ಗರ್ಭಕಂಠ ಕ್ಯಾನ್ಸರ್ ತಡೆಗೆ ಪ್ರತಿ ಹೆಣ್ಣು ಮಗುವಿಗೂ ಉಚಿತ ಲಸಿಕೆ-ಶಾಸಕ ಜಿಎಸ್ಪಿ

ರೋಣ: ಗಂಭಕಂಠ ಕ್ಯಾನ್ಸರ್‌ನಿಂದ ಉಂಟಾಗುವ ಮಹಿಳೆಯರ ಸಾವು ತಪ್ಪಿಸುವಲ್ಲಿ ಪ್ರತಿ ಹೆಣ್ಣು ಮಗುವಿಗೂ ಎಚ್.ಪಿ.ವಿ ಲಸಿಕೆ (ವ್ಯಾಕ್ಸಿನೇಷನ್) ಹಾಕಿಸುವುದು ಅತೀ ಮುಖ್ಯವಾಗಿದ್ದು, ಈ ದಿಶೆಯಲ್ಲಿ ರೋಣ ತಾಲೂಕು ಹಾಗೂ ಮತಕ್ಷೇತ್ರದ ಪ್ರತಿಯೊಂದು ಹೆಣ್ಣು ಮಗುವಿಗೂ ಆ.1ರಿಂದ ಉಚಿತವಾಗಿ ಆರೋಗ್ಯ ಲಸಿಕೆ ಹಾಕುವ ಆಂದೋಲನ ಪ್ರಾರಂಭಗೊಳ್ಳಲಿದೆ ಎಂದು ಶಾಸಕ‌ ಜಿ.ಎಸ್. ಪಾಟೀಲ ಹೇಳಿದರು.

