ರೈತರು ವೈಜ್ಞಾನಿಕ ಶಿಫಾರಸು ಅಳವಡಿಸಿಕೊಂಡು ಗೊಬ್ಬರ ಬಳಸಿ

ಕನ್ನಡಪ್ರಭ ವಾರ್ತೆ ಚಾಮರಾಜನಗರ

ಬೆಂಗಳೂರು ಕೃಷಿ ವಿವಿ ಮತ್ತು ಚಾಮರಾಜನಗರ ಕೃಷಿ ವಿಜ್ಞಾನ ಕೇಂದ್ರ ಸಹಯೋಗದಲ್ಲಿ ಮುತ್ತಿಗೆ ಗ್ರಾಮದಲ್ಲಿ ರಿವಾರ್ಡ್ ಯೋಜನೆಯಡಿ ಅರಿಶಿಣ ಬೆಳೆಯಲ್ಲಿ ಭೂ ಸಂಪನ್ಮೂಲ ಸಮೀಕ್ಷೆ ಆಧಾರಿತ ರಸಗೊಬ್ಬರಗಳ ಬಳಕೆಯ ಪ್ರಾತ್ಯಕ್ಷಿಕೆಗಳ ಕ್ಷೇತ್ರೋತ್ಸವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ವೈಜ್ಞಾನಿಕ ಶಿಫಾರಸ್ಸಿನಂತೆ ರಸಗೊಬ್ಬರ ಬಳಸಿದರೆ ಮಣ್ಣು, ನೀರು ಮತ್ತು ಬೆಳೆ ಪರಿಸರ ಕಲುಷಿತಗೊಳ್ಳದೇ ಗುಣಮಟ್ಟದ ಉತ್ಪನ್ನ ಪಡೆಯಲು ಸಹಕಾರಿಯಾಗಿ ಮಾರುಕಟ್ಟೆಯಲ್ಲಿ ಉತ್ತಮ ಧಾರಣೆ ದೊರೆಯುವ ಸಂಭವ ಹೆಚ್ಚಾಗಿರುತ್ತದೆ ಎಂದು ತಿಳಿಸಿದರು.

ಪ್ರಾಸ್ತಾವಿಕವಾಗಿ ಮಾತನಾಡಿದ ರಿವಾರ್ಡ್‌ ಯೋಜನೆ ಮುಖ್ಯಸ್ಥ ಡಾ.ಸತೀಶ್‌, ಯೋಜನೆಯಿಂದ ಅನುಷ್ಠಾನಗೊಂಡಿರುವ ಪ್ರಾತ್ಯಕ್ಷಿಕೆಗಳ ವಿವರಣೆ ನೀಡಿ ಭೂ ಸಂಪನ್ಮೂಲ ಆಧಾರಿತ ಮಾಹಿತಿಯ ಕ್ರೋಢೀಕರಣ, ವಿಶ್ಲೇಷಣೆ ಹಾಗೂ ಅದರಿಂದ ಹೊರಬಂದ ವರದಿಯ ಕ್ಷೇತ್ರ ಮಟ್ಟದ ಉಪಯೋಗಗಳ ಬಗ್ಗೆ ತಿಳಿಸಿಕೊಟ್ಟರು.

ಕೃಷಿ ಅಧಿಕಾರಿ ಜಯಶಂಕರ ಮಾತನಾಡಿ, ತಮ್ಮಲ್ಲಿ ಕಂಡುಬರುವ ವ್ಯವಸಾಯ ಸಂಬಂಧಿತ ಸಮಸ್ಯೆಗಳನ್ನು ವಿಜ್ಞಾನಿಗಳು ಹಾಗೂ ಅಧಿಕಾರಿಗಳೊಂದಿಗೆ ತಿಳಿಸಿ ಪರಿಹಾರಗಳನ್ನು ಪಡೆದುಕೊಳ್ಳಬೇಕೆಂದು ಕರೆ ನೀಡಿದರು. ವೈಜ್ಞಾನಿಕ ಶಿಫಾರಸ್ಸಿನಂತೆ ರಸಗೊಬ್ಬರ ಬಳಸಿದರೆ ಮಣ್ಣು, ನೀರು ಮತ್ತು ಬೆಳೆ ಪರಿಸರ ಕಲುಷಿತಗೊಳ್ಳದೇ ಗುಣಮಟ್ಟದ ಉತ್ಪನ್ನ ಪಡೆಯಲು ಸಹಕಾರಿಯಾಗಿ ಮಾರುಕಟ್ಟೆಯಲ್ಲಿ ಉತ್ತಮ ಧಾರಣೆ ದೊರೆಯುವ ಸಂಭವ ಹೆಚ್ಚಾಗಿರುತ್ತದೆ ಎಂದರು.

ಪ್ರಗತಿಪರ ರೈತ ಶಾಂತಪ್ಪನವರು ಯೋಜನೆಯು ರೈತರಿಗೆ ಬಹಳ ಸಹಕಾರಿಯಾಗಿದ್ದು ರೈತರು ಇದಕ್ಕೆ ಸ್ಪಂದಿಸಿ, ಯಶಸ್ವಿಗೊಳಿಸಬೇಕೆಂದು ಕರೆ ನೀಡಿದರು. ಫಲಾನುಭವಿ ರೈತ .ರೇವಣ್ಣ ಮಾತನಾಡಿ, ಶಿಫಾರಸ್ಸಿನಂತೆ ಬೆಳೆಗಳಿಗೆ ರಸಗೊಬ್ಬರ ಒದಗಿಸಲಾಗಿದೆ, ಬೆಳವಣಿಗೆ ಚೆನ್ನಾಗಿ ಕಂಡುಬಂದಿದ್ದು ಉತ್ತಮ ಇಳುವರಿಯ ನಿರೀಕ್ಷೆಯಲ್ಲಿದ್ದೇನೆ ಎಂದರು. ಕಾರ್ಯಕ್ರಮದ ಪ್ರಯುಕ್ತ ಮಾದರಿ ಅರಿಶಿಣ ಪ್ರಾತ್ಯಕ್ಷಿಕೆ ತಾಕುಗಳನ್ನು ವೀಕ್ಷಿಸಲಾಯಿತು.