ಯಾದಗಿರಿ ವೈದ್ಯಕೀಯ ಕಾಲೇಜಿನಲ್ಲಿ ಸರ್ಕಾರಿ ನರ್ಸಿಂಗ್‌ ಕೋರ್ಸ್‌ ಆರಂಭ

- 2024-25 ನೇ ಸಾಲಿನಿಂದ 100 ಸೀಟುಗಳ ಬಿಎಸ್ಸಿ ನರ್ಸಿಂಗ್‌ ಕೋರ್ಸಿಗೆ ಅನುಮತಿ

ಕನ್ನಡಪ್ರಭ ವಾರ್ತೆ ಯಾದಗಿರಿ

ಈಗಾಗಲೇ ವೈದ್ಯಕೀಯ ಕಾಲೇಜು ಆರಂಭವಾಗಿದ್ದು, ಬಿಎಸ್ಸಿ ನರ್ಸಿಂಗ್ ಅನುಮತಿಯೊಂದಿಗೆ ಈ ಭಾಗದ ವೈದ್ಯಕೀಯ ಲೋಕದಲ್ಲಿ ಹೆಚ್ಚಿನ ಸಕಾರಾತ್ಮಕ ನಿರೀಕ್ಷಿಸಬಹುದು. ಕಲಿಕೆಯ ವೇಳೆ ತುರ್ತು ಸಂದರ್ಭಗಳಲ್ಲಿ ರೋಗಿಗಳಿಗೆ ಚಿಕಿತ್ಸೆ ನೀಡುವಲ್ಲಿ, ಹೆರಿಗೆ, ಶಸ್ತ್ರಚಿಕಿತ್ಸೆ ವೇಳೆ ಸಹಕಾರ, ಸಿಬ್ಬಂದಿ ಕೊರತೆ ಹಾಗೂ ರೋಗಿಗಳ ನಿಗಾವಹಿಸುವಿಕೆಯಲ್ಲಿ ಇದು ಅನುಕೂಲಕರ ಆಗಲಿದೆ.

ಯಾದಗಿರಿಯ ಯಿಮ್ಸ್‌ನಲ್ಲಿ 100 ಸೀಟುಗಳ ಪ್ರವೇಶ ಮಿತಿಯೊಂದಿಗೆ ಬಿಎಸ್ಸಿ ನರ್ಸಿಂಗ್‌ ಕೋರ್ಸ್‌ ಆರಂಭಕ್ಕೆ ರಾಜೀವಗಾಂಧಿ ಆರೋಗ್ಯ ವಿಜ್ಞಾನಗಳ ವಿವಿ ಅರ್ಜಿ ಸಲ್ಲಿಸಿತ್ತು. ವಿವಿ ನಿಗದಿಪಡಿಸಿದ ನಿಯಮಾವಳಿಗನುಗುಣವಾಗಿ ಬಿಎಸ್ಸಿ ನರ್ಸಿಂಗ್ ಕೋರ್ಸ್‌ ಆರಂಭಕ್ಕೆ ಅನುಮತಿಸಲಾಗಿದೆ. ಸರ್ಕಾರಿ ಕೋಟಾದಲ್ಲಿ ನರ್ಸಿಂಗ್‌ ಕಲಿಯಲು ಬೇರೆಡೆ ತೆರಳುತ್ತಿದ್ದ ಈ ಭಾಗದ ವಿದ್ಯಾರ್ಥಿಗಳಿಗೆ ಇದು ಹೆಚ್ಚಿನ ಅನುಕೂಲವಾಗಲಿದೆ. ಜೊತೆಗೆ 371 (ಜೆ) ಸಹ ಹೆಚ್ಚಿನ ಸೀಟುಗಳನ್ನು ಈ ಭಾಗದವರಿಗೆ ಸಿಗಲಿರುವುದು ವಿಶೇಷ.

ಕೋಟ್‌-1 :

ಶರಣಬಸಪ್ಪಗೌಡ ದರ್ಶನಾಪುರ, ಜಿಲ್ಲಾ ಉಸ್ತುವಾರಿ ಸಚಿವರು, ಯಾದಗಿರಿ.

--------

ಚಿಕಿತ್ಸೆ ಹಾಗೂ ರೋಗಿಗಳ ನಿಗಾ ವಹಿಸಲು ಜಿಲ್ಲಾಸ್ಪತ್ರೆ ಹಾಗೂ ಮೆಡಿಕಲ್‌ ಕಾಲೇಜಿನಲ್ಲಿ ಸಿಬ್ಬಂದಿಗಳ ಕೊರತೆ ನೀಗಿಸುವಲ್ಲಿ ಇದು ಸಹಕಾರಿಯಾಗಲಿದೆ. 100 ಸೀಟುಗಳ ಮಿತಿಯೊಂದಿಗೆ 2024-25 ನೇ ಸಾಲಿನಲ್ಲಿ ಕೋರ್ಸ್‌ ಆರಂಭಗೊಳ್ಳಲಿದೆ. : ಡಾ. ಎಂ. ಎಸ್‌. ಪಾಟೀಲ್‌, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳು, ಯಾದಗಿರಿ.

----