ಗರ್ಭಕೋಶ ಕ್ಯಾನ್ಸರ್‌ನಿಂದ ದೇಶದಲ್ಲಿ ಪ್ರತಿ 8 ನಿಮಿಷಕ್ಕೆ‌ ಒಬ್ಬ ಮಹಿಳೆಯ ಸಾವ ಸಂಭವಿಸುತ್ತಿದೆ ಎಂಬ ಆರೋಗ್ಯ ಇಲಾಖೆಯಿಂದ ದೃಢಪಟ್ಟಿದ್ದು, ಇದನ್ನು ತಡೆಗಟ್ಟುವಲ್ಲಿ ಎಚ್.ಪಿ.ವಿ ಲಸಿಕೆ ಕಂಡು ಹಿಡಿಯಲಾಗಿದೆ. ಈ ಲಸಿಕೆಯು ಅತ್ಯಂತ ಸುರಕ್ಷಿತವಾಗಿದೆ.ಆರೋಗ್ಯದ ಮೇಲೆ ಯಾವುದೇ ರೀತಿಯಿಂದ ಅಡ್ಡಪರಿಣಾಮ ಬೀರುವದಿಲ್ಲ. 9 ವರ್ಷದಿಂದ 14 ವರ್ಷದ ಹೆಣ್ಣು ಮಗುವಿಗೆ ಗರ್ಭಕೋಶ ಕ್ಯಾನ್ಸರ್ ತಡೆಗೆ ಎಚ್.ಪಿ.ವಿ. ಲಸಿಕೆ ಹಾಕಿಸಬೇಕು. ಈ ಲಸಿಕೆಗೆ ಹೊರಗಡೆ ₹ 2830 ಬೆಲೆಯಿದೆ. ಆದರೆ ಎಸ್.ಆರ್.ಪಾಟೀಲ‌ ಪ್ರತಿಷ್ಠಾನ ಮತ್ತು ಆರೋಗ್ಯ ಇಲಾಖೆ ವತಿಯಿಂದ‌‌ ಎಚ್.ಪಿ.ವಿ ಲಸಿಕೆಯನ್ನು ಉಚಿತವಾಗಿ ಹಾಕಿಸಲಾಗುವುದು. ರೋಣ ತಾಲೂಕಿನ ಸರ್ಕಾರಿ, ಅನುದಾನಿತ, ಖಾಸಗಿ ಶಾಲೆಗಳಲ್ಲಿನ 9ರಿಂದ 14 ವರ್ಷದ ಒಟ್ಟು 9000 ಹೆಣ್ಣು ಮಕ್ಕಳಿಗೆ ಎಚ್.ಪಿ.ವಿ ಲಸಿಕೆ ಹಾಕಿಸುವ ಗುರಿ ಹೊಂದಲಾಗಿದೆ. ಲಸಿಕೆ ಆಂದೋಲನಕ್ಕೆ ಜು.30ರಂದು ರೋಣ ಪಟ್ಟಣದ ರಾಜೀವಗಾಂಧಿ ಗಾಂಧಿ ಆಯುರ್ವೇದಿಕ್ ಆಸ್ಪತ್ರೆಯಲ್ಲಿ ಚಾಲನೆ ನೀಡಲಾಗುವದು.‌ಆ. 1ರಿಂದ ವೈದ್ಯರ ತಂಡ ಪ್ರತಿ ಶಾಲೆಗೆ ತೆರಳಿ ಗರ್ಭಕೋಶ ಕ್ಯಾನ್ಸರ್ ತಡೆ ಎಚ್.ಪಿ.ವಿ ಲಸಿಕೆ(ವ್ಯಾಕ್ಸಿನೇಷನ್‌) ಹಾಕಲಾಗುವದು. ಲಸಿಕೆ ಹಾಕುವ ತಂಡವು ಆಯಾ ಶಾಲೆಗಳಿಗೆ, ಶಾಲೆಗಳ ಮೂಲಕ ಪಾಲಕರು ಮುಂಗಡವಾಗಿ ತಿಳಿಸಲಾಗುತ್ತದೆ. ಲಸಿಕೆ ಅತ್ಯಂತ ಸುರಕ್ಷಿತವಾಗಿದ್ದು, ಪಾಲಕರು ತಮ್ಮ‌ ಮಕ್ಕಳಿಗೆ ಈ ಲಸಿಕೆ ಹಾಕಿಸುವಲ್ಲಿ ಮುಂದಾಗಬೇಕು. ಜು. 30 ರಂದು ಜರುಗುವ ಲಸಿಕೆ ಆಂದೋಲನ ಚಾಲನೆ‌ ದಿನದಂದು ಸ್ವತಃ ನಾನೇ ನನ್ನ ಮೊಮ್ಮಗಳಿಗೆ ಈ ಲಸಿಕೆ ಹಾಕಿಸುತ್ತನೆ. ಅತ್ಯಂತ ಸುರಕ್ಷಿತ ಲಸಿಕೆ ಇದಾಗಿದ್ದು, ಯಾವುದೇ ರೀತಿಯಲ್ಲಿ ಪಾಲಕರು ಭಯಪಡದೇ ಹೆಣ್ಣು ಮಗುವಿಗೆ ಲಸಿಕೆ ಹಾಕಿಸಬೇಕು ಎಂದರು.

ಎಚ್.ಪಿ.ವಿ ವ್ಯಾಕ್ಸಿನೇಷನ್ (ಲಸಿಕೆ) ರಕ್ಷಣೆ ನೀಡುವದು. ಶಾಸಕರು ರೋಣ ತಾಲೂಕು ಸೇರಿದಂತೆ ರೋಣ ಮತಕ್ಷೇತ್ರದ ಎಲ್ಲಾ ಶಾಲೆ ಹೆಣ್ಣು ಮಕ್ಕಳಿಗೆ ಆರೋಗ್ಯದ ಹಿತದೃಷ್ಡಿಯಿಂದ ಪ್ರತಿಯೊಂದು ಲಸಿಕೆ ಹಾಕಿಸಲು ಸೂಚಿಸಿದ್ದಾರೆ. 9ರಿಂದ 14 ವರ್ಷದೊಳಗಿನ ರೋಣ ತಾಲೂಕಿನಲ್ಲಿ 9000 ಹೆಣ್ಣು ಮಕ್ಕಳಿಗೆ ಲಸಿಕೆ ನೀಡಲಾಗುವದು.