ಗುರು-ಶಿಷ್ಯರ ಸಂಬಂಧಕ್ಕೆ ಬೆಲೆ ಕಟ್ಟಲಾಗದು: ಅಂಕಲಿಮಠದ ವೀರಭದ್ರ ಸ್ವಾಮಿ

ಕನ್ನಡಪ್ರಭ ವಾರ್ತೆ ಮುದಗಲ್

ಅಂಕಲಿಮಠದಲ್ಲಿ ಜರುಗಿದ ಗುರು ನಿರುಪಾಧೀಶ್ವರ ಜಾತ್ರೆಯಲ್ಲಿ ಮಾನವ ಧರ್ಮ ವೇದಿಕೆಯಲ್ಲಿ ಹಮ್ಮಿಕೊಂಡಿದ್ದ ಧಾರ್ಮಿಕ ಸಭೆಯಲ್ಲಿ ಆಶೀರ್ವಚನ ನೀಡುತ್ತಾ, ನಿರುಪಾದಿಗಳು ಜನ್ಮಕ್ಕೆ ಮುಕ್ತಿ ಕೊಡು ಎಂದು ಗುರುವಿನಲ್ಲಿ ಬೇಡಿಕೊಂಡವರು. ಗುರುವಿನ ವಾಕ್ಯವನ್ನು ಪಾಲನೆ ಮಾಡಬೇಕು, ಇಲ್ಲವಾದರೆ ಅದು ಶಾಪವಾಗುತ್ತದೆ ಎಂದು ನಂಬಿಕೆ ಉಳ್ಳವರು. ನಿರುಪಾಧೀಶ್ವರು ಮೊದಲು ಗೋಕಾಕ ತಾಲೂಕಿನ ಚಿಕ್ಕೊಪ್ಪ ಮಠದಲ್ಲಿ ವಾಸವಾದವರು. ಹೊನ್ನಪ್ಪನ ಕೆರೆಯಲ್ಲಿ ಒಂದು ಲಿಂಗು ಇದೆ ಅಲ್ಲಿ ಮಠವನ್ನು ಕಟ್ಟು ಎಂದು ಗುರುವಿನ ಆಜ್ಞೆಯ ಮೂಲಕ ಅಂಕಲಿಮಠಕ್ಕೆ ಆಗಮಿಸಿದವರು ಎಂದರು.

ವೇದಿಕೆ ಮೇಲೆ ಮಾಜಿ ಶಾಸಕ, ಮಾಜಿ ಸಚಿವ ಅಮರೇಗೌಡ ಪಾಟೀಲ್ ಬಯ್ಯಾಪೂರ, ಮಾಜಿ ಶಾಸಕ ದೊಡ್ಡನಗೌಡ ಪಾಟೀಲ್ ಸೇರಿದಂತೆ ಹರ ಗುರು ಚರ ಮೂರ್ತಿಗಳು ಉಪಸ್ಥಿತರಿದ್ದರು. ಕಾರ್ಯಕ್ರಮ ನಿರೂಪಣೆಯನ್ನು ಗಂಗಾಧರ ಶಾಸ್ತ್ರಿ, ಅಮರೇಶ್ವರ ನೆರವೇರಿಸಿದರು.

ಅಂಕಲಿಮಠ ದಲ್ಲಿ ಜಾತ್ರಾ ನಿಮಿತ್ಯ ಐದು ಜನ ಸಾಧಕರಿಗೆ ಪ್ರಶಸ್ತಿಯನ್ನು ನೀಡಿ ಸನ್ಮಾನಿಸಿ ಗೌರವಿಸಲಾಯಿತು.