ನ್ಯಾಯಕೊಡಿಸಲು ನಿಮ್ಮೊಂದಿಗೆ ಇದ್ದೇನೆ

ಕನ್ನಡಪ್ರಭ ವಾರ್ತೆ ತಾಳಿಕೋಟೆ

ಪಟ್ಟಣದ ಬಸ್ ನಿಲ್ದಾಣದ ಮುಂಭಾಗದಲ್ಲಿರುವ ೨೩ ಅಂಗಡಿಗಳ ಮಾಲೀಕರು (ಹರಳಯ್ಯ) ಸಮಾಜದವರು ತಮ್ಮ ಅಂಗಡಿಗಳನ್ನು ತೆರವುಗೊಳಿಸಿದ್ದರಿಂದ ಬೀದಿಪಾಲಾಗಿವೆ ಎಂದು ಅದೇ ಸ್ಥಳದಲ್ಲಿಯೇ ಯಥಾಸ್ಥಿತಿ ಅಂಗಡಿಗಳನ್ನು ನಿರ್ಮಿಸಿಕೊಡಬೇಕೆಂದು ಆಗ್ರಹಿಸಿ ಪ್ರತಿಭಟನೆ ನಡೆಸಿದ ಸ್ಥಳಕ್ಕೆ ಭೇಟಿ ನೀಡಿ ಮಾತನಾಡಿದ ಅವರು, ನಿಮ್ಮ ಅಂಗಡಿಗಳನ್ನು ತೆರವುಗೊಂಡಿದ್ದರೂ ಪುನಃ ನಿಮಗೆ ನ್ಯಾಯಕೊಡಿಸಲು ನಿಮ್ಮೊಂದಿಗೆ ಇದ್ದೇನೆ. ಇನ್ನೂ ತೆರವು ಕಾರ್ಯಾಚರಣೆ ನಡೆಯುತ್ತಿತ್ತು. ನಾನು ಸಂಬಂಧಿತ ಹಿರಿಯ ಅಧಿಕಾರಿಗಳ ಗಮನಕ್ಕೆ ತಂದ ನಂತರ ಈ ಕಾರ್ಯಾಚರಣೆ ನಿಲ್ಲಿಸಿದ್ದಾರೆ. ಎರಡೂವರೇ ವರ್ಷ ಕಳೆದರೂ ಶಾಸಕ ನಾಡಗೌಡ ಅವರು ತಾಳಿಕೋಟೆಗೆ ಭೇಟಿ ನೀಡಿಲ್ಲ. ದಲಿತರಿಗೆ ಹಾಗೂ ಇನ್ನೂಳಿದ ಜನತೆಗೆ ಅನ್ಯಾಯವಾಗುತ್ತಿರುವುದನ್ನು ನಾನು ಗಮನಿಸಿದ್ದೇನೆ. ಈ ಕುರಿತು ನನ್ನಲ್ಲಿ ವಿಡಿಯೋ ರೆಕಾರ್ಡ್‌ ಇದೆ ಎಂದು ಗುಡುಗಿದರು.ಮಸೀದಿ ಮಂದಿರಗಳ ಮುಂದಿನ ಸ್ಟೇಪ್‌ಗಳನ್ನು ತೆರವುಗೊಳಿಸಿದ್ದಾರೆ. ವಿಠ್ಠಲ ಮಂದಿರಕ್ಕೆ ಮುಂದಾದಾಗ ತಡೆಹಿಡಿಯುವ ಕಾರ್ಯಕ್ಕೆ ಸೂಚನೆ ನೀಡಿದಾಗ ನಿಂತಿದೆ. ಹಿಂದೂ, ಮುಸ್ಲಿಂ ಬಾಂಧವರಿಗೆ ಜಗಳ ಹಚ್ಚುವ ಕಾರ್ಯ ನಡೆದಿದೆ. ಮಂದಿರದ ಮುಂದಿನ ತಗಡುಗಳನ್ನು ಸಹಿತ ತೆರವಿಗೆ ಸೂಚಿಸಿದ್ದಾರೆ. ಈ ತಗಡುಗಳು ಶಾಸಕ ನಾಡಗೌಡರ ತಲೆಗೆ ಬಡಿಯುತ್ತಿದ್ದವೇನು ಎಂದು ಪ್ರಶ್ನಿಸಿದರು. ಪೊಲೀಸ್‌ರಿಗೆ ಹಚ್ಚಿ ಬೆದರಿಸುವ ಕಾರ್ಯ ನಡೆದಿದೆ. ಬುಧವಾರ ಬೆಳಗ್ಗೆ ೮ ಗಂಟೆಗೆ ದಲಿತರ ಅಂಗಡಿಗಳನ್ನೇ ಟಾರ್ಗೆಟ್ ಮಾಡಿ ತೆರವುಗೊಳಿಸಿರುವುದು ನ್ಯಾಯ ಸಮ್ಮತವಲ್ಲ. ತೆರವು ಕಾರ್ಯಾಚರಣೆ ನಡೆಸಿದಾಗ ಪುರಸಭೆ ಅಧಿಕಾರಿಯ ಅಂಗಡಿ ಮುಗ್ಗಟ್ಟು ಸಂಬಂಧಿತ ಮಹಿಳೆಯರು ಕೈ ಕಾಲು ಬಿದ್ದು ರೋಧಿಸಿದರೂ ತೆರವು ಕಾರ್ಯಚರಣೆ ನಿಲ್ಲಲಿಲ್ಲ. ಈ ಕುರಿತು ಸಂಸದ ಕಾರಜೋಳ ಅವರು ಡಿಸಿಯವರಿಗೆ ಫೋನಾಯಿಸಿ ತಿಳಿಸಲಾಗಿದೆ ಹಾಗೂ ಪುರಸಭೆ ಅಧಿಕಾರಿಗೆ ಪೋನಾಯಿಸಿದರೂ ಅದಕ್ಕೆ ಉತ್ತರ ದೊರೆಯಲಿಲ್ಲ. ೧೧.೧೫ ಗಂಟೆಗೆ ತಡೆಯಾಜ್ಞೆ ಬಂದಿದೆ. ಈ ಕುರಿತು ಪುರಸಭೆ ಅಧಿಕಾರಿಗೆ ಹೇಳಿದರೂ ಅಧಿಕೃತ ಕಾಪಿ ಕೇಳಿದ್ದಾರೆ. ಮುಂದೆ ೧೨.೪೦ ರಿಂದ ೧ ಗಂಟೆಯ ಸುಮಾರಿಗೆ ಅಂಗಡಿಗಳನ್ನು ಒಡೆದು ಹಾಕಿದ್ದಾರೆ. ನ್ಯಾಯಾಲಯದ ಆದೇಶಕ್ಕೂ ಕಿಮ್ಮತ್ತು ನೀಡಿಲ್ಲ. ನಂತರ ಕಾರಜೋಳ ಅವರ ಪುತ್ರ ಎಸ್ಪಿ ಅವರಿಗೆ ಫೋನಾಯಿಸಿ ತಿಳಿಸಿದಾಗ ಕಾರ್ಯಾಚರಣೆ ನಿಂತರೂ ಎಲ್ಲ ಅಂಗಡಿಗಳು ನೆಲ ಸಮವಾಗಿದ್ದವು ಎಂದು ದೂರಿದರು.ನಾನು ಯಾವ ಜನರಿಗೂ ಅನ್ಯಾಯ ಮಾಡಿಲ್ಲ. ಕೈಲಾದಷ್ಟು ಸಹಾಯ ಮಾಡಿದ್ದೇನೆ. ಮುಸ್ಲಿಂ ಯುವಕನೊಬ್ಬ ಡೋಣಿ ನದಿಯಲ್ಲಿ ಬಿದ್ದು ಮೃತಪಟ್ಟಾಗ ಸರ್ಕಾರದಿಂದ ₹೫ ಲಕ್ಷ ಪರಿಹಾರ ಕೊಡಿಸಿದ್ದೇನೆ. ಈ ಕಾರ್ಯದಲ್ಲಿ ನಾನು ನೀತಿ ಸಂಹಿತೆ ಉಲ್ಲಂಘನೆ ಮಾಡಿದ್ದೇನೆಂದು ಈಗೀನ ಶಾಸಕ ಆರೋಪ ಮಾಡಿದ್ದರು ಎಂದು ಆರೋಪಿಸಿದರು.ಯಾವುದೇ ತೆರವು ಕಾರ್ಯಕ್ಕೆ ಮೊದಲು ನೋಟಿಸ್‌ ನೀಡಬೇಕು ಅಥವಾ ಸಾರ್ವಜನಿಕರ ದೂರಾಗಿರಬೇಕು. ಈ ಕಾರ್ಯದಿಂದ ಯಾವ ತೊಂದರೆಯಾಗಲಿದೆ ಎಂಬುವುದನ್ನು ಗಮನಿಸಬೇಕು. ಠರಾವು ಕೂಡಾ ಮಾಡಿಲ್ಲ, ಪತ್ರಿಕೆಗಳಲ್ಲ ಸ್ಟೆಟಮೆಂಟ್‌ ನೀಡಿ ಈ ಕಾರ್ಯಾಚರಣೆ ನಡೆಸಿರುವುದು ಸರಿ ಏನು ಎಂದು ಪ್ರಶ್ನಿಸಿದರು.