ಸುವರ್ಣನ್ಯೂಸ್ ಮತ್ತು ಕನ್ನಡಪ್ರಭದಿಂದಭಾವಕವಿಗೆ ಭಾವುಕ ಮಾತು: ಗೀತೆ ನಮನ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಬನಶಂಕರಿಯ ಬಿಎನ್‌ಎಂ ಎಂಜಿನಿಯರಿಂಗ್ ಕಾಲೇಜಿನ ಸಭಾಂಗಣದಲ್ಲಿ ಆಡ್ 6 ಹಾಗೂ ಸೈಡ್ ವೇಯ್ಸ್ 6 ಸಹಯೋಗದಲ್ಲಿ ನಡೆದ ಗಾನ ನಮನದಲ್ಲಿ ನೂರಾರು ಮಂದಿ ಸೇರಿ ಭಾವ ಗೀತೆ, ಮಾತು ಕೇಳುತ್ತಾ ಭಾವುಕರಾದರು. ಗಾಯಕ ರಾಮಚಂದ್ರ ಹಡಪದ್ ಮತ್ತು ಗಾಯಕಿ ನಾಗಚಂದ್ರಿಕಾ ಭಟ್ ಅವರ ತಂಡ ಎಚ್‌ಎಸ್‌ವಿ ಅವರ ಜನಪ್ರಿಯ ಹಾಡುಗಳನ್ನು ಹಾಡಿ ಕೃಷ್ಣ ಕವಿಗೆ ನಮಿಸಿದರು.

ರಾಘವೇಂದ್ರ ಕಾಂಚನ್ ಹಾಗೂ ಭಾವನಾ ನಾಗಯ್ಯ ಅವರು ಕಾವ್ಯದ ಹಿಂದಿನ ಕತೆ, ಒಡನಾಟದ ಘಳಿಗೆಗಳನ್ನು ಹೇಳುತ್ತಾ ಇಡೀ ಕಾರ್ಯಕ್ರಮ ನಿರೂಪಿಸಿದ್ದು ಎಲ್ಲರನ್ನೂ ಹಿಡಿದಿಟ್ಟಿತು.

ಧಾರಾವಾಹಿಗಳು ಜನಪ್ರಿಯ: ಟಿಎನ್‌ಎಸ್

ಮತದಾನ ಹಾಗೂ ಮುಕ್ತ ಧಾರಾವಾಹಿಗೆ ಕಾವ್ಯ ಬರೆದುಕೊಟ್ಟ ಘಳಿಗೆ ಸ್ಮರಿಸುತ್ತಾ, ಎಚ್‌ಎಸ್‌ವಿ ದುಃಖ ಮತ್ತು ನೋವಿನ ಬಿಡುಗಡೆಗಾಗಿ ಬರೆದರು ಎಂದು ವ್ಯಾಖ್ಯಾನಿಸಿದರು. ಸಿ.ಅಶ್ವತ್ಥ್ , ಎಚ್ಎಸ್ವಿ ಹಾಗೂ ನನಗಾಗಿ ಅನೇಕ ಒಳ್ಳೆ ಹಾಡು ಹುಟ್ಟಿದವು. ಅವರ ನಿಧನದಿಂದ ನನಗೆ ತುಂಬಾ ನಷ್ಟವಾಗಿದೆ. ಇನ್ಮುಂದೆ ಯಾರಿಂದ ಬರೆಯಿಸಲಿ. ಮತ್ತೆ ಹುಟ್ಟಿದರೆ ನಿಮ್ಮನ್ನು ಒಡನಾಡುವ ಅವಕಾಶ ಸಿಗಲಿ ಎನ್ನುತ್ತಾ ಭಾವುಕ ಮಾತು ಮುಗಿಸಿದರು.

