ದರೋಡೆಕೋರರು, ಜೂಜುಕೋರರು ರಾಜಕಾರಣಕ್ಕೆ: ರವೀಂದ್ರ ಶ್ರೀಕಂಠಯ್ಯ ವಾಗ್ದಾಳಿ

ಕನ್ನಡಪ್ರಭ ವಾರ್ತೆ ಶ್ರೀರಂಗಪಟ್ಟಣ

ಪಟ್ಟಣದ ತಾಲೂಕು ಕ್ರೀಡಾಂಗಣದಲ್ಲಿ ನಡೆದ ಜೆಡಿಎಸ್‌-ಬಿಜೆಪಿ ಚುನಾವಣಾ ಪ್ರಚಾರ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಯಾರೋ ಅಯೋಗ್ಯನನ್ನು ಕರೆತಂದು ಮಾತನಾಡಿಸುತ್ತಾರೆ. ಅವರ ಮನೆಯಲ್ಲಿ ಯಾರು ಹೆಣ್ಣುಮಕ್ಕಳಿಲ್ಲವಾ? ಜೂಜಾಡಿಸುವವರನ್ನೆಲ್ಲಾ ರಾಜಕಾರಣಕ್ಕೆ ಕರೆತರುವವರಿಗೆ ನಾಚಿಕೆಯಾಗಬೇಕು ಎಂದು ಹರಿಹಾಯ್ದರು.

ಒಕ್ಕಲಿಗರ ನಾಯಕತ್ವಕ್ಕೆ ಪರದಾಡುತ್ತಿದ್ದಾರೆ. ನಂಜನಗೂಡು ಹತ್ತಿರ ಬಸ್ ಬಿದ್ದಾಗ ಡಿ.ಕೆ.ಶಿವಕುಮಾರ್‌ಗೆ ಒಕ್ಕಲಿಗರು ನೆನಪಾಗಲಿಲ್ಲ, ಕನಗನಮರಡಿ ಬಸ್ ದುರಂತ ಸಂಭವಿಸಿದಾಗಲೂ ಕುಮಾರಸ್ವಾಮಿಯವರೇ ಬಂದು ಸಾಂತ್ವನ ಹೇಳಬೇಕಾಯಿತು. ಕೇವಲ ಒಬ್ಬ ಕಂಟ್ರ್ಯಾಕ್ಟರ್ ಗೆ ಅನುಕೂಲ ಮಾಡಿಕೊಡಲು ನಮ್ಮ ಕೆರೆ- ಕಟ್ಟೆಗಳನ್ನು ಒಣಗಿಸಿದರು ಎಂದರು.

ಡಾ.ಎಚ್‌.ಎನ್‌.ರವೀಂದ್ರ ಮಾತನಾಡಿ, ಭಾವನೆಗಳು ಇರುವವರು ಅಳುತ್ತಾರೆ, ನಗುತ್ತಾರೆ. ಭಾವನೆಗಳಿಲ್ಲದಿರುವವರು ಮನುಷ್ಯರೇ ಅಲ್ಲ. ಎಲ್ಲಾ ಸಮಯದಲ್ಲೂ ಒಂದೇ ರೀತಿ ನಾಟಕ ಮಾಡಿಕೊಂಡು ಇರಲಾಗುವುದಿಲ್ಲ. ಕುಮಾರಸ್ವಾಮಿ ಗೆದ್ದರೆ ಕೇಂದ್ರ ಸಚಿವರಾಗುತ್ತಾರೆ‌. ಕೃಷಿ ಮತ್ತು ರಸಗೊಬ್ಬರ ಖಾತೆಗಳು ಸಿಗಲಿ ಎಂಬುದು ನನ್ನ ಆಶಯವಾಗಿದೆ ಎಂದರು.

ಮೈಷುಗರ್ ಆಸ್ತಿ ಅಡವಿಟ್ಟು ಹೊಸ ಕಾರ್ಖಾನೆ ಮಾಡುವುದಾಗಿ ಹೇಳುತ್ತಾರೆ. ನಮ್ಮ ಆಸ್ತಿ ಮಾರಿ ಹೊಸ ಕಾರ್ಖಾನೆ ಕಟ್ಟಲು ಇವರು ಯಾರು? ಎಂದು ಪ್ರಶ್ನಿಸಿದರು.