ಗಣಪತಿ ವಿಗ್ರಹಗಳಿಗೆ ಅಂತಿಮ ಸ್ಪರ್ಶ

ಪರಿಸರ ಸ್ನೇಹಿ ಮಣ್ಣಿನ ಗಣಪನಿಗೆ ಹೆಚ್ಚಿದ ಬೇಡಿಕೆ

ಕನ್ನಡಪ್ರಭ ವಾರ್ತೆ ಸಂಡೂರು

ಸಂಡೂರಿನಲ್ಲಿ ನಾಲ್ಕೈದು ಕುಟುಂಬಗಳು ವಂಶಪಾರಂಪರ್ಯವಾಗಿ ಗಣೇಶನ ವಿಗ್ರಹ ತಯಾರಿಸಿ ಮಾರಾಟ ಮಾಡುತ್ತಾರೆ. ಕೆಲವರು ಇತರೆಡೆಗಳಿಂದ ಗಣೇಶನ ವಿಗ್ರಹ ತಂದು ಮಾರಾಟ ಮಾಡುತ್ತಾರೆ.

ಇತ್ತೀಚಿನ ವರ್ಷಗಳಲ್ಲಿ ಪರಿಸರಸ್ನೇಹಿ ಮೂರ್ತಿ ಪ್ರತಿಷ್ಠಾಪನೆ ಕುರಿತಂತೆ ಜಾಗೃತಿ ಕಾರ್ಯಕ್ರಮ ನಡೆಯುತ್ತಿರುವುದರಿಂದ ಪರಿಸರಸ್ನೇಹಿಯಾದ ಮಣ್ಣಿನ ಗಣಪನಿಗೆ ವರ್ಷದಿಂದ ವರ್ಷಕ್ಕೆ ಬೇಡಿಕೆ ಹೆಚ್ಚುತ್ತಿದೆ. ಹಲವರು ಪರಿಸರಕ್ಕೆ ಪೂರಕವಾದ ಬಣ್ಣಗಳನ್ನು ಬಳಸಲು ಆರಂಭಿಸಿದ್ದಾರೆ. ಕೆಲವರು ಬಣ್ಣದ ಲೇಪನವಿಲ್ಲದ ಮಣ್ಣಿನ ಗಣಪನ ಮೂರ್ತಿಯನ್ನು ಖರೀದಿಸಿ, ಪೂಜಿಸಲು ಮುಂದಾಗುತ್ತಿರುವುದು ಪರಿಸರ ಸಂರಕ್ಷಣೆಯ ದೃಷ್ಟಿಯಿಂದ ಉತ್ತಮ ಬೆಳವಣಿಗೆಯಾಗಿದೆ.

ನಮ್ಮಲ್ಲಿ ೬ ಇಂಚಿನಿಂದ ೭ ಅಡಿಯ ವರೆಗೆ ಹಾಗೂ ₹೮೦ರಿಂದ ₹೧೮೦೦೦ದ ವರೆಗಿನ ಗಣೇಶನ ಮೂರ್ತಿಗಳು ದೊರೆಯುತ್ತವೆ. ಈಗಾಗಲೇ ಸುಮಾರು ೮೦೦ ಗಣೇಶನ ಮೂರ್ತಿ ತಯಾರಿಸಿದ್ದೇವೆ. ಹಲವರು ಅಡ್ವಾನ್ಸ್ ಆಗಿ ತಮಗಿಷ್ಟವಾದ ಮೂರ್ತಿಗಳನ್ನು ಬುಕ್ ಮಾಡಿ ಹೋಗಿದ್ದಾರೆ. ಕೆಲವರು ಬಂದು ವಿಗ್ರಹಗಳನ್ನು ವೀಕ್ಷಿಸಿ, ದರವನ್ನು ಕೇಳಿಕೊಂಡು ಹೋಗುತ್ತಿದ್ದಾರೆ. ಗ್ರಾಹಕರು ಎರಡು ತಿಂಗಳು ಮುಂಚಿತವಾಗಿ ತಿಳಿಸಿದರೆ, ಅವರು ತಿಳಿಸಿದ ಮಾದರಿಯಲ್ಲಿ ಗಣೇಶನ ಮೂರ್ತಿಗಳನ್ನು ತಯಾರಿಸಿ ಕೊಡುತ್ತೇವೆ ಎಂದರು.