ಕೊಡಗು ಜಿಲ್ಲೆಯಾದ್ಯಂತ ಭಾರಿ ಮಳೆ

ಕನ್ನಡಪ್ರಭ ವಾರ್ತೆ ಮಡಿಕೇರಿ

ಹಾರಂಗಿಯಿಂದ ಮಧ್ಯಾಹ್ನ 1 ಗಂಟೆ ವೇಳೆಗೆ 18 ಸಾವಿರ ಕ್ಯೂಸೆಕ್ ನೀರು ಹರಿಸಲಾಯಿತು. ಜಲಾಶಯಕ್ಕೆ ಭಾರಿ ನೀರು ಹರಿದು ಬರುತ್ತಿರುವ ಹಿನ್ನೆಲೆ, ಜಲಾಶಯದಿಂದ 18 ಸಾವಿರ ನೀರು ಬಿಡುಗಡೆ ಮಾಡಲಾಗಿದ್ದು, ನದಿ ಪಾತ್ರದ ಜನರು ಎಚ್ಚರವಹಿಸುವಂತೆ ಅಧಿಕಾರಿಗಳು ಸೂಚನೆ ನೀಡಿದ್ದಾರೆ.

ಅಂಗಡಿಯಲ್ಲಿದ್ದ ವಸ್ತುಗಳ ತೆಗೆಯಲಾಗದೆ ವ್ಯಾಪಾರಸ್ಥರು ಪರದಾಡುತ್ತಿದ್ದಾರೆ. ಸಾವಿರಾರು ರುಪಾಯಿ ಖರ್ಚು ವ್ಯಾಪಾರಕ್ಕೆ ಹಾಕಿದ್ದ ವಸ್ತುಗಳು ಹಾಳಾಗಿದೆ.

ತ್ರಿವೇಣಿ ಸಂಗಮ ಸಂಪೂರ್ಣ ಮುಳುಗಡೆ:

ಅತ್ತ ಪಿಂಡ ಪ್ರಧಾನ ಟಿಕೆಟ್ ಕೌಂಟರ್ ಕಚೇರಿಗಳು ಜಲಾವೃತಗೊಂಡಿದೆ. ಮತ್ತೊಂದೆಡೆ ಕೇಶಮುಂಡನ ಕಟ್ಟಡ, ಕಾರು ಪಾರ್ಕಿಂಗ್ ಸಂಪೂರ್ಣ ಜಲಾವೃತವಾಗಿದೆ.

ದೇವಾಲಯದ ಆವರಣದಲ್ಲಿರುವ ಅಂಗಡಿಗಳು ಈಗಾಗಲೇ ಜಲಾವೃತವಾಗಿದೆ.

ಮಡಿಕೇರಿ ನಗರದ ಹಲವೆಡೆ ಬರೆ ಕುಸಿತವಾಗಿದ್ದು ನಗರ ಸಭಾ ಅಧ್ಯಕ್ಷರು, ಉಪಾಧ್ಯಕ್ಷರು ಸ್ಥಳಕ್ಕೆ ಭೇಟಿ ನೀಡಿ ತಾತ್ಕಾಲಿಕ ವಾಗಿ ಪ್ಲಾಸ್ಟಿಕ್ ಹೊದಿಕೆ ಹೊದಿಸಿ ಹೆಚ್ಚಿನ ತೊಂದರೆ ಆಗದಂತೆ ನಗರ ಸಭಾ ಅಧ್ಯಕ್ಷೆ ಕಲಾವತಿ, ಉಪಾಧ್ಯಕ್ಷ ಮಹೇಶ್ ಜೈನಿ, ನಗರಸಭಾ ಸಿಬ್ಬಂದಿಗಳೊಂದಿಗೆ ಕ್ರಮ ಕೈಗೊಂಡರು.

ಮಂಗಳವಾರ ಸುರಿದ ಭಾರಿ ಮಳೆಗೆ ಮಡಿಕೇರಿ ತಾಲೂಕು ಕಗ್ಗೋಡು ಬಿಳಿಗೇರಿ ಸಂಪರ್ಕ ಸೇತುವೆಯ ಬಳಿಯ ಕಾಫಿ ತೋಟ ಜಲಾವೃತಗೊಂಡಿದೆ.

ಕಣಿವೆ ತೂಗು ಸೇತುವೆ ತಾತ್ಕಾಲಿಕ ಬಂದ್