ಸ್ಮಶಾನ ಜಾಗ ಗುರುತಿಸಿ, ಸೌಲಭ್ಯ ಒದಗಿಸಿ: ಜಿ. ಲಕ್ಷ್ಮೀಕಾಂತ ರೆಡ್ಡಿ

ಕನ್ನಡಪ್ರಭ ವಾರ್ತೆ ಪಿರಿಯಾಪಟ್ಟಣ

ಪಟ್ಟಣದ ಪ್ರವಾಸಿ ಮಂದಿರದಲ್ಲಿ ಭಾನುವಾರ ತಾಲೂಕು ಪ್ರವಾಸಕ್ಕೂ ಮುನ್ನ ವಿಧಾನ ಪರಿಷತ್ ಸದಸ್ಯ ಡಾ.ಡಿ. ತಿಮ್ಮಯ್ಯ ಅವರನ್ನು ಭೇಟಿಯಾಗಿ ಸಾರ್ವಜನಿಕವಾಗಿ ಬಗೆಹರಿಸಬೇಕಾದ ಸಮಸ್ಯೆಗಳ ಬಗ್ಗೆ ಚರ್ಚಿಸಿ ಮಾತನಾಡಿದರು.

ತಾಲೂಕಿನ ರಾವಂದೂರು ಗ್ರಾಮದ ಆದಿ ಜಾಂಬವ ಜನಾಂಗಕ್ಕೆ ಸೇರಿದ ಗ್ರಾಮ ಠಾಣಗಾಗಿ ಉಳಿಸಿಕೊಳ್ಳಲಾದ ರಸ್ತೆಯ ಜಾಗವನ್ನು ವಾಣಿಜ್ಯೋದಿಮಿಗಳು ಅತಿಕ್ರಮಸಿಕೊಂಡಿದ್ದಾರೆ. ಈ ಬಗ್ಗೆ ಅನೇಕ ಬಾರಿ ಹೋರಾಟ ಮಾಡಿದ್ದರೂ ಅಧಿಕಾರಿಗಳು ಯಾವುದೇ ರೀತಿ ಕ್ರಮವಹಿಸದೆ ವಿಳಂಬ ಮಾಡುತ್ತಿದ್ದಾರೆ ಎಂದು ಆರ್.ಡಿ. ಚಂದ್ರು ಪ್ರಸ್ತಾಪಿಸಿದರು.

ತಾಲೂಕು ದರಕಾಸ್ತು ಸಮಿತಿ ಸದಸ್ಯ ಟಿ. ಈರಯ್ಯ ಅವರು ಜಲ ಸಂಪನ್ಮೂಲ ಇಲಾಖೆ (ಸಣ್ಣ ನೀರಾವರಿ) ವ್ಯಾಪ್ತಿಗೆ ಒಳಪಡುವ ಅರಸನಕೆರೆಯಿಂದ ತಾತನಹಳ್ಳಿ ಕೆರೆಯ ಜೀವ ಜಲವಗಿಸಲು ಆಧಾರವಾಗಿರುವ ದೊಡ್ಡ ಕಾಲುವೆಯನ್ನು ಕೆಲವು ಜಮೀನು ಮಾಲೀಕರು ಅತಿಕ್ರಮಿಸಿಕೊಂಡಿದ್ದು, ಇನ್ನು ಕೆಲವರು ಪುರಸಭೆ ವತಿಯಿಂದ ಅನುಮತಿಯ ಆಧಾರದಲ್ಲಿ ಮಾಂಸದ ಅಂಗಡಿ ನಿರ್ಮಾಣ ಮಾಡಿಕೊಂಡಿದ್ದು ಕಾಲುವೆ ನಾಪತ್ತೆ ಮಾಡಲಾಗಿದೆ ಎಂದು ತಿಳಿಸಿದರು.

ಈ ವೇಳೆ ಕರ್ನಾಟಕ ದಲಿತ ಚಳುವಳಿ ನವ ನಿರ್ಮಾಣ ವೇದಿಕೆ ಮುಖಂಡರಾದ ಎಚ್.ಡಿ. ರಮೇಶ್, ತಾಲೂಕು ಆದಿ ಜಾಂಬವ ಕ್ಷೇಮಾಭಿವೃದ್ಧಿ ವೇದಿಕೆಯ ಗೌರವಾಧ್ಯಕ್ಷ ಭೂತನಹಳ್ಳಿ ಶಿವಣ್ಣ, ಜಯಸ್ವಾಮಿ, ದೇವಪುರ್ ಕುಮಾರ್, ಚಿಕ್ಕ ಕಮರವಳ್ಳಿ ಮಂಜು, ಬೇಗೂರು ಮಹಾದೇವ್, ಮುಖ್ಯ ಶಿಕ್ಷಕ ಚಂದ್ರಯ್ಯ ಮೊದಲಾದವರು ಇದ್ದರು.