ಕೀಲು ಕುದುರೆ ಬಸವರಾಜುಗೆ ಒಲಿದ ಜಾನಪದ ಅಕಾಡೆಮಿ ಪ್ರಶಸ್ತಿ

- 30 ವರ್ಷಗಳ ಸತತ ಕಲಾಸೇವೆಗೆ ಸಂದ ಗೌರವ । ತಾತ, ತಂದೆಯಿಂದ ಕಲಿತ ವಿದ್ಯೆ ನಿರಂತರ ಪ್ರದರ್ಶನ

ರಾಜು ಜಿ.ಎಚ್. ಹೊನ್ನಾಳಿ

ಪ್ರಶಸ್ತಿ, ಗೌರವಗಳಿಗಾಗಿ ಕೆಲವರು ರಾಜಕಾರಣಿಗಳು, ಸಂಘ-ಸಂಘಟನೆಗಳ ಬೆನ್ನುಬೀಳುತ್ತಾರೆ. ಇನ್ನೂ ಕೆಲವರು ಪ್ರಶಸ್ತಿ-ಸನ್ಮಾನಗಳು ಶ್ರಮ-ಪ್ರತಿಭೆಗೆ ತಕ್ಕಂತೆ ತಾವಾಗೇ ಅರಸಿ ಬರಬೇಕು ಎಂದು ನಿರಂತರ ಕಾಯಕದಲ್ಲಿ ತೊಡಗಿರುತ್ತಾರೆ. ಇಂತಹ ಕಾಯಕಯೋಗಿಗಳ ಸಾಲಿನಲ್ಲಿ ತಾಲೂಕಿನ ನರಸಗೊಂಡನಹಳ್ಳಿಯ ಕೀಲು ಕುದುರೆ ಕಲಾವಿದ ಬಸವರಾಜು ಕೂಡ ಒಬ್ಬರು. ಇವರ ಕಲಾರಾಧನೆ ಪರಿಗಣಿಸಿ 2026-2027ನೇ ಸಾಲಿನ ಕರ್ನಾಟಕ ರಾಜ್ಯ ಜಾನಪದ ಅಕಾಡೆಮಿ ನೀಡುವ ಪ್ರಶಸ್ತಿ ದೊರೆತಿದೆ.

ಪಿಯುಸಿವರೆಗೆ ವಿದ್ಯಾಭ್ಯಾಸ ಮಾಡಿದ ಬಸವರಾಜು ಕೀಲು ಕುದುರೆ ಕಲೆ ಜೊತೆಯಲ್ಲೇ ಪುರುವಂತಿಕೆ ಕಲೆಯಲ್ಲೂ ಪ್ರಖ್ಯಾತಿ ಪಡೆದಿದ್ದಾರೆ. ಕಿತ್ತೂರು ಉತ್ಸವ ಹಾಗೂ 2016ರಲ್ಲಿ ಮೈಸೂರು ದಸರಾ ಉತ್ಸವ, ಕನ್ನಡ ಸಾಹಿತ್ಯ ಪರಿಷತ್ತು ನಡೆಸುವ ಸಾಹಿತ್ಯ ಸಮ್ಮೇಳನ ಹಾಗೂ ವಿವಿಧ ಸಾರ್ವಜನಿಕ ಜಾತ್ರೆ ಹಾಗೂ ಹಬ್ಬ ಹರಿದಿನಗಳಲ್ಲಿ ಕೀಲು ಕುದುರೆ ಕಲೆಯನ್ನು ಪ್ರದರ್ಶಿಸಿ ಜನಮನ್ನಣೆ ಗಳಿಸಿದ್ದಾರೆ. ಆಂಧ್ರಪ್ರದೇಶ, ರಾಜಸ್ಥಾನ ಹಾಗೂ ಮಹಾರಾಷ್ಟ್ರಗಳಲ್ಲೂ ಕರ್ನಾಟಕದ ಕೀಲುಕುದುರೆ ಕಲೆ ಪರಿಚಯಿಸಿ, ಪ್ರದರ್ಶಿಸಿದ ಹೆಗ್ಗಳಿಗೆ ಇವರದು.

ಇಡೀ ಕುಟುಂಬ ಕಲಾವಿದರ ಕುಟುಂಬ:

ಪ್ರಶಸ್ತಿಗಳ ಸರಮಾಲೆ:

- - -

ಸುಮಾರು 30 ವರ್ಷಗಳ ಸತತ ಕಲಾ ಸೇವೆಯನ್ನು ಮಾಡಿಕೊಂಡು ಬಂದಿರುವ ಪರಿಣಾಮ ಇಂದು ತನಗೆ ರಾಜ್ಯಮಟ್ಟದ ಕರ್ನಾಟಕ ಜಾನಪದ ಅಕಾಡಮಿ ಪ್ರಶಸ್ತಿ ಸಿಕ್ಕಿದೆ. ಈ ಪ್ರಶಸ್ತಿ ಇಡೀ ನಮ್ಮ ಕುಟುಂಬಕ್ಕೆ ಸಲ್ಲುತ್ತದೆ ಎಂದು ಕನ್ನಡಪ್ರಭ ಎದುರು ನರಸಗೊಂಡನಹಳ್ಳಿಯ ಕೀಲುಕುದುರೆ ಕಲಾವಿದ ಬಸವರಾಜು ಅಭಿಮಾನದಿಂದ ಹೇಳಿದ್ದಾರೆ.

-27ಎಚ್.ಎಲ್.ಐ1: ಕೀಲು ಕುದುರೆ ವೇಷದಲ್ಲಿ ನರಸಗೊಂಡನಹಳ್ಳಿಯ ಕಲಾವಿದ ಬಸವರಾಜು.