)
)
)
ಸಾರಾಂಶ
ಕನ್ನಡಪ್ರಭ ವಾರ್ತೆ ಹಳೇಬೀಡು
ರಾಜ್ಯ ಸರ್ಕಾರದ ಆದೇಶದ ಮೇರೆಗೆ ಸೆಪ್ಟೆಂಬರ್ ತಿಂಗಳಿನಲ್ಲಿ ಉಚಿತವಾಗಿ ೧೫೭ ನಾಯಿಗಳು, ೫ ಬೆಕ್ಕುಗಳಿಗೆ ಉಚಿತ ಲಸಿಕೆ ಹಾಕಲಾಯಿತು ಎಂದು ಹಳೇಬೀಡಿನ ಪಶು ಆಸ್ಪತ್ರೆಯ ಹಿರಿಯ ವೈಧ್ಯಾಧಿಕಾರಿ ಡಾ. ಎಂ. ವಿನಯ್ ತಿಳಿಸಿದರು.ಶುಕ್ರವಾರ ಆಸ್ಪತ್ರೆಯ ಆವರಣದಲ್ಲಿ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡುತ್ತ, ರೇಬಿಸ್ ರೋಗದ ನಿರ್ಮೂಲನೆಗಾಗಿ ಸರ್ಕಾರವು ಪ್ರತಿ ವರ್ಷ ಸೆಪ್ಟೆಂಬರ್ ತಿಂಗಳಲ್ಲಿ ಉಚಿತ ಲಸಿಕೆ ಕಾರ್ಯಕ್ರಮ ಮಾಡುತ್ತ ಬಂದಿದ್ದು, ಅದರ ಜೊತೆಗೆ ಶಾಲಾ ಮಕ್ಕಳಿಗೆ ಈ ರೇಬಿಸ್ (ಹುಚ್ಚು ನಾಯಿ ರೋಗ)ದ ಮಾಹಿತಿ ನೀಡಿ, ಇದು ಅತೀ ಮುಖ್ಯವಾದ ಮಾರಣಾಂತಿಕ ರೋಗವಾಗಿದ್ದು ಸೂಕ್ತ ಮುಂಜಾಗ್ರತೆ ವಹಿಸಿ ಲಸಿಕೆ ಹಾಕಿಸುವುದರಿಂದ ಈ ರೋಗವನ್ನು ತಡೆಗಟ್ಟಬಹುದು ಎಂದು ತಿಳಿಸಿದ್ದೇವೆ. ರಾಜ್ಯದ ಎಲ್ಲಾ ಪಶು ಆಸ್ಪತ್ರೆಗಳಲ್ಲಿ ಈ ಲಸಿಕೆ ಲಭ್ಯವಿದೆ. ಹಳೇಬೀಡು ಹೋಬಳಿಯಲ್ಲಿ ಸುಮಾರು ೩೫೦ ನಾಯಿಗಳ ಗಣತಿ ದೊರತಿದೆ, ಅದರಲ್ಲಿ ಹಳೇಬೀಡಿನ ವ್ಯಾಪ್ತಿಯಲ್ಲಿ ೧೬೦ ನಾಯಿಗಳು ಇವೆ. ಇಂದು ಶೇ೯೯% ಲಸಿಕೆಯಾಗಿದ್ದು, ಮುಧೋಳ್ ನಾಯಿ-೧೯, ನಾಟಿ-೧೫, ಡ್ಯಾಶ್ ಹಂಡ್-೩೧, ಲ್ಯಾಬ್ರಡೂರ್-೧೩, ಜರ್ಮನ್ ಶೆಪರ್ಡ್‌-೧೫,ರಾಟ್ ವೀಲರ್-೮,ಸಿಟ್ಜ್-೧೧, ಗೋಲ್ಡನ್ ರಿಟ್ರವೈರ್, ಪೊಮೇರಿಯನ್-೯, ಪಿಟ್‌ಬುಲ್-೪,ಪಗ್-೪, ದಾಲ್ ಮೇಷಿಯನ್-೨, ಮಿಶ್ರತಳಿ-೧೨ ಇದ್ದು, ಹೋಬಳಿ ಮಟ್ಟದಲ್ಲಿ ಹೆಚ್ಚು ನಾಯಿಗಳ ಸಂಖ್ಯೆ ಕಂಡುಬಂದಿದೆ ಎಂದು ತಿಳಿಸಿದ್ದಾರೆ. ನಮ್ಮ ಹೋಬಳಿಯ ಯಾವುದೇ ಗ್ರಾಮಗಳಲ್ಲಿ ನಾಯಿಗಳಿಗೆ ಲಸಿಕೆ ಹಾಕಲಾಗುವುದು ಎಂದು ತಿಳಿಸಿದರು.
ಬೀದಿ ನಾಯಿಗಳ ಬಗ್ಗೆ ಯಾವ ರೀತಿ ಲಸಿಕೆಯನ್ನು ಹಾಕುತ್ತೀರಾ ಎಂಬ ಪ್ರಶ್ನೆಗೆ, ಗ್ರಾಮ ಪಂಚಾಯಿತಿಯವರು ಅದರ ಜವಾಬ್ದಾರಿಯನ್ನು ತೆಗೆದುಕೊಂಡು ನಮ್ಮ ಆಸ್ಪತ್ರೆಗೆ ಕರೆತಂದರೆ ಮುಂದಿನ ದಿನಗಳಲ್ಲಿ ಉಚಿತ ಲಸಿಕೆಯನ್ನು ಹಾಕಲಾಗುವುದು ಎಂದು ತಿಳಿಸಿದರು.ಈ ಸಂದರ್ಭದಲ್ಲಿ ಜಾನುವಾರು ಅಧಿಕಾರಿ ಶಂಕರ್ ನಾಯ್ಕ್, ಕಿರಿಯ ಪಶುವೈಧ್ಯಾಧಿಕಾರಿ ಶರತ್, ಸ್ಥಳೀಯರು ಹಾಜರಿದ್ದರು.
------ಫೋಟೋ ಶೀರ್ಷಿಕೆ:20ಎಚ್ಎಸ್ಎನ್5 : ಹಳೇಬೀಡಿನ ಪಶು ಆಸ್ಪತ್ರೆಯಲ್ಲಿ ಉಚಿತ ರೇಬಿಸ್ ಲಸಿಕೆ ಹಾಗೂ ಅರಿವು ಕಾರ್ಯಕ್ರಮವನ್ನು ಲಸಿಕೆ ಹಾಕುವ ಮೂಲಕ ಡಾ. ವಿನಯ್ ಉದ್ಘಾಟಿಸಿದರು.
;Resize=(128,128))
;Resize=(128,128))
;Resize=(128,128))
;Resize=(128,128))
;Resize=(128,128))