ಗುರು ಸಿದ್ದೇಶ್ವರ ಸಂಘಕ್ಕೆ ೬೮.೯೯ ಲಕ್ಷ ಲಾಭ

ಕನ್ನಡಪ್ರಭ ವಾರ್ತೆ ಬೀಳಗಿ

ಇಲ್ಲಿನ ಶ್ರೀ ಕಲ್ಮಠದಲ್ಲಿ ಪಟ್ಟಣದ ಪ್ರತಿಷ್ಠಿತ ಗುರುಸಿದ್ದೇಶ್ವರ ಪತ್ತಿನ ಸಹಕಾರಿ ಸಂಘದ ೨೦ನೇ ವಾರ್ಷಿಕ ಸರ್ವ ಸಾಧಾರಣ ಸಭೆಯ ಸಾನ್ನಿಧ್ಯ ವಹಿಸಿ ಅವರು ಮಾತನಾಡಿದರು. ಸಂಘಗಳಿಗೆ ಜನರು ಆರ್ಥಿಕ ಸಹಾಯ ಕೇಳುವುದು, ಸಂಘಗಳು ಜನರಿಗೆ ಆರ್ಥಿಕ ಸಹಾಯ ಮಾಡಿ ಸಮಾಜದ ಅಭಿವೃದ್ಧಿಗೆ ದುಡಿಯುವುದೇ ಸಹಕಾರ, ಸಾಲ ಪಡೆದವರು ಸರಿಯಾದ ಸಮಯಕ್ಕೆ ಮರು ಪಾವತಿ ಮಾಡಿದರೆ ಆಗ ಸಂಘಕ್ಕೂ ಮತ್ತು ಸಹಕಾರ ವ್ಯವಸ್ಥೆ ಬೆಳೆಯಲು ಸಾಧ್ಯವೆಂದ ಅವರು, ಹೀಗೆ ಸಂಘ ಇನ್ನೂ ಹೆಚ್ಚಿನ ಸಮಾಜ ಸುಧಾರಣೆ ಕೆಲಸ ಮಾಡಲಿ ಎಂದು ಆಶೀರ್ವಾದಿಸಿದರು.

ಪ್ರಸಕ್ತ ೨೦೨೪-೨೫ ನೇ ಸಾಲಿನಲ್ಲಿ ಗುರು ಸಿದ್ದೇಶ್ವರ ಪತ್ತಿನ ಸಹಕಾರ ಸಂಘವು ₹೬೮.೯೯ ಲಕ್ಷ ನಿವ್ವಳ ಲಾಭ ಗಳಿಸಿದೆ ಎಂದು ಸಂಘದ ಅಧ್ಯಕ್ಷರಾದ ಶ್ರೀಶೈಲ ಯಂಕಂಚಿಮಠ ತಿಳಿಸಿದರು. ಒಟ್ಟು ೩೮೭೬ ಸದಸ್ಯರನ್ನು ಹೊಂದಿದ್ದು, ₹೮೦.೫೦ ಕೋಟಿ ದುಡಿಯುವ ಬಂಡವಾಳ ಹೊಂದಿದೆ. ಸದಸ್ಯರಿಗೆ ಶೇ.೧೫ರಷ್ಟು ಡಿವಿಡೆಂಡ್ ನೀಡುವ ಯೋಜನೆ ಹಾಕಿದ್ದು, ಬರುವ ದಿನಗಳಲ್ಲಿ ಕೆರೂರ, ಲೋಕಾಪುರ, ಕೊಲಾರ ಪಟ್ಟಣದಲ್ಲಿ ಸಂಘದ ನೂತನ ಶಾಖೆ ಆರಂಭಿಸುವ ಯೋಜನೆ ಹಾಕಿಕೊಂಡಿದೆ. ಈಗಾಗಲೇ ಬಾಗಲಕೋಟೆ, ಗಲಗಲಿ ಮತ್ತು ಮುಧೋಳ ಪಟ್ಟಣದಲ್ಲಿ ಸಂಘದ ಶಾಖೆಗಳು ಉತ್ತಮ ಕಾರ್ಯ ಮಾಡುತ್ತಿವೆ ಎಂದರು.