ಔರಾದ್‌ನ ಗುರುನಾನಕ್‌ ಶಾಲೆ ಅನುಮತಿ ಪಡೆವಲ್ಲಿ ಸಫಲ

ಕನ್ನಡಪ್ರಭ ವಾರ್ತೆ ಔರಾದ್‌

ಪಟ್ಟಣದ ಗಣೇಶಪೂರ್‌ ರಸ್ತೆಯಲ್ಲಿ ಹೊಸದಾಗಿ ನಿರ್ಮಾಣಗೊಂಡ ಕಟ್ಟಡದಲ್ಲಿ ಗುರುನಾನಕ ಹೆಸರಿನ ಅನಧಿಕೃತ ಶಾಲೆ ನಡೆಯುತ್ತಿರುವ ಕುರಿತು ಕ್ಷೇತ್ರ ಶಿಕ್ಷಣಾಧಿಕಾರಿಗಳು ಶಾಲೆಯನ್ನು ಮುಚ್ಚುವಂತೆ ಶೋಕಾಸ್‌ ನೋಟಿಸ್‌ ಜಾರಿ ಮಾಡಿದ್ದರು. ಇದರ ಬೆನ್ನಲ್ಲಿಯೇ ಒಂದೆರಡು ದಿನ ಮಕ್ಕಳನ್ನು ಸಂಸ್ಥೆಯವರು ಜನವಾಡ ಶಾಲೆಯತ್ತ ಸಾಗಿಸಿದ್ದರು. ಮಂಗಳವಾರ ಕನ್ನಡ ಸೇನೆ ಅನಧಿಕೃತ ಶಾಲೆಯ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿ ಮನವಿ ಮಾಡಿತ್ತು. ಈ ನಡುವೆ ಬುಧವಾರ ಶಾಲೆಯ ಕಟ್ಟಡದ ಉದ್ಘಾಟನೆ ಕೂಡ ಮಾಡಿದ್ದ ಆಡಳಿತ ಮಂಡಳಿ ಅನುಮತಿ ಇಲ್ಲದೆ ಶಾಲೆಯ ಚಟುವಟಿಗೆ ಮುಂದುವರೆಸಿದ್ದರಿಂದ ಬಿಇಒ ರಂಗೇಶ್ ಬಿ.ಜಿ ಅವರು ಅನುಮತಿ ತರುವಂತೆ ಒಂದು ವಾರದ ಗಡುವು ನೀಡಿ ವಾಪಸ್ಸಾಗಿದ್ದರು.

--ಬಾಕ್ಸ್‌--1

ಪ್ರಸಕ್ತ ಸಾಲಿಗೆ ಅನ್ವಯವಾಗುವಂತೆ 5ನೇ ತರಗತಿವರೆಗೆ ಆಂಗ್ಲ ಮಾಧ್ಯಮದ ಶಾಲೆ ನಡೆಸಲು ಉಪ ನಿರ್ದೇಶಕರು ಶಾಲಾ ಶಿಕ್ಷಣ ಇಲಾಖೆ ಅವರು ಆದೇಶ ಹೊರಡಿಸಿದ್ದು, ಗುರುನಾನಕ ಪಬ್ಲಿಕ್‌ ಶಾಲೆ ಯಲ್ಲಿ ದಾಖಲಾದ ವಿದ್ಯಾರ್ಥಿಗಳ ಪೋಷಕರು ನಿಟ್ಟುಸಿರು ಬಿಟ್ಟಂತಾಗಿದ್ದು, ಗುಣಮಟ್ಟದ ಶಿಕ್ಷಣದ ನಿರೀಕ್ಷೆಯಲ್ಲಿ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಯಾದ ಗುರುನಾನಕ ಶಾಲೆಯ ಹೆಸರಿನಲ್ಲಿಯೇ ದಾಖಲಾತಿ ಮಾಡಿ ದ್ದೇವೆ ಆದ್ರೆ ಶಾಲೆಗೆ ಮಾನ್ಯತೆ ಇಲ್ಲ ಅಂತ ಗೊತ್ತಾದಾಗಿನಿಂದ ನಮಗೆ ಬಹಳ ಚಿಂತೆಯಾಗಿತ್ತು. ಕೊನೆಗೂ ಶಾಲೆಗೆ ಮಾನ್ಯತೆ ಸಿಕ್ಕಿದೆ ನಮ್ಮ ಮಕ್ಕಳ ಭವಿಷ್ಯ ಈಗ ಭದ್ರವಾಗಿದೆ ಎಂದು ಹೆಸರು ಹೆಳಲಿಚ್ಚಿಸದ ಫೋಷಕರು ‘ಕನ್ನಡಪ್ರಭ’ದ ಹರ್ಷ ವ್ಯಕ್ತಪಡಿಸಿದ್ದಾರೆ‌.

--ಬಾಕ್ಸ್‌-- 2

ಮಕ್ಕಳ ಭವಿಷ್ಯ ಅಂಧಕಾರಕ್ಕೆ ನೂಕುವ ಯಾವ ಸಂಸ್ಥೆಯ ಬೇಜವಾಬ್ದಾರಿತನ ಸಹಿಸೋದಿಲ್ಲ. ನಮ್ಮ ಬೇಡಿಕೆಯಂತೆ ಮಾನ್ಯತೆ ಇಲ್ಲದೆ ಇರುವುದು ಶಾಲೆಯ ವಿರುದ್ಧವಾಗಿತ್ತು. ಗುರುನಾನಕ ಶಾಲೆಗೆ ಈಗ ಅನುಮತಿ ಸಿಕ್ಕಿರುವುದು ಸಂತೋಷ. ಈ ಶಾಲೆಯೂ ನಿಯಮಾನುಸಾರ ನಮ್ಮ ಮಕ್ಕಳ ಶೈಕ್ಷಣಿಕ ಗುಣಮಟ್ಟ ಸುಧಾರಣೆ ಮಾಡುವಲ್ಲಿ ಯಶಸ್ಸು ಕಾಣಲಿ ಅಂತ ಶುಭ ಹಾರೈಸುತ್ತೆನೆ ಎಂದು ಕನ್ನಡ ಸೇನೆ ತಾಲೂಕು ಅಧ್ಯಕ್ಷ ಶಿವಶಂಕರ ನಿಸ್ಪತೆ ಹೇಳಿದ್ದಾರೆ.

ಕೋಟ್‌: 1

ಶಾಲಾ ಶಿಕ್ಷಣ ಇಲಾಖೆಯು ಗುರುನಾನಕ ಪಬ್ಲಿಕ್‌ ಶಾಲೆಗೆ ಅನುಮತಿ ನೀಡಿದೆ ಇದರಿಂದ ಕಳೆದ ಹಲವು ದಿನಗಳಿಂದ ಅನಧಿಕೃತವಾಗಿದ್ದ ಶಾಲೆಯ ಪೋಷಕರು ನಿರಾಳವಾದಂತಾಗಿದೆ.