ಒತ್ತು ಗಾಡಿಯಲ್ಲಿ ವ್ಯಾಪಾರ ಮತ್ತು ಫುಟ್‌ಪಾತ್ ವ್ಯಾಪಾರಸ್ಥರಿಗಾಗಿ ಕೇಂದ್ರ ಸರ್ಕಾರ ₹೧೦ ಸಾವಿರ ಸಹಾಯಧನ ನೀಡುತ್ತದೆ. ವಿಶ್ವಾಸದಿಂದ ಅರ್ಧ ಬಡ್ಡಿದರಲ್ಲಿ ನೀಡುತ್ತಿದೆ. ₹೬೦ ಲಕ್ಷದವರೆಗೂ ವ್ಯಾಪಾರ ವೈಹಿವಾಟು ನಡೆಸಲು ಸಹಾಯ ಹಸ್ತಕಲ್ಪಿಸಲು ಮುಂದಾಗಿದೆ ಎಂದು ತಿಳಿಸಿದರು.ನಮ್ಮ ಬೇಡಿಕೆ ೬೫ ವರ್ಷಗಳ ಹಿಂದೆ ಇದ್ದಂತಹ ಅಂಗಡಿಗಳನ್ನು ಈಗ ತೆರವುಗೊಳಿಸಿರುವ ಅಂಗಡಿಗಳನ್ನು ಕಟ್ಟಿಕೊಡಿ. ಒಡೆದ ಅಂಗಡಿಗಳ ಮಾಲು ಮಸಲುಗಳ ಲುಕ್ಸಾನು ಕೊಡಬೇಕು. ಶಾಸಕನ ಮಾತು ಕೇಳಿ ತೆರವು ಕಾರ್ಯಚರಣೆ ನಡೆಸಿದ ಪುರಸಭೆ ಅಧಿಕಾರಿಯ ಮೇಲೆ ಕ್ರಮ ಜರುಗಿಸಬೇಕು ಎಂದು ಆಗ್ರಹಿಸಿ ವಿಶೇಷವಾಗಿ ದಲಿತ ಸಮೂದಾಯಕ್ಕೆ ವಿಶೇಷ ಕಾನೂನು ಜಾರಿಯಾಗಿದ್ದರ ಕುರಿತು ತಿಳಿಸಿದರು.ಮುದ್ದೇಬಿಹಾಳದ ಇಂದಿರಾ ನಗರದಲ್ಲಿಯೂ ದಲಿತರ ೩೦ ಮನೆಗಳನ್ನು ಕೆಡವಿದ್ದಾರೆ. ನ್ಯಾಯಾಲಯದ ತಡೆಯಾಜ್ಞೆಗೆ ಅಪಮಾನವಾಗಿದೆ. ಸುಮಾರು ೧೫೦ ಅಂಗಡಿಗಳನ್ನು ನಾಶ ಮಾಡಿದ್ದಾರೆ. ಇಷ್ಟೆಲ್ಲದರಲ್ಲಿಯೂ ನೀವು ಆಯ್ಕೆ ಮಾಡಿದ ಶಾಸಕನ ಆಟವಾಗಿದೆ. ಈಗಲಾದರೂ ಎಚ್ಚೆತ್ತುಕೊಳ್ಳಿ. ನಿಮಗಾದ ಅನ್ಯಾಯಕ್ಕೆ ನ್ಯಾಯ ಕೊಡಿಸುತ್ತೇನೆ ಎಂದು ಭರವಸೆ ನೀಡಿದರು.ದೇವರಹಿಪ್ಪರಗಿ ಮತಕ್ಷೇತ್ರದ ಶಾಸಕ ರಾಜುಗೌಡ ಪಾಟೀಲ ಮಾತನಾಡಿ, ಈಗ ದಲಿತ ಸಮೂದಾಯದವರಿಗೆ ಅನ್ಯಾಯವಾಗಿರುವುದು ಗೊತ್ತಾಗಿದೆ. ಎ.ಎಸ್.ಪಾಟೀಲರು ಹೇಳಿದಂತೆ ಈ ಅನ್ಯಾಯ ಕುರಿತು ಪ್ರಾಮಾಣಿಕವಾಗಿ ವಿಧಾನಸೌಧದಲ್ಲಿ ಧ್ವನಿ ಎತ್ತುತ್ತೇನೆ ಎಂದು ಭರವಸೆ ನೀಡಿದರು.