ಮತ್ತೆ ಹಾಫ್ ಹೆಲ್ಮೆಟ್ ತಲೆಬಿಸಿ: ಎಸ್‌ಪಿ ಕ್ಲಾಸ್‌

- ನಿಯಮ ಉಲ್ಲಂಘಿಸಿದವರಿಗೆ ಹರಳೆಣ್ಣೆ ಕೊಟ್ರಬಸಪ್ಪ ವೃತ್ತದಲ್ಲಿ ಕಾನೂನು ಪಾಠ - - -

ನಗರದ ಹರಳೆಣ್ಣೆ ಕೊಟ್ರಬಸಪ್ಪ ವೃತ್ತದಲ್ಲಿ ನಾಲ್ಕೂ ದಿಕ್ಕಿನಿಂದ ಯಾವುದೇ ಹೆಲ್ಮೆಟ್ ಧರಿಸದೇ ಹಾಗೂ ಹಾಫ್‌ ಹೆಲ್ಮೆಟ್‌ ಧರಿಸಿ ದ್ವಿಚಕ್ರ ವಾಹನಗಳಲ್ಲಿ ಬರುತ್ತಿದ್ದ ಸವಾರರನ್ನು ತಡೆದು, ಬೈಕ್‌-ಸ್ಕೂಟಿ ಚಾಲನೆ ಮಾಡುವಾಗ ಕಡ್ಡಾಯವಾಗಿ ಫುಲ್ ಹೆಲ್ಮೆಟ್ ಧರಿಸುವಂತೆ, ಸಂಚಾರ ನಿಯಮ ಪಾಲನೆ ಮಾಡುವಂತೆ, ನಿಗದಿತ ವೇಗದಲ್ಲಿ ಜವಾಬ್ದಾರಿಯಿಂದ ವಾಹನ ಚಾಲನೆ ಮಾಡುವಂತೆ ತಾಕೀತು ಮಾಡಿದರು.

ಅದೇ ವೇಳೆ ಪತ್ನಿ ಜೊತೆಗೆ ತೆರಳುತ್ತಿದ್ದ ದ್ವಿಚಕ್ರ ವಾಹನ ಸವಾರನ ಹೆಲ್ಮೆಟ್ ತೆಗೆದು, ಪತ್ನಿಯಾದ ನೀವಾದರೂ ಫುಲ್ ಹೆಲ್ಮೆಟ್ ಹಾಕಲು ನಿಮ್ಮ ಮನೆಯವರಿಗೆ ಹೇಳಬೇಕಲ್ಲವೇ ಮೇಡಂ ಎಂದು ಎಸ್‌ಪಿ ಮೇಡಂ ಸಲಹೆ ನೀಡಿದ್ದು ಗಮನ ಸೆಳೆಯಿತು.

ಈ ಸಂದರ್ಭ ನಗರ ಡಿವೈಎಸ್ಪಿ ಬಿ.ಶರಣ ಬಸವೇಶ್ವರ ಭೀಮರಾವ್‌, ಬಡಾವಣೆ ಠಾಣೆ ಇನ್‌ಸ್ಪೆಕ್ಟರ್ ಗಾಯತ್ರಿ ರೊಡ್ಡ, ಸಂಚಾರ ಪೊಲೀಸ್ ಠಾಣೆ ಸಬ್ ಇನ್‌ಸ್ಪೆಕ್ಟರ್ ಶೈಲಜಾ ಸೇರಿದಂತೆ ಅಧಿಕಾರಿ-ಸಿಬ್ಬಂದಿ ಇದ್ದರು.

(ಟಾಪ್‌ ಕೋಟ್‌) ಹಬ್ಬಗಳ ಹಿನ್ನೆಲೆ ಬಂದೋಬಸ್ತ್ ವ್ಯವಸ್ಥೆ ಇನ್ನಿತರೆ ಕಾರಣಕ್ಕೆ ಹಾಫ್‌ ಹೆಲ್ಮೆಟ್ ವಿರುದ್ಧ ಕಾರ್ಯಾಚರಣೆ ನಡೆಸಿರಲಿಲ್ಲ. ಇನ್ನು ಮುಂದೆ ನಗರ, ಜಿಲ್ಲಾದ್ಯಂತ ಹಾಫ್‌ ಹೆಲ್ಮೆಟ್‌ ಕಾರ್ಯಾಚರಣೆ ಮುಂದುವರಿಯಲಿದೆ. ದಂಡ ವಿಧಿಸುವ ಜೊತೆಗೆ ಹಾಫ್ ಹೆಲ್ಮೆಟ್ ಧರಿಸುವವರ ವಿರುದ್ಧ ಸೂಕ್ತ ಕಾನೂನು ಕ್ರಮ ಸಹ ಕೈಗೊಳ್ಳಲಾಗುವುದು.

- - -

ಪಿ.ಜೆ. ಬಡಾವಣೆಯ ಹರಳೆಣ್ಣೆ ಕೊಟ್ರಬಸಪ್ಪ ವೃತ್ತದಲ್ಲಿ ಹಾಫ್ ಹೆಲ್ಮೆಟ್ ವಿರುದ್ಧ ಜಿಲ್ಲಾ ಎಸ್‌ಪಿ ಉಮಾ ಪ್ರಶಾಂತ ಕಾರ್ಯಾಚರಣೆಗಿಳಿದು ನಿಯಮ ಉಲ್ಲಂಘಿಸಿದ ವಾಹನ ಸವಾರರಿಗೆ ದಂಡ ವಿಧಿಸಿ, ಸಂಚಾರ ನಿಯಮಗಳ ಜಾಗೃತಿ ಮೂಡಿಸಿದರು.