ಸ್ತ್ರೀ ಸ್ವಾವಲಂಬಿ ಜೀವನ ಸಮಾಜಕ್ಕೆ ಆದರ್ಶ: ಪನ್ವಾರ

ಕನ್ನಡಪ್ರಭ ವಾರ್ತೆ ಯಾದಗಿರಿ

ನಗರದ ಎಸ್‌ಡಿಎನ್ ಹೋಟೆಲ್‌ನಲ್ಲಿ ಜೆಸ್ಕಾಂ ಹಾಗೂ ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ ನಿಯಮಿತ ಹಾಗೂ ಮಹಿಳಾ ನೌಕರರ ಸಹಯೋಗದಲ್ಲಿ ನಡೆದ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಸ್ತ್ರೀಯು ಕೇವಲ ಸಂಸಾರದ ಜವಾಬ್ದಾರಿ ಹೊತ್ತರೆ ಸಾಲದು, ಅವರು ಕೂಡ ಸಮಾಜದ ಕಡೆಗೆ ಮುಖ ಮಾಡಬೇಕು ಎಂದರು.

ಮಹಿಳೆಯೂ ಪ್ರತಿಯೊಂದು ರೂಪದಲ್ಲಿ ಗಂಡಿಗೆ ಬಾಲ್ಯದಲ್ಲಿ ಗೆಳತಿಯಾಗಿ, ಸಹೋದರಿಯಾಗಿ, ಶಾಲಾ ಹಂತದಲ್ಲಿ ಶಿಕ್ಷಣ ನೀಡುವ ಶಿಕ್ಷಕಿಯಾಗಿ, ಬೇಕು-ಬೇಡ ನೋಡುವ ಗೃಹಿಣಿ ರೂಪದ ಧರ್ಮಪತ್ನಿಯಾಗಿ ನಮ್ಮ ಸಾವಿನಲ್ಲೂ ಜಾಗ ನೀಡುವ ಭೂಮಿತಾಯಿಯಾಗಿ ಜೊತೆಯಾಗಿ ನಿಲ್ಲುವಳು ಹೆಣ್ಣು ಎಂದರು.

ಜೆಸ್ಕಾಂ ಕಾರ್ಯನಿರ್ವಾಹಕ ಅಭಿಯಂತರ ರಾಘವೇಂದ್ರ.ಡಿ ಮಾತನಾಡಿದರು. ಕಾರ್ಯನಿರ್ವಾಹಕ ಅಭಿಯಂತರರು ಮುಮತಾಜ್, ಚಂದ್ರಕಾಂತ ಕಾಂಬ್ಳೆಕರ್, ಶ್ವೇತಾ ದಾಸನಕೇರಿ, ಶೀಲಾ ಸೇರಿ ಸಿಬ್ಬಂದಿ ಇದ್ದರು. ಸುಭಾಶ್ಚಂದ್ರ ಕೌಲಗಿ ನಿರೂಪಿಸಿದರು.