ಸೇವೆಗೆ ಸಜ್ಜನರೇ ಪ್ರೇರಣೆ: ರೇಣುಕಾ ಹೆಗಡೆ

ಕುಮಟಾ: ಪಟ್ಟಣದ ನಾದಶ್ರೀ ಕಲಾಕೇಂದ್ರದಲ್ಲಿ ಇತ್ತೀಚೆಗೆ ರೋಟರಿ ಮತ್ತು ರೋಟರಿ ಏನ್ಸ್ ಕ್ಲಬ್ ಸಹಯೋಗದಲ್ಲಿ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ಅಸಹಾಯಕ ವೃದ್ಧರಿಗೆ ಆಹಾರ ಸೇವೆ ಮಾಡುತ್ತಿರುವ ಹೊಲನಗದ್ದೆಯ ರೇಣುಕಾ ಹೆಗಡೆ ಅವರಿಗೆ ಉತ್ತಮ ಪ್ರೇರಕಿ ಪ್ರಶಸ್ತಿ ನೀಡಿ ಸನ್ಮಾನಿಸಲಾಯಿತು. ಪ್ರಶಸ್ತಿ ಸ್ವೀಕರಿಸಿದ ರೇಣುಕಾ ಹೆಗಡೆ ಮಾತನಾಡಿ, ಸಮಾಜದಲ್ಲಿ ನನ್ನ ಕಿಂಚಿತ್ ಸೇವಾ ಕಾರ್ಯವನ್ನು ಗುರುತಿಸಿ ಉತ್ತಮ ಪ್ರೇರಕಿ ಪ್ರಶಸ್ತಿ ನೀಡಿರುವುದು ಸಂತಸ ಉಂಟು ಮಾಡಿದೆ. ನನ್ನ ಕಾರ್ಯಕ್ಕೆ ಹೊಲನಗದ್ದೆ ಭಾಗದ ಸಜ್ಜನರು ಪ್ರೇರಣೆಯಾಗಿದ್ದಾರೆ ಎಂದರು.

ಜಿ.ಎಸ್. ಹೆಗಡೆ ಪ್ರಾರ್ಥಿಸಿದರು. ಗುರುರಾಜ ಶೆಟ್ಟಿ ರೋಟರಿಯ ಧ್ಯೇಯವಾಕ್ಯ ನುಡಿದರು. ಕಾರ್ಯದರ್ಶಿ ರಾಮದಾಸ ಗುನಗಿ ಸ್ವಾಗತಿಸಿ, ರೋಟರಿಯ ಮಾಸಿಕ ವರದಿ ವಾಚಿಸಿದರು. ಏನ್ಸ್ ಕಾರ್ಯದರ್ಶಿ ಶೈಲಾ ಗುನಗಿ ಪರಿಚಯಿಸಿದರು. ಡಾ. ಶ್ರೀದೇವಿ ಭಟ್ ನಿರೂಪಿಸಿದರು. ಕೋಶಾಧಿಕಾರಿ ಸಂದೀಪ ನಾಯಕ ವಂದಿಸಿದರು.