ಗಣೇಶಯ್ಯ ಕೃತಿಗಳನ್ನು ಪತ್ತೇದಾರಿ ಕಾದಂಬರಿಯಂತೆ ನಿರೂಪಿಸುತ್ತಾರೆ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ಸಮಾರಂಭದಲ್ಲಿ ಡಾ। ಕೆ.ಎನ್‌.ಗಣೇಶಯ್ಯ ಅವರ ಮೂರು ಕೃತಿಗಳ ಲೋಕಾರ್ಪಣೆ ಸಮಾರಂಭದಲ್ಲಿ ಮಾತನಾಡಿದ ಅವರು, ಗಣೇಶಯ್ಯ ಅವರು ವಿಶಿಷ್ಟ ವೈಜ್ಞಾನಿಕ ವಿಷಯಗಳನ್ನು ಆಯ್ಕೆ ಮಾಡಿಕೊಂಡು ಅದಕ್ಕೆ ಪತ್ತೇದಾರಿ ಕಾದಂಬರಿಯ ರೂಪ ಕೊಡುವುದರಿಂದ ಕಾತರದಿಂದ ಓದಲು ಸಾಧ್ಯವಾಗುತ್ತದೆ. ನಿರೂಪಣೆ ಅದ್ಭುತವಾಗಿರುತ್ತದೆ ಎಂದರು.

‘ಇಮ್ಮಡಿ ಮಡಿಲು’ ಕಥಾಸಂಕಲನ ಮತ್ತು ‘ಅಜ್ಞಾತ ಚಿತ್ತದತ್ತ ಒಂದು ಹೆಜ್ಜೆ’ ಲೇಖನ ಸಂಕಲನದ ಕುರಿತು ಮಾತನಾಡಿದ ಕಥೆಗಾರ ಕರ್ಕಿ ಕೃಷ್ಣಮೂರ್ತಿ, ಗಣೇಶಯ್ಯ ಅವರ ಪುಸ್ತಕಗಳಲ್ಲಿ ವಿಜ್ಞಾನವಿದ್ದರೂ ವಿಜ್ಞಾನಬರಹವಲ್ಲ, ಇತಿಹಾಸವಿದ್ದರೂ ಐತಿಹಾಸಿಕ ಕತೆ-ಕಾದಂಬರಿಯಲ್ಲ. ಸಸ್ಯಲೋಕದ ವಿಸ್ಮಯ, ಪ್ರಾಣಿಲೋಕದ ದ್ವಂದ್ವಗಳಿವೆ. ಆಧ್ಯಾತ್ಮವಿದೆ, ಅಂತರಾತ್ಮವಿದೆ. ವ್ಯಕ್ತಿಗಳ ವಿಚಾರಕ್ಕೆ ಬಂದರೆ ಅಕ್ಕಮಹಾದೇವಿ, ಬಸವಣ್ಣ, ಕುವೆಂಪು, ಶಿವರಾಮ ಕಾರಂತರು ಇದ್ದಾರೆ. ಹೀಗೆ ಅನೇಕ ವಿಭಿನ್ನ, ವಿಶಿಷ್ಟವಾದ ವಿಷಯಗಳ ಮಿಶ್ರಣ ಅಥವಾ ಒಂದು ಸಂಗ್ರಹ ಈ ಪುಸ್ತಕಗಳಲ್ಲಿ ಸಿಗುತ್ತದೆ ಎಂದು ವಿವರಿಸಿದರು.