ಗೋಕರ್ಣ ಹೆದ್ದಾರಿಯಲ್ಲಿ ಹರಡಿದ ರಾಡಿ

ಗೋಕರ್ಣ: ಬುಧವಾರ ಸಂಜೆಯಿಂದ ಭಾರಿ ಮಳೆಯಿಂದ ಜನಜೀವನ ಅಸ್ತವ್ಯಸ್ತಗೊಂಡಿತು.

ಸರ್ಕಾರಿ ಆಸ್ಪತ್ರೆಯಿಂದ ಭದ್ರಕಾಳಿ ಕಾಲೇಜಿನವರೆಗೆ ರಾಜ್ಯ ಹೆದ್ದಾರಿಯ ಮೇಲೆ ಎರಡು ಅಡಿಗೂ ಹೆಚ್ಚು ಮಣ್ಣಿನ ರಾಶಿ ಬಿದ್ದಿದ್ದು, ಸಂಪೂರ್ಣ ಕೆಸರುಗದ್ದೆಯಾಗಿ ಮಾರ್ಪಟ್ಟಿದೆ. ಹಲವರು ಬಿದ್ದು ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ಇದರಂತೆ ಹೆಸ್ಕಾಂ ಗ್ರೀಡ್ ಬಳಿಯೂ ಆಗಿದ್ದು, ಈ ಹಿಂದೆ ಅನೇಕ ಬಾರಿ ಈ ಸ್ಥಳದಲ್ಲಿ ಧರೆಯ ಮಣ್ಣು ತೆಗೆದ ಪರಿಣಾಮ ಅವಾಂತರ ಉಂಟಾಗುತ್ತಿದೆ. ಲೋಕೋಪಯೋಗಿ ಇಲಾಖೆ ಹಾಗೂ ಗ್ರಾಪಂ ನಿರ್ಲಕ್ಷ್ಯದಿಂದ ತೊಂದರೆಯಾಗುತ್ತಿದೆ ಎಂದು ಜನರು ಹೇಳುತ್ತಿದ್ದಾರೆ.

ಒಟ್ಟಾರೆ ಮಳೆಯ ಅಬ್ಬರದಲ್ಲಿ ನೈಸರ್ಗಿಕ ಅವಘಡಗಳು ಒಂದೆಡೆಯಾದರೆ, ಕೃತಕ ಅವಘಡಗಳು ಹೆಚ್ಚಾಗಿದೆ.

ಹನೇಹಳ್ಳಿ, ನಾಡುಮಾಸ್ಕೇರಿ, ಗಂಗಾವಳಿ, ಬಂಕಿಕೊಡ್ಲ, ತದಡಿ, ತೊರ್ಕೆ, ಮಾದನಗೇರಿ, ಹಿರೇಗುತ್ತಿ ಭಾಗದಲ್ಲಿ ಸಹ ಮಳೆಯ ಆರ್ಭಟದಿಂದ ಜನಜೀವನಕ್ಕೆ ತೊಡಕಾಗಿದೆ. ಹಲವಡೆ ರಸ್ತೆಗೆ ನೀರು ನುಗ್ಗಿತ್ತು. ಕೃಷಿ ಪ್ರದೇಶ ಜಲಾವೃತಗೊಂಡಿತ್ತು.