ಉಸಿರು ಇರುವರೆಗೂ ಕಾಂಗ್ರೆಸ್ ರಕ್ಷಣೆಗೆ ನಿಲ್ಲುತ್ತೇನೆ: ರಾಜೀವ್ ಗೌಡ

ಕನ್ನಡಪ್ರಭ ವಾರ್ತೆ ಶಿಡ್ಲಘಟ್ಟ

ತಾಲೂಕಿನ ಸಾದಲಿ ಗ್ರಾಮದಲ್ಲಿ ಶುಕ್ರವಾರ ಸಾದಲಮ್ಮ ದೇವಾಲಯದಲ್ಲಿ ಹಮ್ಮಿಕೊಂಡಿದ್ದ ವಿಶೇಷ ಪೂಜಾ ಕಾರ್ಯಕ್ರಮದ ಬಳಿಕ ನೆರೆದಿದ್ದ ಸಹಸ್ರಾರು ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದ ಅವರು, ಮಹಿಳಾ ಅಧಿಕಾರಿ ಪ್ರಕರಣದ ವಿಚಾರದಲ್ಲಿ ನನ್ನನ್ನು ಜೈಲಿಗೆ ಕಳುಹಿಸಲು ಕೆಲವರು ರಾಜಕೀಯ ಪಿತೂರಿ ನಡೆಸಿದರು. ಅವರಿಗೆ ಭಗವಂತ ಒಳ್ಳೆಯದು ಮಾಡಲಿ ಎಂದರು.ಇಂತಹ ಸಾವಿರಾರು ತೊಂದರೆಗಳು ನನಗೆ ಎದುರಾಗಲಿ ನಾನು ಯಾವುದಕ್ಕೂ ಹೆದರುವ ಮಗನಲ್ಲ. ನಿಮ್ಮ ಜೊತೆ ಸದಾ ನಿಲ್ಲುತ್ತೇನೆ. ಗ್ರಾಪಂಗಳ ಅಧಿಕಾರ ಅವಧಿ ಮುಗಿದಿದೆ. ಸದ್ಯದಲ್ಲೇ ಗ್ರಾಪಂಗಳಿಗೆ ಚುನಾವಣೆ ನಡೆಯಲಿದ್ದು ನಾವೆಲ್ಲಾ ಸೇರಿ ನಮ್ಮ ಎದುರಾಳಿಗಳನ್ನು ಎದುರಿಸುವ ಕಾರ್ಯ ಮಾಡೋಣ ಎಂದು ತಮ್ಮ ಬೆಂಬಲಿಗರಿಗೆ ಧೈರ್ಯ ತುಂಬಿದರು. ನಾವು ಸ್ಥಳೀಯ ಸಂಸ್ಥೆಗಳಲ್ಲಿ ಅಧಿಕಾರ ಹಿಡಿಯದೆ ಹೋದರೆ ಅಧಿಕಾರಿಗಳು ಸರ್ವಾಧಿಕಾರಿ ಧೋರಣೆ ಅನುರಿಸುತ್ತಾರೆ. ಇದು ನಮಗೆ ಈಗ ಅನುಭವ ಆಗಿದೆ. ನಮ್ಮ ಕಾರ್ಯಕರ್ತರಿಗೆ ಅಧಿಕಾರ ಸಿಗದೇ ಹೋದರೆ ನಮ್ಮನ್ನು ನಂಬಿದವರ ಕೆಲಸ ಕಾರ್ಯಗಳು ಆಗಲ್ಲ.

ಕಾರ್ಯಕರ್ತರಿಗೆ ಭರ್ಜರಿ ಬಾಡೂಟಜೈಲಿನಿಂದ ಹೊರ ಬಂದ ಬಳಿಕ ರಾಜೀವ್‌ಗೌಡ ತಮ್ಮ ಪತ್ನಿ ಸಹನಾ ರಾಜೀವ್‌ಗೌಡ ಅವರ ಹರಿಕೆಯಂತೆ ಇಂದು ಸಾದಲಿಯ ಪ್ರಸಿದ್ಧ ಸಾದಲಮ್ಮ ದೇವಿಗೆ ಇಡೀ ಕುಟುಂಬ ವರ್ಗದಿಂದ ಸಹಸ್ರಾರು ಕಾರ್ಯಕರ್ತರ ಸಮ್ಮುಖದಲ್ಲಿ ವಿಶೇಷ ಪೂಜೆ ಸಲಿಸಿದರು. ನಂತರ ಪಾಲ್ಗೊಂಡಿದ್ದ ಕಾರ್ಯಕರ್ತರಿಗೆ ಭರ್ಜರಿ ಬಾಡೂಟ ಹಾಕಿಸಿದರು. ರಾಜ್ಯದ ಬೀಜ ನಿಗಮದ ಅಧ್ಯಕ್ಷರಾದ ನಂದಿ ಅಂಜಿನಪ್ಪ ಸೇರಿದಂತೆ ಮತ್ತಿತರರು ಪಾಲ್ಗೊಂಡಿದ್ದರು.ಸುದ್ದಿ ಚಿತ್ರ ೧ ತಾಲೂಕಿನ ಸಾದಲಿ ಗ್ರಾಮದಲ್ಲಿ ಶುಕ್ರವಾರ ಸಾದಲಮ್ಮ ದೇವಾಲಯದಲ್ಲಿ ಹಮ್ಮಿಕೊಂಡಿದ್ದ ವಿಶೇಷ ಪೂಜಾ ಕಾರ್ಯಕ್ರಮದ ಬಳಿಕ ನೆರೆದಿದ್ದ ಸಹಸ್ರಾರು ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದ ಎಬಿಡಿ ಟ್ರಸ್ಟ್ ಅಧ್ಯಕ್ಷ ರಾಜೀವ್‌ಗೌಡ