಚರಿಸುತ್ತೇವೆ. ಈ ಸಲ ಪ್ಲಾಸ್ಟಿಕ್‌ ಮುಕ್ತ ಪರಿಸರ ಎಂಹ ಧ್ಯೇಯ ವಾಕ್ಯವಾಗಿದೆ. ಅರಣ್ಯ ನೀತಿಯ ಪ್ರಕಾರ ಭೂ ಭಾಗದ ಶೇ.33 ರಷ್ಠು ಅರಣ್ಯವಿರಬೇಕಿದ್ದು, ಶೇ.21ರಷ್ಠು ಮಾತ್ರ ಅರಣ್ಯವಿದೆ. ಇದಕ್ಕಾಗಿ ಪ್ರತಿ ವರ್ಷ ರೈತರಿಗೆ,ಕೃಷಿಕರಿಗೆ ಹಾಗೂ ಸಾರ್ವಜನಿಕರಿಗೆ ಸರ್ಕಾರಿ ಜಾಗಗಳಲ್ಲಿ ಅರಣ್ಯ ಬೆಳಸಲು ಸಸಿಗಳನ್ನು ವಿತರಿಸುತ್ತಿದ್ದೇವೆ.ಹಾಗಾಗಿ ಕಾಡು ಬೆಳಸುವುದು ಎಲ್ಲರ ಹೊಣೆ ಎಂದರು.