----------

- ರವಿ ಹೆಗಡೆ, ಪ್ರಧಾನ ಸಂಪಾದಕರು, ಏಷ್ಯಾನೆಟ್ ಸುವರ್ಣ ನ್ಯೂಸ್ ಮತ್ತು ಕನ್ನಡಪ್ರಭ

ವಿಷಾದಕ್ಕೆ, ಒಂಟಿತನಕ್ಕೆ ಹೀಗೆ ಒಂದೊಂದು ಭಾವಕ್ಕೂ ಹಾಡು ಕೊಟ್ಟವರು ಎಚ್ಎಸ್ವಿ. ಭಾವಗೀತೆಯ ತೇರನೆಳೆದವರು. ನಮ್ಮ ಎಲ್ಲ ಭಾವನೆಗೂ ಶಬ್ದ ಕೊಟ್ಟವರು. ಕವಿ ಬದುಕಿರೋದೆ ಅವರ ಕಾವ್ಯಗಳಿಂದ. ಅವರು ಮತ್ತೆ‌ ಮತ್ತೆ ಜೀವಂತರಾಗಿರುತ್ತಾರೆ.

---------

- ಡಾ. ಮಂಜುನಾಥ್, ಸಂಸದರು

ಕುಗ್ರಾಮದಲ್ಲಿ ಹುಟ್ಟಿ ದೊಡ್ಡ ಕವಿಯಾಗುವ ಸಂಕಲ್ಪ ಬಲದಿಂದ ಬೆಳೆದವರು ಎಚ್‌ಎಸ್‌ವಿ. ಮೊದಲಿಂದ ದೊಡ್ಡ ಕವಿಯಾಗೋ ಆಸೆಯಿಂದಲೇ ಶ್ರಮ ಹಾಕಿದವರು. ಅವರಿಗೆ ಚಳವಳಿ ಬೆಂಬಲ ಇರಲಿಲ್ಲ. ಗಾಡ್ ಫಾದರ್ ಇರಲಿಲ್ಲ. ಅವರ ಸಾಲುಗಳನ್ನು ಹಾಡುತ್ತಾ ಎಸ್ಪಿಬಿ ಅಂತಹವರು ಕಣ್ಣೀರಾಗಿದ್ದರು. ಒಬ್ಬರನೊಬ್ಬರು ವಿಮರ್ಶಿಸುತ್ತಾ ಬೆಳೆದವರು ನಾವು.

-----------

- ಜೋಗಿ, ಲೇಖಕರು ಹಾಗೂ ಕನ್ನಡಪ್ರಭ ಪುರವಣಿ ಸಂಪಾದಕರು

ನಾನು ಕವಿ ಅಲ್ಲದಿದ್ದರೂ ಎಚ್ಎಸ್‌ವಿ ಅವರ ಒಡನಾಡಿಯಾಗಿದ್ದೆ. ಅವರ ಕಾವ್ಯಗಳನ್ನು ರಾಷ್ಟ್ರ ಮತ್ತು ಅಂತಾರಾಷ್ಟ್ರೀಯ ಮಟ್ಟಕ್ಕೆ ತಲುಪಿಸಿದ ತೃಪ್ತಿ ಇದೆ. ಏನೇ ಬರೆದುಕೊಡಿ ಅಂದ್ರೂ ದುಡ್ಡು ಕೇಳದೆ ಕೆಲಸ ಮಾಡಿಕೊಡುತ್ತಿದ್ದರು.

-----

- ಎಂ.ಎಸ್ ಮೂರ್ತಿ, ಖ್ಯಾತ ಚಿತ್ರಕಲಾವಿದರು

ಇಷ್ಟುಕಾಲ ಒಟ್ಟಿಗಿದ್ದು

ಕಾವ್ಯದ ಸಾಂಗತ್ಯದಲ್ಲಿ

ಉಳಿಸಿ ಹೋದರು ಕವಿ

ಅಚ್ಚಳಿಯದ ಗುರುತು

-----------

ಹಿರಿಯ ಕವಿ ಎಚ್.ಎಸ್ ವೆಂಕಟೇಶಮೂರ್ತಿ ಅವರ ಗೌರವಾರ್ಥ ‘ಕನ್ನಡಪ್ರಭ’ ಮತ್ತು ಏಷ್ಯಾನೆಟ್‌ ಸುವರ್ಣ ನ್ಯೂಸ್‌ ವತಿಯಿಂದ ‘ಇಷ್ಟುಕಾಲ ಒಟ್ಟಿಗಿದ್ದು...’ ಗಾನನಮನ ಕಾರ್ಯಕ್ರಮ ನಡೆಯಿತು.